မြန်မာအာဏာပိုင်များနဲ့ ဆွေးနွေးနေတဲ့ ငြိမ်းချမ်းရေး ဆွေးနွေးပွဲများ၊ လက်ရှိ ကချင်ပြည်နယ်အတွင်းရှိ တိုက်ပွဲများနဲ့ ပတ်သက်ပြီး ကချင် လွတ်မြောက်ရေးအဖွဲ့ (ကေအိုင်အို) က ၂၀၁၂ မတ်လ ၂၄ ရက်နေ့တွင် ကြေငြာချက်တစောင် ထုတ်ပြန်ခဲ့ပါတယ်။ ထို ကြေငြာချက်တွင် မြန်မာအစိုးရနဲ့ ပြုလုပ်နေတဲ့ ငြိမ်းချမ်းရေး ဆွေးနွေးပွဲများ အခြေအနေနဲ့ ကချင်ဒေသအတွင်း လက်ရှိ ဖြစ်ပျက်နေတဲ့ တိုက်ပွဲ အခြေအနေများကို ဖော်ပြထားပါတယ်။
ကချင် လွတ်မြောက်ရေးအဖွဲ့ (ကေအိုင်အို) ကြေငြာချက်တွင် ၂၀၁၁ ဇွန်လ ၈ ရက်နေ့မှ စတင်ကာ ဖြစ်ပွားခဲ့တဲ့ မြန်မာစစ်တပ်နဲ့ ကချင်လွတ်မြောက်ရေး တပ်မတော်အကြား တိုက်ပွဲများဟာ ၁၀ လ ကြာမြင့်ခဲ့ပြီး ငြိမ်းချမ်းရေး ဆွေးနွေးပွဲများ ပြုလုပ်ခဲ့သော်လည်း အဖြေ ထွက်မလာသေးကြောင်း၊ ဆွေးနွေးပွဲများနဲ့ ပတ်သက်ပြီး ၂၀၁၂ ဇန်န၀ါရီလ ၁၉ ရက်နေ့တွင် တကြိမ်၊ ၂၀၁၂ မတ်လ ၁၀ ရက်နေ့တွင်တကြိမ် ကြေငြာချက်များ ထုတ်ပြန်ခဲ့ကာ ထို ကြေငြာချက်များတွင် စစ်ရေးအရှိန်များ ထိန်းသိမ်းရန်၊ ယုံကြည်မှု တည်ဆောက်ဖို့အတွက် ပြဿနာ ဖြစ်ပွားနိုင်တဲ့ ဒေသများရှိ နှစ်ဖက်တပ်ကိစ္စများကို နှစ်ဦးနှစ်ဘက် သဘောတူညီမှု ရတဲ့အထိ ဆွေးနွေးပြီး သဘောတူညီချက်များကို ရက် သတ်မှတ် ဆောင်ရွက်ကာ ပြည်သူအများ သိစေဖို့ ထုတ်ပြန် ကြေငြာရန် ဖော်ပြခဲ့ကြောင်း၊ သို့သော်လည်း စစ်ရေးအရှိန်များ လျော့သွားခြင်း မရှီဘဲ မြန်မာစစ်တပ်ရဲ့ လှုပ်ရှားမှု ပိုမို များပြားလာပြီး နေ့စဉ် တိုက်ပွဲ ဖြစ်ပွားလျက် ရှိကြောင်း၊ ၂၀၁၂ မတ်လအတွင်းတွင် ကေအိုင်အေ တပ်ရင်း ၅ ဌာနချုပ် နေရာ၊ ကေအိုင်အေ တပ်မဟာ ၃ ဒေသနဲ့ ကေအိုင်အို ဌာနချုပ်ဒေသများကို မြန်မာစစ်တပ်က စစ်ကြောင်းများ ပိုမို ပို့ဆောင်ကာ စစ်ရေးအရှိန် တိုးမြှင့်ခဲ့ကြောင်း ဖော်ပြထားပါတယ်။
