ဒါလေးတွေတော့ သိစေချင်တယ် ။

ပြည့် တန်ဆာ ဥပဒေ အတွက် မှန်တယ်ထင်တဲ့ လူတွေ ရှိသလို ၊ မှားတယ်လို့ ထင်နေသူများလည်း ရှိပါတယ် ။ ကောင်းတဲ့ အချက်များ ရှိသလို ဆိုးရွားတဲ့ အချက်များလည်း ရှိတယ် ဆို မှန်ပါတယ် ။ ဒါကို ဘယ်သူမှ ငြင်းလို့ မရနိူင်ပါဘူး ။

အဲဒီ HIV Research အတွက် ရန်ကုန်မြို့ အပါအ၀င် မြို့ ကြီးများနှင့် မြို့ ငယ်များကိုပါ သွားရောက် ကာ ပြည့် တန်ဆာများ ၊ ခေါင်းများ နှင့် အရွယ်ရောက်ပြီး လူငယ်များကိုပါ တွေ့ ဆုံ မေးမြန်းခဲ့ ဘူးတဲ့ အတွေ့ အကြုံအပြင် မိတ်ဆွေ အပေါင်းအသင်များနှင့် လက်ရှိ မြန်မာနိူင်ငံ အနေအထားကို အခြေခံကာ သိထားသလောက်လေး ရေးပြချင်ပါတယ် ။ပထမဆုံး အနေနဲ့ ဒီကိစ္စကို ဝေဖန်ကြသူ တော်တော်များများကို ကျနော် မေးချင်တာ မြန်မာနိူင်ငံ မှာ ပြည့်တန်ဆာမိန်းကလေး ဘယ်နှစ်မျိုးလောက် ရှိလည်း ။ အရေ အတွက်အားဖြင့် ဘယ်လောက် ရှိလည်း ၊ သူတို့ ကျင်လည်နေတဲ့ Network နဲ့ သူတို့ ဘ၀မှာ ကြုံတွေ့ရ တဲ့ အခက်အခဲတွေ ကို သေချာ သိကြရဲ့ လား ။

ဒီအလုပ်ကို လုပ်စားတဲ့ မိန်းကလေးများမှာ အမျိုးစား အရမ်းကွဲပြား ခြားနားသလို လုပ်ကိုင်ဆောင်ရွက် ပုံလည်း မတူညီပါဘူး ။ ထိုသို့ ကွဲပြားခြားနားသူများတွင်ပင် ကိုယ်တိုင်လုပ်ဆောင်သူများနှင့် ခေါင်းများက ချုပ်ကိုင်ထားသူများ ဟူ၍ ထပ်မံ ခွဲခြားလိုက်လျှင်အမျိုးအစား (၉) မျိုးလောက် ရှိပါတယ် ။

၁။ လမ်းဘေးတွင် လုပ်ကိုင်သူများ ( တဦးတည်း ၊ ခေါင်းကချုပ်ကိုင် )
၂။ ခေါင်း အိမ်တွင် လုပ်ကိုင်သူများ ( တဦးတည်း ၊ ခေါင်းကချုပ်ကိုင် )
၃။ ကလပ်တွင် လုပ်ကိုင်သူများ ( တဦးတည်း ၊ ခေါင်းကချုပ်ကိုင် )
၎။ ဖုန်းဖြင့် လုပ်ကိုင် ဆောင်ရွက်သူများ ( တဦးတည်း ၊ ခေါင်းကချုပ်ကိုင် )
၅. အင်တာနက်ကို အသုံးပြုကာ လုပ်ကိုင်ဆောင်ရွ့က်နေကြသူများ

သာမန်အားဖြင့် ဆိုရင်တော့ လမ်းဘေး နှင့် ခေါင်းအိမ်မှာ လုပ်စားသူတွေဟာ ဈေးနှုန်း နည်းပါး ပြီး ကလပ် ၊ ဖုန်း ၊ အင်တာနက်ကို အသုံးချသူ ကာ လုပ်ဆောင်သူများကတော့ ဈေးနှုန်း နည်းနည်း မြင့် ပါတယ် ။

