ရန်အောင်က ‘ရက်ရာဇာ’ဆိုတဲ့ ဒီဗီဒီ ဇာတ်ကားမှာ ထိပ်ပြောင်ကြီး အဖြစ် သရုပ်ဆောင်နေပါတယ်။ ထိပ်ပြောင် ပုံစံဖြစ်အောင် လည်း ရန်အောင်က စီလီကွန် ဆံပင်နဲ့ လုပ်ထားပါတယ်။ အရွယ်ရလာတဲ့ အခါ ရန် အောင်ရဲ့ဇာတ်လမ်း ရွေးချယ်မှုနဲ့ ဇာတ်ရုပ် ရွေးချယ်မှုကို မေးကြည့်တဲ့အခါ ”အခုထိပ် ပြောင်ကြီးဇာတ်ရုပ်ကို လုပ်ချင်တယ် လို့ ဒါရိုက်တာကလည်း ပြောဖူးတယ်။ ဒီအချိန်မှာ အစ်ကိုတို့က အနုအရွတွေ လုပ်လို့ မရတော့ဘူး။ အသက်အရွယ် ရလာတဲ့ အလျောက်၊ အဓိက ဇာတ်ပို့ဖြစ်လာတဲ့ အလျောက်မှာ အစ်ကိုတို့က ဒီလိုကြိုးစား အားထုတ်မှပဲ ရတော့မှာ။ ပရိသတ်ကလည်း အရင်လိုမဟုတ်ဘဲ သိတတ် နားလည်လာပြီး တကယ် ကြိုးစားရင် ကြိုးစား သလောက် အသိအမှတ် ပြုလာတယ်။ အခု ထိပ်ပြောင်ဆို စီလီကွန် ခေါင်းစွပ်ကို ဆံပင်အစစ်နဲ့ လုပ်ထားတာ၊ ပညာရှင် ကိုအောင်ကျော်ထွန်းကို အစ်ကို အပ်ထား တာ ကြာပြီ။ သူကခေါင်း ၃ခု လုပ်ပေးထားတာ” လို့ ပြောပြပါတယ်။
ရန်အောင်က သင်္ကြန်ရောက်တော့မှာ ဖြစ်တဲ့အတွက် သင်္ကြန်ဆိုတာ မြန်မာ့ထုံးတမ်း အစဉ်အလာအရ ရေပက်ကြတယ် ဆိုတာက နှစ်ဟောင်းက အညစ်အကြေးတွေ အားလုံးကို အတာရေနဲ့ ဆေးကြောပြီး နှစ်သစ်မှာ စိတ်သစ်၊ လူသစ်၊ ဘဝသစ်နဲ့ ပြန်လည်တည်ဆောက် လည်ပတ်ကြတယ် ဆိုတဲ့ အဓိပ္ပာယ်လို့လည်း သင်္ကြန်ရဲ့ အဓိပ္ပာယ်ကို ဖွင့်ပြပါတယ်။ ငယ်ငယ်တုန်းက သင်္ကြန်ကို တအားပျော်ခဲ့ရပြီး အခုကတော့ အသက်ကြီးလာပြီ ဖြစ်တဲ့အတွက် အပျော်ရှိန်တွေတော့ နည်းနည်းလျော့ သွားပြီ လို့ဆိုပါတယ်။ သင်္ကြန် ကျရင်တော့ သင်္ကြန် ရေကိုထိလိုက်ရမှ စိတ်ကျေနပ်ရတယ်လို့ လည်းပြောပါတယ်။ အရင်နှစ်တွေက ဒီအချိန်ဆို အဝတ်အစားက အစ ပြင်ဆင်ထား ပြီးပေမယ့် ဒီနှစ်ကိုတော့ ဘာမှ မပြင်ဆင်ရသေး တဲ့အတွက် ဒီနှစ်သင်္ကြန် ဘယ်မှာရှိမယ် ဆိုတာ မသိသေးဘူးလို့ ဆိုပါတယ်။
ရန်အောင်က ဇူလိုင်လမှာ အမေရိက ကို တစ်လခွဲကြာ ဖျော်ဖြေရေးသွားဖို့ ရှိပြီး မေသန်းနု၊ မိုးဟေကိုတို့နဲ့ အတူ မြို့ ၅မြို့မှာ ဖျော်ဖြေမှာဖြစ်ပါတယ်။
”အဲဒီမှာ စုံတွဲရော၊ မြန်မာသံပုံစံကဏ္ဍ လေးတွေလည်း လုပ်မယ်။ အဲဒီက ပရိသတ် တော်တော်များများက မြန်မာသံ သီချင်းတွေ ကို ပိုသိ၊ ပိုတမ်းတကြတယ်။ အစ်ကို တို့ခေတ်က သီချင်းတွေကို ပြန်ဆိုမယ်။ မဆင့်တို့၊ မိုးဟေကို တို့လည်းပါတော့ ‘ရန်အောင်နဲ့ နတ်သမီးများ’ တုန်းကလို ဆိုဖို့လုပ်ထားတယ်။ နောက် ကိုဝင်းဦး သီချင်းကို လည်း ပရိသတ်တွေက သိပြီးသား ဆိုတော့ ကိုဝင်းဦး သီချင်း ‘တိမ်လွှာ မို့မို့လွင်’ ဆိုရင် ကပ္ပတိန် ဝတ်စုံလေးနဲ့ပေါ့။ ‘မှုံရွှေရည်’နဲ့ မြန်မာအကပါမယ်။ ပရိသတ်တွေ မျက်စိ ပသာဒ ဖြစ်အောင် အကောင်းဆုံး စီစဉ်ထားပါတယ်”လို့ ပြောပြပါတယ်။
မေမွန်မောင်
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။