ကချင်အဖွဲ့ဟာ မြန်မာစစ်အစိုးရ (နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့) နဲ့ ၁၉၉၄ ခုနှစ် ဖေဖော်ဝါရီ ၂၄ ရက်နေ့တွင် အပစ်အခတ် ရပ်စဲရေး စာချုပ် လက်မှတ်ရေးထိုးခဲ့ပါတယ်။ မြန်မာစစ်တပ်နဲ့ ကချင် လွတ်မြောက်ရေး တပ်မတော်တို့ ငြိမ်းချမ်းရေး ရယူခဲ့စဉ်အချိန်အတွင်း ကချင်အဖွဲ့များကို သုံးဖွဲ့လောက် ကွဲသွားအောင် မြန်မာစစ်အစိုးရက စွမ်းဆောင်နိုင်ခဲ့ပါတယ်။ သို့သော်လည်း ကချင်ဒေသတွင် တိုက်ပွဲများ ဖြစ်ပွားခြင်း မရှိတော့ဘဲ ၁၇ နှစ်ကျော်ကြာ ငြိမ်းချမ်းရေး တည်ဆောက်နိုင်ခဲ့ကာ ၂၀၁၁ ဇွန်လ ၈ ရက်နေ့တွင် တိုက်ပွဲများ ပြန်လည် ဖြစ်ပွားလာခဲ့ပါတယ်။ ထိုသို့ တိုက်ပွဲများ ပြန်လည် ဖြစ်ပွားလာခဲ့ခြင်းဟာ မြန်မာစစ်တပ်က ကချင်လွတ်မြောက်ရေးတပ်မတော်ကို ဖိအားပေးပြီး နယ်ခြားစောင့်တပ်ဖွဲ့ ဖွဲ့ခိုင်းခဲ့ခြင်းကြောင့် ဖြစ်ပါတယ်။
ငြိမ်းချမ်းရေး ရယူခဲ့စဉ်က သဘောတူညီခဲ့ကြတဲ့ နိုင်ငံရေးကိစ္စများကို အမျိုးသား ညီလာခံတွင် ဆွေးနွေး ဖြေရှင်းရန်ဆိုတဲ့ ဂတိက၀တ်များအတိုင်း ၂၀၀၄ ညောင်နှစ်ပင် အမျိုးသား ညီလာခံကို ကချင် လွတ်မြောက်ရေးအဖွဲ့ တက်ရောက်ခဲ့ပြီး ကချင် လွတ်မြောက်ရေးအဖွဲ့ ဗဟိုကော်မတီက (ထိုစဉ်က) မြန်မာစစ်အစိုးရခေါင်းဆောင် ဗိုလ်ချုပ်သန်းရွှေထံ အချက် ၁၉ ချက်ပါ စာတမ်းကို တင်သွင်းခဲ့ပါတယ်။ မြန်မာစစ်အစိုးရဟာ ကချင်အဖွဲ့ တင်သွင်းတဲ့ သဘောထားများကို လစ်လျူရှုကာ သူတို့စိတ်ကြိုက် ရေးဆွဲထားတဲ့ ဖွဲ့စည်းအုပ်ချုပ်ပုံ အခြေခံ ဥပဒေသစ်ကို အတည်ပြုခဲ့ပြီး ၂၀၁၀ ရွေးကောက်ပွဲကို ပြုလုပ်ခဲ့ပါတယ်။
ထိုသို့ ကချင် တိုင်းရင်းသားများရဲ့ သဘောထားများကို မြန်မာစစ်ဗိုလ်များက လစ်လျှူရှုခဲ့သော်လည်း ကချင် လွတ်မြောက်ရေးအဖွဲ့ကတော့ အဖွဲ့ဝင် ၆ ဦးကို အဖွဲ့မှ နှုတ်ထွက်ခွင့်ပေးကာ ပါတီနိုင်ငံရေး ဆောင်ရွက်ဖို့ ခွင့်ပြုခဲ့ပါတယ်။ သို့သော် မြန်မာအစိုးရက ထိုပုဂ္ဂိုလ်များအား ၂၀၁၀ ရွေးကောက်ပွဲတွင် ပါဝင် ယှဉ်ပြိုင်နိုင်ရန် ပါတီ ဖွဲ့စည်းခွင့် မပေးခဲ့သလို တသီးပုဂ္ဂလ ၀င်ရောက် ယှဉ်ပြိုင်ဖို့ကိုလည်း သဘောမတူညီခဲ့ပါဘူး။ ဧပြီ ၁ ရက်နေ့တွင် ကျင်းပမယ့် ၂၀၁၂ ကြားဖြတ် ရွေးကောက်ပွဲတွင် လစ်လပ်နေတဲ့ ကချင်ပြည်နယ်က မဲဆန္ဒနယ် ၃ နယ်အတွက် ကိုယ်စားလှယ်လောင်းများ ယှဉ်ပြိုင်ရန် အာဏာပိုင်တွေက သဘောတူခဲ့သော်လည်း လွန်ခဲ့တဲ့ ရက်အနည်းငယ်က လုံခြုံရေး အကြောင်းပြချက်နဲ့ ရွေးကောက်ပွဲ ရွှေ့ဆိုင်းကြောင်း သတင်း ထုတ်ပြန်ခဲ့ပါတယ်။
ငြိမ်းချမ်းရေး ဆွေးနွေးပွဲများတွင် သဘောတူညီချက်များ မရရှိကြခြင်းရဲ့ အကြောင်းရင်းမှာ ကချင်လွတ်မြောက်ရေးတပ်ဖွဲ့များကို လက်နက်ချရန် လက်ရှိ မြန်မာအစိုးရဘက်က လိုလားနေခြင်းနဲ့ ကချင်ဘက်က လိုလားနေတဲ့ ထာဝရ ငြိမ်းချမ်းရေးရရန်၊ ထို ငြိမ်းချမ်းရေး တည်တံ့ခိုင်မြဲရန် ရည်သန်တဲ့ သဘောတူညီချက် လက်မှတ်ထိုးရန်အတွက် မြန်မာအစိုးရဘက်က စိတ်ဝင်စားမှု မရှိခြင်းတို့ကြောင့် ဖြစ်နိုင်ကြောင်း သိရှိရပါတယ်။ ထို့အပြင် မြန်မာအစိုးရဲ့ ငြိမ်းချမ်းရေးကိုယ်စားလှယ်အဖွဲ့ကို ၂၀၀၃ ဒီပဲယင်းလူသတ်ပွဲ တရားခံလို့ ယူဆခံရတဲ့ မြန်မာအစိုးရ စက်မှု ၁ ၀န်ကြီး ဦးအောင်သောင်း ဦးဆောင်ခဲ့တာကလည်း ငြိမ်းချမ်းရေး ဆွေးနွေးပွဲ မအောင်မြင်ရခြင်းရဲ့ အကြောင်းရင်းတရပ် ဖြစ်နိုင်တယ်လို့ အကဲခတ်တွေက သုံးသပ်ပါတယ်။ မြန်မာ့အရေး လေ့လာသူတဦးကတော့ မြန်မာအာဏာပိုင်တွေဟာ အခုအချိန်မှာ ကချင်တပ်ဖွဲ့တွေနဲ့ စစ်မှန်တဲ့ ငြိမ်းချမ်းရေး ရယူဖို့စိတ်ကူး လုံးဝ မရှိနိုင်ကြောင်း ရှုမြင်ပါတယ်။
မြန်မာအာဏာပိုင်တွေဟာ ကချင်တပ်ဖွဲ့တွေနဲ့ စစ်မှန်တဲ့ ငြိမ်းချမ်းရေး ရယူနိုင်ရန် စိတ်ကူး မရှိသော်လည်း လက်ရှိအခြေအနေတွင် ကချင် စစ်ပြေးဒုက္ခသည်များအတွက် ရန်ပုံငွေ ရှာဖွေပွဲများ ပြုလုပ်ခြင်း၊ ဒုက္ခသည်များအား ကူညီခြင်း စတဲ့ လုပ်ငန်းများကို ကန့်ကွက်ခြင်း မရှိသလို ကုလသမဂ္ဂ လူသားချင်းဆိုင်ရာ အကူအညီပေးရေး ယာဉ်တန်းကို မြန်မာပြည်တွင်းမှတဆင့် ကချင်တပ်ဖွဲ့များ တပ်စွဲထားရာဒေသများဆီ သွားခွင့် ပေးခဲ့ပါတယ်။