အမှတ်စဉ် ( ၁) (၂) ဟာ ပုံမှန်အားဖြင့် တော့ ပြည့်တန်ဆာ အလုပ်ကို လုပ်ကိုင်သူဖြစ်ကြောင်း အလွယ်တကူ ခွဲခြားနိူင်ပါတယ် ။ အမှတ်စဉ် ( ၃+၅) ကိုတော့ နီးစပ်သူ အသိုင်းအ၀ိုင်းလောက်က သာ လွယ်ကူစွာ ခြားနိူင်ပါလိမ့်မယ် ။ အမှတ်ဉ် ( ၄ ) ကတော့ သူမ နှင့် သက်ဆိုင်သူများကသာ ဒီအလုပ်ကို လုပ်ကိုင်သူ ဖြစ်ကြောင်း သိရှိနိူင်ပါတယ် ။

အကယ်၍များ တရားဝင် လုပ်ပိုင်ခွင့် ပေးရင်တောင် အမှတ်စဉ် ( ၁ ) နှင့် ( ၂ ) ကသာ လိုင်စင်ယူဖို့ များပြီး ကျန် ( ၃+၄+၅ )ကတော့ ယခုလို တိတ်တိတ်ပုန်းဘဲ လုပ်ဆောင်နေကြအုံးမှာပါ ။

ပြည့် တန်ဆာဥပဒေ ရှိလာခဲ့ ရင် ပြည့် တန်ဆာတွေ အောက်ပါ ဒုက္ခများက လွတ်မြောက်နိူင်ပါတယ်လို့ Research လုပ်ငန်းများက ပြဆိုထားပါတယ် ။

၁. ရဲများနဲ့ သက်ဆိုင်ရာကို လစဉ် အခွန်ဆက်သနေခြင်း
၂. ခေါင်းများရဲ့ ချုပ်ကိုင်ထားမှု ကြောင့် သူတို့ ရဲ့ ၀င်ငွေများကို အပြည့် အ၀ မခံစားရခြင်း
၃. တရားဝင် မဟုတ်တဲ့ အတွက် သူတို့ နှင့် ဆက်ဆံသူအားလုံးရဲ့ အနိူင်ကျင့် မှုကို ခံရခြင်း ။

ဒါ့ အပြင် တရားဝင် အသိအမှတ်ပြုကဒ်ထုတ်ပေးပြီး ၊ ဆေးဝါး ပုံမှန် စစ်ဆေးကာ Safe Sex ကို နားလည်အောင် သင်ပေးထားနိူင်တဲ့ အပြင်သူတို့ အတွက် အလုပ်လုပ်ဖို့ နေရာပါ တရားဝင် သတ်မှတ်ပေးထားနိူင်ပါတယ် ။

သူတို့ ကို တစုံတယောက်က လွှမ်းမိုးချုပ်ကိုင်ကာ အတင်း အနိူင်ကျင့် မှု ကို ခံရတဲ့ ဒုက္ခကလည်း လွတ်မြောက်နိူင်သလို ၀င်ငွေလည်း ပိုမို ရရှိနိူင်တဲ့ အပြင် ကျန်းမာရေး ရှုထောင့် ကကြည့်ရင် လည်း ရောဂါ ဖြစ် ပွားမှု နှုန်း ကျဆင်းလာနိူင်ပါတယ် ။

အဲဒီလို အနိူင်ကျင့် လွှမ်းမိုးချုပ်ကိုင်မှု မှာ ငွေကြေးထက် ပိုဆိုးတာ တခုက လိင်ဆက်ဆံမှု နည်းလမ်းကို ဆက်ဆံသူက ရွေးချယ်ခွင့် ရရှိမှု ပါဘဲ ။

မြန်မာပြည်က ပြည့် တန်ဆာ အများစုဟာ NGO အဖွဲ့အစည်းတော်တော်များများက အသိပညာပေးလုပ် ကိုင်ထားလို့ ကွန်ဒုံးသုံစွဲပြီးမှဆက်ဆံတာ စိတ်ချရမယ်ဆိုတာ သိထားကြပါတယ် ။ ဒါပေမယ့် ဆက်ဆံလိုသူက ကွန်ဒုံးမသုံးစွဲချင်တဲ့ အခါ ငြင်းဆန်လို့ မရပါဘူး ။

