“ကချင်ပြည်နယ်မှာ ဖြစ်နေတဲ့ စစ်ပွဲတွေနဲ့ ပတ်သက်ပြီး ဒီနှစ်ပတ်တစ်လအတွင်း သတင်းကောင်း ကြားရတော့မှာပါလို့ ဝန်ကြီးက ပြောတယ်။ လက်တစ်ကမ်း အကွာမှာရှိတဲ့ စစ်တပ်ရင်းတွေကို တစ်ဆင့်ချင်း ပြန်ရုပ် သွားပြီး နှစ်ဦးနှစ် ဖက် နိုင်ငံရေး အရ ဆွေးနွေးမှုတွေ ဆောင်ရွက်နိုင်အောင် စီစဉ်နေတယ်လို့ ပြောတယ်” ဟု ဝန်ကြီးနှင့် တွေ့ဆုံခဲ့သည့် ငြိမ်းချမ်းရေးမစ်ရှင် အဖွဲ့ဝင်အချို့က ပြောသည်။
ယင်းကဲ့သို့ ရှေ့တန်း စစ်မျက်နှာပြင်ရှိ တပ်မတော် တပ်ရင်းများကို တစ်ဆင့်ချင်း ရုပ်သိမ်းသွားပါက တပ်မတော်အစိုးရနှင့် ကေအိုင်အို (ကေအိုင်အေ) တပ်မတော်ကြား နှစ်ပေါင်း ရှည်ကြာ ဖြစ်ပွားနေသည့် လက်နက်ကိုင် တိုက်ပွဲများ အဆုံးသတ်သွားနိုင်ခြေရှိပြီး ဒီမိုကရေစီတိုင်းပြည် ဖြစ်ထွန်းပေါ်ပေါက်မှု ပိုမိုမြန်ဆန်လာမည်ဖြစ်ကြောင်း ငြိမ်းချမ်းရေး မစ်ရှင်အဖွဲ့ဝင် မူးသာက ပြောသည်။
ငြိမ်းချမ်းရေးမစ်ရှင်အဖွဲ့ဝင် ထွန်းအောင်ကျော်၊ မူးသာ၊ ကိုကိုလေးတို့ ၃ ဦးသည် အောက်တိုဘာလ ၁၂ ရက်က နိုင်ငံတော်သမ္မတရုံး ဝန်ကြီးဦးအောင်မင်းနှင့် တွေ့ဆုံခဲ့သည်။ ၄င်းတို့သည် မြန်မာနိုင်ငံသို့ ရောက်ရှိစဉ် ကာလအတွင်း ကချင်ပြည်နယ်သို့ သွားရောက်ခဲ့ပြီး ဗိုလ်ချုပ်ကြီး ဇော်မိုင်၊ ဒေါက်တာ တူးဂျာတို့နှင့် တွေ့ဆုံခဲ့ကြောင်း သိရသည်။
နိုင်ငံတော်သမ္မတ ဦးသိန်းစိန်သည် ၄င်း၏ အမေရိကန် ခရီးစဉ်အတွင်း ဘီဘီစီသတင်းဌာနနှင့် အင်တာဗျူးတွင် မိမိတပ်မတော်မှ တပ်မှူးများအား ကချင်ပြည်နယ်အတွင်း ထိုးစစ်မဆင်ရန် အမိန့်ထုတ်ပြန်ထားသော်လည်း ပစ်ခတ်မှုတွေ ဖြစ်ပွားနေခြင်းမှာ တစ်ဖက်မှ ပစ်ခတ်လာသည့်အပေါ် ခုခံ ကာကွယ်မှု သဘော တုံ့ပြန်ခြင်းသာ ဖြစ်ကြောင်းဖြင့် ပြန်လည်ဖြေကြား ခဲ့ကြောင်း သိရှိရသည်။
Myanmar Express
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။