မကွေးမြို့၊ အောင်မြေရတနာကျောင်း နွေရာသီသင်တန်း အာဏာပိုင်တို့ တားမြစ်
မကွေးဘကျော်၊ ဧပြီ ၂၅၊ ၂၀၁၂
ယနေ့မှာ မကွေးမြို့က အောင်မြေရတနာ ကျောင်းတိုက်မှာ ယဉ်ကျေးလိမ္မာ ၅ ရက် သင်တန်း ဖွင့်ပါလိမ့်မယ်လို့ သတင်းရပါတယ်။ သင်တန်းကို (၂) ပိုင်းခွဲထားတဲ့ အကြောင်း၊ မနက် (၇) နာရီက (၁၁) နာရီထိမှာ (၅/၆/၇/၈) တန်း သက်ငယ်များတတန်း၊ နေလည် (၁) နာရီကနေ (၅) နာရီအထိက (၉/၁၀) နဲ့ တက္ကသိုလ်တန်းတွေအထိ တပုိုင်း ခွဲပြီး သင်ကြားမယ်လို့ ဆိုပါတယ်။
“သင်ကြားပို့ချမှာတွေက ဗုဒ္ဓဘာသာအပြင် ယာဉ်စည်းကမ်းထိမ်းသိမ်းရေး၊ ကျန်းမာရေး၊ အနုပညာအနေနဲ့ ရုပ်သေးကြိုးဆွဲ ဗဟုသုတစုံလို့ပါပဲ။ သင်ကြားပို့ချမယ့်အထဲမှာ ဆရာတော်ဦးဝိစိတ္တသာရ အပြင်၊ စာရေးဆရာထဲက မောင်သာချို၊ ဦးဘုန်း (ဓါတု)၊ ဇော်ခိုင်ဦး၊ ဒေါ်သန်းမြင့်အောင်စသည်တို့နဲ့ ညဖက်တွေမှာပါ စာပေဆွေးနွေးပွဲ ကျင်းပဖို့ ပြင်ဆင်ထားပါတယ်” လို့ စီစဉ်သူတဦးက ပြောပြပါတယ်။
စာတင်ထားတာက ဧပြီ ၁၈ ကတည်းကဖြစ်ပေမယ့် လွန်ခဲ့တဲ့ ၂ ရက်က မြို့နယ်အုပ်ချုပ်ရေးမှူးအဖွဲ့က ဦးလှရှောင်က ယဉ်ကျေးလိမ္မာစီစဉ်သူတွေကို စာပေဟောပြောပွဲတွေ ဘာတွေ မလုပ်ဖို့ တားမြစ်လိုက်တယ်လို့ ကြားရပါတယ်။ ဆရာတော်ကြီးနဲ့ ဒကာ၊ ဒကာမများကတော့ ဆက်လက်စီစဉ်နေတယ်လို့ ဆိုပါတယ်။
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။