အဲဒီလို ငြင်းဆန်ရင် ကြုံတွေ့ရမယ် နောက်ဆက်တွဲ ပြဿနာများကြောင့် ပြည့်တန်ဆာ အများစု ဟာ ဖောက်သည်ကို မလွန်ဆန်နိူင်တဲ့ အတွက် ရောဂါ ကူးစက်ခံရဖို့ များနေပါတယ် ။

ပြည့်တန်ဆာ အလုပ်လုပ်နေသူများဆိုတာလည်း လွယ်ကူစွာ ဆိုတာ မခွဲခြားနိူင်တဲ့ အခါ သူတို့ ကို ပြည့်တန်ဆာမှန်း မသိဘဲ ချစ်သူအဖြစ် သတ်မှတ်ကာ အကာအကွယ် မပါဘဲ ဆက်ဆံကြတဲ့ လူအများမှာလည်း အန္တာရယ် ရှိပါတယ် ။ ရောဂါပိုး ကူးစက်ခြင်းဟာ အဲဒီလိုမျိုးက ကူးစက်မှု အများဆုံး ဆိုတာ သိစေချင်ပါတယ် ။ အထူးသဖြင့် အလွယ်ကြိုက်တတ်ကြတဲ့ ယောက်ျားများဟာ အဲဒီလို ပုံစံ ကနေ ရောဂါ ကူးစက်ခံရတာ များပါတယ် ။

အများအားဖြင့် ကလပ်တွင် လုပ်ကိုင်သူများ နှင့် ဖုန်းဖြင့် လုပ်စားကြသူ မိန်းကလေးများဟာ ရုပ်ရည်အားဖြင့် လှပသူတွေများကြတဲ့ အပြင်ဝင်ငွေလည်း ကောင်းတော့ ၊ ၀တ်စားဆင်ယူမှုလည်း ခတ်မှီ ၊ နေထိုင်တဲ့ အဆင့် အတန်းလေးလည်း အလယ်အလတ်တန်းစား ရှိလို့ သူတို့ကို ပြည့် တန်ဆာ အဖြစ် မထင်မှတ်ကြဘဲ ၊ သာမန် မိန်းကလေးများလို သဘောထားကာ သာမန် ချစ်သူရည်းစားတွေ လိုဘဲ ပြုမူနေထိုင် ကြတာကို တွေ့ရပါတယ် ။

တချို့ လူတွေက ပြည့် တန်ဆာတွေကို ဆေးစစ်ပေးရမယ့် ကိစ္စ ၊ တရားဝင် မှတ်ပုံတင်ပေးရမယ့် ကိစ္စ မလွယ်ပါဘူး လို့ ပြောကြတယ် ။

အခုတော့ သေချာ မသိဘူး ၊ အရင်တုန်းကတော့ NGO အဖွဲ့အစည်းတွေက ပြည့်တန်ဆာတွေကို ဆေးစစ်ပေးတဲ့ အပြင် လိင်ဆက်မှုက ရရှိလာတဲ့ ရောဂါများကိုလည်း အခမဲ့ ကုသခွင့် ပေးနေကြတာ နှစ်အတော်ကြာနေပါပြီ ။ အကယ်၍များ ဒီလုပ်ငန်းကို တရားဝင် ခွင့် ပြုခဲ့မယ်ဆိုရင်လည်း ဆေးစစ်ဖို့ ကိစ္စကတော့ NGO တွေက ကူညီပေးကြမှာပါ ။

တရားဝင် ဥပဒေ ပြဌာန်းထားတာ မရှိတဲ့ အတွက် ရောဂါ ရှိနေပေမယ့်လည်း လုပ်စားစရာ မရှိတော့ အဲဒီအလုပ်မှာဘဲ ဆက်လက်လုပ်နေကြပြီး အခြအနေ အရမ်းဆိုးလာမှ လုပ်ငန်းကို စွှန့် လွှတ်လိုက်ကြတာ များပါတယ် ။ အကယ်၍များ တ၇ားဝင် ဖြစ်လာခဲ့ ရင် သူတို့ မှာ ရောဂါ ရှိမရှိ စစ်ဆေးပြီး ရောဂါရှိရင် လိုင်စင်မပေးဘဲထားကာ ရောဂါကုသပေးနိူင်လို့ HIV ပိုး ကူးဆက် ပြန့် ပွားမှုကို ထိန်းချုပ်လာနိူင်ပါတယ် ။

