မြန်မာနိုင်ငံက အိမ်ရှင်အဖြစ် ပြုလုပ်မည့် (၂၇)ကြိမ်မြောက် အရှေ့တောင်အာရှအားကစားပြိုင်ပွဲ (ဆီးဂိမ်း)တွင် အားကစားနည်းစုစုပေါင်း (၃၃) နည်းထည့်သွင်း ကျင်းပမည်ဖြစ်ကြောင်း သတင်းရရှိသည်။
ပြေးခုန်ပစ်၊ ရေကူး/ဒိုင်ဗင်၊ မြှားပစ်၊ ဘတ်စကက်ဘော၊ ကြက်တောင်၊ ဘိလိယက်/ စနူကာ၊ လက်ဝှေ့၊ ကနူး/ကယက်၊ စက်ဘီး၊ မြင်းစီး၊ ဘောလုံး/ဖူဆယ်၊
ဂေါက်သီး၊ ဟော်ကီ၊ ဂျူဒို၊ ကရာ တေးဒို၊ အနောက်တိုင်းလှေ၊ ပိုက်ကျော် ခြင်း/ရိုးရာခြင်းလုံး၊ သေနတ်ပစ်၊ ရွက်လှေ၊ စားပွဲတင်တင်းနစ်၊ တိုက်ကွမ်ဒို၊ ဘော်လီဘော၊ အလေးမ၊ နပမ်း၊ ၀ူရှူး၊ ကာယဗလ၊ ရိုးရာလှေ၊ စစ်တုရင်၊ ပန်ကြပ်ဆီလတ်၊ ဗိုဗီနမ်၊ ပန်တက်၊ မွေ၊ ကင်ပိုစသည့် အားကစားနည်း (၃၃) နည်းကို လာမည့်ဆီးဂိမ်းတွင် ထည့်သွင်းကျင်းပရန် ဇန်န၀ါရီ ၂၉ ရက်က နေပြည်တော်၌ ကျင်းပခဲ့သည့် ဒုတိယအကြိမ်မြောက် (SEAGF) ကောင်စီ အစည်းအဝေး
တွင် အရှေ့တောင်အာရှနိုင်ငံများမှ တာဝန်ရှိသူများက သဘောတူညီခဲ့ကြကြောင်း သတင်းရရှိသည်။
“အခြားနိုင်ငံက အိမ်ရှင်အဖြစ်ပြုလုပ်ခဲ့တဲ့ ဆီးဂိမ်းပြိုင်ပွဲတွေမှာ မြန်မာ့ရိုးရာအားကစားနည်းတစ်ခုကို ထည့်သွင်းကျင်းပခဲ့တာ တစ်ခါမှမရှိခဲ့ပါဘူး။ အခု ကိုယ့်ဆီ
မှာ အိမ်ရှင်လုပ်မယ့်ဆီးဂိမ်းမှာတော့ ဥပမာ ပန်တက် (လာအိုနိုင်ငံမှ သံလုံးပစ်အားကစားနည်း)၊ ကင်ပို (မလေးရှားကိုယ်ခံပညာ)၊ ဗိုဗီနမ်
(ဗီယက်နမ်ကိုယ်ခံပညာ)၊ ပန်ကြပ်ဆီလတ်(အင်ဒိုနီးရှားကိုယ်ခံပညာ) စတာတွေ ပါဝင်လာတာကိုတော့ ဘ၀င်မကျမိဘူး”ဟု ၀ါရင့်အားကစားကလောင်ရှင်
ဦးခင်မောင်ထွေး(ပျဉ်းမနား)က ပြောသည်။
အခြားနိုင်ငံမှ ရိုးရာအားကစားနည်းများတွင် အိမ်ရှင်နိုင်ငံအတွက် ဆုရရှိမှုအခြေအနေကိုမူ မပြောနိုင်သေးကြောင်း၊ အားလုံးသဘောတူညီသည့်အတွက် ထည့်
သွင်းကျင်းပခြင်းဖြစ်ကြောင်း၊ ပြီးခဲ့သည့်ရက်ပိုင်းအတွင်း အိမ်ရှင်က အားကစားနည်းအချို့ ပယ်ဖျက်မည်ဟု သတင်းများ ထွက်ပေါ်ခဲ့သည်မှာလည်း
မဟုတ်ပါကြောင်း အားကစားဝန်ကြီးဌာနတာဝန်ရှိသူတစ်ဦးကဆိုသည်။
၂၀၁၃ ဆီးဂိမ်းပြိုင်ကို လာမည့်ဒီဇင်ဘာ ၁၁ မှ ၂၂ ရက်အထိ နေပြည်တော်၊ ရန်ကုန်၊ မန္တလေးမြို့ များနှင့် ငွေဆောင်ကမ်းခြေများတွင် ကျင်းပသွားမည်ဖြစ်သည်။
ဒီကပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။