ဝက်ခြံပေါက်နေရင် အရေပြားကို မသက်မသာ ဖြစ်စေပြီး လူမှုဘဝကို အနှောင့်အယှက် ဖြစ်စေနိုင်ပါတယ်။ ဝက်ခြံတွေ ကင်းစင်ပြီး အသားအရေ ချောမွေ့လှပနေအောင် အောက်ပါ နည်းလမ်းတွေကို လုပ်ဆောင်ပေးပါ။
ရေဓာတ် ပြည့်ဝခြင်း
ရေကို လိုအပ်တဲ့ ပမာဏ သောက်တာကြောင့် ခန္ဓာကိုယ်မှ အဆိပ်တွေ ထွက်သွားပြီး အရေပြား စိုပြည်နေပါလိမ့်မယ်။ သစ်သီးဖျော်ရည် ကို သောက်တာက ခန္ဓာကိုယ်အတွက် လိုအပ်တဲ့ အာဟာရဓာတ်တွေ ရရှိသလို အသားအရေကို ကောင်းကောင်း ထောက်ပံ့ပေးနိုင်ပါလိမ့်မယ်။ ဒါကြောင့် နေ့စဉ် အနည်းဆုံး ရေတစ်လီတာနဲ့ လိမ္မော်ရည်၊ ခရမ်းချဉ်သီးဖျော်ရည်စတဲ့ သစ်သီး ဖျော်ရည်တွေကို သောက်ပေးဖို့ လိုပါတယ်။
သန့်စင်ခြင်း
အရေပြားရှိ ချွေးပေါက်တွေ ပိတ်ဆို့နေတာက ဝက်ခြံဖြစ်စေနိုင်တဲ့ အဓိက အကြောင်းရင်းတစ်ရပ် ဖြစ်ပါတယ်။ အရေပြားကို ကောင်းကောင်း သန့်စင်ပေးတာက ဝက်ခြံတွေကို ပျောက်ကင်းစေနိုင်ပါတယ်။ မျက်နှာကို အပျော့စား ဆပ်ပြာသုံးကာ တစ်နေ့ အနည်းဆုံး နှစ်ကြိမ် သစ်ပေးသင့်ပါတယ်။ မျက်နှာသစ်တဲ့အခါ စက်ဝိုင်းပုံစံအတိုင်း လှည့်လည်ပြီး ပွတ်တိုက်ကာ ရေဆေးချပါ။ မျက်နှာအသားအရေကို ခပ်ကြမ်းကြမ်း ပွတ်တိုက်တာမျိုး မလုပ်ပါနဲ့။ အရေပြားကို ထိခိုက် ပျက်စီးစေနိုင်လို့ပါ။
အိမ်တွင်း ကုထုံးများ
ဝက်ခြံပျောက်စေတဲ့ မီးဖိုချောင်သုံး ပစ္စည်းတွေက သင့်အိမ်မှာ ရှိနေပါတယ်။ ဥပမာပြောရရင် ပျားရည်နဲ့ သံပရာသီးတို့လို မီးဖိုချောင်သုံး ပစ္စည်းတွေပါ။ ပျားရည်ကို မျက်နှာပေါ်မှာ သုတ်လိမ်းပြီး ၁၅-၂၀ မိနစ်လောက် ထားကာ ကြက်သီးနွေးရေနဲ့ ဆေးကြောပေးပါ။ ပျားရည်မှာ ပိုးသတ် အာနိသင်ပါတာကြောင့် ဝက်ခြံ ဖြစ်ပေါ်စေတဲ့ ဘက်တီးရီးယားတွေကို သေစေနိုင်ပါတယ်။ အိပ်ရာမဝင်ခင်မှာ သံပရာသီးကို သုံးပြီး မျက်နှာအရေပြားကို ပွတ်တိုက်ကာ ရေနဲ့ ဆေးချလိုက်ပါ။ ဝက်ခြံ ကာကွယ်ကုသရေးမှာ အရေးပါတဲ့နည်း ဖြစ်ပါတယ်။
အစားအသောက်
ဟင်းသီးဟင်းရွက်နဲ့ သစ်သီးတွေလို သဘာဝအစားအစာတွေက ဝက်ခြံရှိသူတွေအတွက် သင့်တော်တဲ့ အာဟာရပါ။ အင်တီအောက်ဆီးဒင့် ပါဝင်တာကြောင့် အရေပြားကို သန့်စင် ကြည်လင်စေပါတယ်။ ဗီတာမင်နဲ့ သတ္တုဓာတ်တွေ ပါဝင်တာကြောင့် အရေပြားကို တင်းရင်း လှပစေပြီး ရောင်ရမ်းမှုကို လျှော့ချပေးနိုင်ပါတယ်။
ဗီတာမင်များ
အရေပြားမှာ ဘက်တီးရီးယား ဝင်ရောက်မှုနဲ့ ပိုးဝင်ရောင်ရမ်းမှုတို့ မဖြစ်အောင် ဗီတာမင် အားဖြည့်ဆေးတွေကို မှီဝဲသင့်ပါတယ်။ ဗီတာမင်အီးနဲ့ ဗီတာမင်စီတို့ဟာ အရေပြားမှာ ကော်လာဂျင် ထွက်ရှိရေးနဲ့ ခုခံအားစနစ် ကောင်းမွန်ရေးတို့အတွက် အရေးပါတဲ့ ဗီတာမင်တွေ ဖြစ်ကြပါတယ်။ ဒီဗီတာမင်တွေက သစ်သီးတွေ၊ စတော်ဘယ်ရီ၊ ဘလူးဘယ်ရီစတဲ့ ဘယ်ရီသီးတွေထဲမှာများစွာ ပါဝင်ပါတယ်။ လေ့လာမှုအရ ဗီတာ မင်အေ ဖြည့်စွက်ဆေးဟာ အရေပြားရဲ့ အကာအကွယ် တစ်သျှူးတွေကို သန်စွမ်းအောင် ကူညီပေးကာ ဝက်ခြံတွေကို ကင်းစင်စေပါတယ်။
Good Health
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။