နောက်တချက် ပြည့် တန်ဆာ အလုပ်ကို အခုလက်ရှိ အနေအထားလို လူတော်တော်များများအလွယ်တကူ ၀င်ရောက် လုပ်ကိုင်မှာ မဟုတ်တေ့ာ့ပါဘူး ။ အခုတော့ သူဟာ ပြည့်တန်ဆာ ဆိုတာ ကြော်ငြာစရာ မလိုတဲ့ အတွက် အလုပ်လက်မဲ့ များဟာ ခဏတာ ၀မ်းရေးကို ဒီလို နည်းလမ်းနဲ့ ၀င်ရောက် ဖြေရှင်းလာကြရင်း ဒီလုပ်ငန်းနဲ့ အသက်မွေးဝမ်းကြောင်းပြုသူတွေ များလာတာကိုလည်း တားမြစ်နိူင်ပါလိမ့်မယ် ။

ဝမ်းနည်းစရာ ကောင်းတာတခုက ငွေကြေးချို့တဲ့ ကြတဲ့ တက္ကသိုလ် ကျောင်းသူများဟာ မိဘက ပညာသင်ကြားရေး အတွက် ထိရောက်စွာ မထောက်ပံ့ နိူင်ကြလို့ ငွေရလွယ်တဲ့ ဒီလို လုပ်ငန်းထဲကို ၀င်ရောက်လာကြတာ တွေ့ရပါတယ် ။

နောက်ပြီး ပြည့် တန်ဆာ အလုပ်ဆိုတာ အရမ်းကို ညစ်နွမ်းပြီး အောက်တန်းကျတဲ့ အလုပ်လို့ သိထားတဲ့ မြန်မနိူင်ငံမှာ အဲဒီအလုပ်ကို လုပ်စားသူလို့ သိသွားတဲ့ အခါ ပါတ်ဝန်းကျင်က ကျဉ်မှာကို သိထားတဲ့ အတွက် တရားဝင်သာ မှတ်ပုံတင်ရမယ် ဆိုရင် လုပ်စားတဲ့ လူအရေအတွက် အရမ်း နည်းပါးသွားနိူင်ပါတယ် ။

ပုံမှန် အားဖြင့် ဆို ယောက်ျားလေးတွေက သူတို့ ပျော်ပါးတာကို လူသိမခံ ချင်ကြပါဘူး ၊ ခိုးကြောင် ခိုးဝှက်ဘဲ လုပ်ဆောင်ချင်ကြတာပါ ။ တရားဝင် နေရာ သတ်မှတ်ပေးထားရင်တော့ အဲဒီနေရာ သွားရမှာကို ရှက်လို့ သွားတဲ့ အကြိမ် အရေ အတွက် လျော့ နည်းသွားနိူင်ပါတယ် ။

သွားတဲ့ လူတိုင်းဟာလည်း စည်းကမ်းသတ်မှတ်ချက် အတိုင်း Safe Sex ကို လိုက်နာရမှာ ဖြစ်လို့ ရောဂါ ပြန့် ပွားမှု နည်းပါလာပါလိမ့်မယ် ။

တကယ်တော့ ဒီဥပဒဟာ ပြည့် တန်ဆာ လုပ်ငန်းကို လက်ရှိ လုပ်ကိုင်နေသူများ နှင့် တိုက်ရိုက် သက်ဆိုင်ပြီး ပြည်သူလူထုကိုတော့ သွယ်ဝိုက်သော အားဖြင့် သာ သက်ဆိုင်နေပါတယ် ။

ဒီတော့ ဒီဥပဒေ အတည်ပြုမယ် ဆိုရင် နယ်ပယ်ပေါင်းစုံ ၊ နည်းလမ်း ပေါင်းစုံနဲ့ ဒီလုပ်ငန်းကို လုပ်ကိုင်နေသူများရဲ့ ဆန္ဒကို Research လုပ် ၊ စစ်တမ်းကောက်ယူလိုက်ရင် သူတို့ သဘောထား အမှန်ကို သိရမှာ ဖြစ်လို့ သူတို့ သဘောထား အမြင်ကို အရင်ဆုံး ဆန်းစစ်စေချင်ပါတယ်........

ဒီကပါ။