မပြောရင်မဖြစ်တော့တာမို့ ပြောမှဘဲဖြစ်တော့မယ်... သံဃာတော်တွေဟာ ဒီလိုတွေပဲလား ဆိုပြီးတော့ အထင်အမြင်မခံချင်ဘူး...မြန်မာနိုင်ငံလို ဗုဒ္ဓဘာသာထွန်းကားပြီး သာသနာ့အမွေအနှစ်ကို စောင့်ထိန်းကြရမဲ့ နောင်လာနောက်သားတွေရဲ့ အတွေးတွေထဲမှာ အထင်မှား၊ အမြင်မှားတွေ ရှင်းသွားအောင်ဆိုရင်တော့ ပြောသင့်ပြောထိုက်တာကို ပြောရမယ်...
ပြည်သူတွေဆိုတာက နာမည်ကြီးဆရာတော်တစ်ပါးရဲ့ တရားထူးတရားမြတ်ကို နာယူဖို့၊ ဘ၀အမောတွေဖြေဖျောက်ဖို့၊ ကိုယ်စိတ်နှလုံးအေးချမ်းဖို့ နိဗ္ဗာန်ရောက်ကြောင်းတရားတော်တွေကို နာချင်လို့ တရားနာလာကြတဲ့သူတွေပါ... ဒါပေမဲ့ တရားဟောဆရာတော်ကိုယ်တိုင်က ဒေါသ၊ မောဟ၊ မာန်မာနတွေဖုံးလွှမ်းနေတယ်...
ပြည်သူတွေရင်ထဲအေးချမ်းအောင် ဘယ်လိုတရားစင်တွေ တိုက်ကျွေးမလဲဆိုတာထက် ဘယ်လိုအကြောင်းအရာတွေကို ပြည်သူတွေပိုပြီး စိတ်ဝင်စားမလဲ ဟာသလေးနှောပြီး နိုင်ငံရေး၊ တရားဟောဖို့လောက်ပဲ စဉ်းစားတော့တယ်... ဆရာတော်က တရားဟောဓမ္မကထိကပါ... ရွေးကောက်ပွဲဝင်ပြိုင်နေတာမဟုတ်ပါဘူး... တပည့်သံဃာတစ်ပါးပြောတဲ့ စကားလေးကိုတောင် သတိရမိတယ်... သူကတရားဟောနေတာလား၊ အတင်းပြောနေတာလားတဲ့... တရားနာရတာလဲ သီးလေးသီးပျက်လုံး နားထောင်နေရသလိုပဲတဲ့... ဒါက ဆရာတော်တွေကို နားလည်ကာစ သံဃာပေါက်စလေးပဲရှိသေးတယ်...
ဆရာတော်တို့ တရားဟောနေတယ်ဆိုတာက နိုင်ငံရေးကိုဗန်းပြ... ပြည်သူတွေရဲ့ဒေါသကို ဆွပေးပြီး ထင်ပေါ်ကျော်ကြားမှုကို လက်တစ်လုံးခြားရယူနေသလိုပဲ... BBC/VOA နားထောင်လည်း ဒီဆရာတော်ပဲ၊ အင်တာနက်သတင်းတွေကြည့်ပြန်တော့လည်း ဟန်းဖုန်းကိုနားမှာကပ်ပြီး ခါးထောက် နေတဲ့ပုံလည်း ဒီဆရာတော်ပဲ... ကားအကောင်းစားကြီးစီးတာတွေ့လို့ ဘယ်သူ့ကားလဲလို့ ကြည့်လိုက်တော့လဲ ဒီဆရာတော်ကားပဲ၊ အပြစ်ပေးတဲ့အခါကျတော့ ပညာရှိပီပီ ဥာဏ်ကိုလွှာသုံးပြီး လုပ်ပြသွားလိုက်သေးတယ်... သက်ဆိုင်ရာအဖွဲ့အစည်းတွေရဲ့ သံဃာနာယကအဖွဲ့အစည်းကပဲ မတရားအနိုင်ကျင့်သလိုပုံနဲ့ ပြည်သူတွေရဲ့မေတ္တာတွေကို သဲ့ယူနေသေးတယ်... ဆရာတော် အခုလိုတွေလုပ်မှ ဒီနိုင်ငံတော်ကြီးက တိုးတက်လာမှာမဟုတ်ဟု... နိုင်ငံတိုးတက်ဖို့အတွက်က သက်ဆိုင်ရာတာဝန်ရှိတဲ့ အစိုးရအဖွဲ့အစည်းတွေ လုပ်ပါလိမ့်မယ်... အခုလည်းအစွမ်းကုန် ၀ိုင်းဝန်းလုပ်ဆောင်နေကြပြီပဲ...
ဆရာတော်တို့ကျုပ်တို့ဆိုတာကသာသနာထွန်းကား ပြန့်ပွားဖို့နဲ့ပြည်သူတွေအေးချမ်းဖို့အတွက် အဓိက လုပ်ကြရမှာပါ... အနေချောင်မယ်ထင်လို့ သံဃာဝင်လုပ်သွားတဲ့ ဂမ္ဘီရတစ်ယောက်နဲ့တင် အပြောဆိုခံရတာ လုံလောက်ပါပြီ... ထပ်ပြီးတော့လည်း အစော်ကားမခံနိုင်တော့ဘူး... သာသနာတော်ကို ဒီထက်ပိုပြီး မညိုးနွမ်းစေချင်ပါဘူး... သက်ဆိုင်ရာအဖွဲ့အစည်းတွေနဲ့ ပြည်သူတွေကိုလည်း ဒီထက်ပိုပြီး ရန်တိုက်မပေးစေချင်ဘူး... စေတနာတွေပါ...
ဒါတွေအားလုံးဟာ ပညာတတ်ဆရာတော်တစ်ပါးကို မဆုံးရှုံးချင်တဲ့... သာသနာတော် မညစ်နွမ်းစေလိုတဲ့ စေတနာတွေပါ... ဒကာအရင်းတစ်ယောက်အနေနဲ့ အပယ်ငရဲကျမှာစိုးလို့ သတိပေးနေတာပါ... အချိန်မှီပါသေးတယ် ဆရာတော်ဘုရား... နိုင်ငံတော်သံဃာ့မဟာနာယကအဖွဲ့ ဆရာတော်ကြီးများရဲ့ သြ၀ါဒဆုံးမစကားတွေကိုပဲ ပြန်လည်ကြားယောင်ပြီး ဆရာတော်တစ်ယောက် အတွေးမှန်၊ အမြင်မှန်၊ အသိတရားမှန်တွေကို ရရှိနိုင်ပါစေလို့ ဆုတောင်းလျှက်....
Myanmar Express
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။