အမေရိကန်အစိုးရဟာ မကြာမီရက်ပိုင်းအတွင်းက ကချင်စစ်ပြေး ဒုက္ခသည်များအတွက် အမေရိကန်ဒေါ်လာ ၁.၅ သန်း အကူအညီ ပေးထားကြောင်း သိရပါတယ်။ ထရပ်ကား လေးစီးနဲ့ ကမ္ဘာ့ကုလသမဂ္ဂယာဉ် နှစ်စီး ပါဝင်တဲ့ ကုလသမဂ္ဂ အကူအညီပေးရေး ယာဉ်တန်းဟာ ကချင်ပြည်နယ် မြစ်ကြီးနားဒေသက မြန်မာအစိုးရ ထိမ်းချုပ်တဲ့ နယ်မြေကို မတ်လ ၂၄ ရက်နေ့က သွားရောက်ခဲ့သလို ကချင်တပ်တွေ ထိမ်းချုပ်ထားတဲ့ နယ်မြေကို မတ်လ ၂၅ ရက်နေ့က သွားရောက် ကူညီနိုင်ခဲ့ကြောင်း ကမ္ဘာ့ကုလသမဂ္ဂ လူသားချင်းဆိုင်ရာ ပူးပေါင်း ဆောင်ရွက်ရေးအဖွဲ့က မတ်လ ၂၅ ရက်နေ့တွင် သတင်းထုတ်ပြန်ခဲ့ပါတယ်။ ကမ္ဘာ့ကုလသမဂ္ဂအနေနဲ့ ၂၀၁၁ ဒီဇင်ဘာလအတွင်းက အကူအညီပေးမှုများ ဆောင်ရွက်နိုင်ခဲ့ပြီး အခုတခါ အကူအညီပေးနိုင်မှုဟာ ဒုတိယအကြိမ်မြောက် အကူအညီပေးနိုင်ခြင်း ဖြစ်ပါတယ်။ အခုတကြိမ် အကူအညီပေးမှုတွင် လူတထောင်ကျော်အတွက် တလစာ အစားအသောက်၊ လာမယ့် မိုးတွင်းကာလအတွက် လိုအပ်တဲ့ အစားအသောက် မဟုတ်တဲ့ ပစ္စည်းများ ပါဝင်တယ်လို့ သိရပါတယ်။ အခုလို ကူညီနိုင်ခြင်းဟာ ကမ္ဘာ့ကုလသမဂ္ဂအနေနဲ့ အစိုးရနဲ့ ကချင်အဖွဲ့အစည်းစတဲ့ နှစ်ဘက်စလုံးနဲ့ ဆွေးနွေး ညှိနှိုင်းခြင်းကြောင့် ဖြစ်ကြောင်း၊ အခုလို အကူအညီပေးမှုကို ပုံမှန် ပြုလုပ်သွားရန် လိုအပ်ကြောင်း ကုလသမဂ္ဂ တာဝန်ရှိသူ Ashok Nigam က ရန်ကုန်တွင် ပြောကြားလိုက်ပါတယ်။
မြန်မာအာဏာပိုင်တွေအနေနဲ့ ယခင်က စစ်ပြေးဒုက္ခသည်များအား အကူအညီပေးနိုင်ရေး ကိစ္စများကို ပိတ်ပင်ထားခဲ့သော်လည်း အခုအချိန်တွင် အကူအညီပေးရေး လမ်းကြောင်းများ နည်းနည်းစီ ပိုမို လုပ်ဆောင်လာနိုင်ခဲ့ပြီ ဖြစ်ပါတယ်။ အကူအညီပေးရေး လမ်းကြောင်းတွေ ပွင့်လာသော်လည်း ငြိမ်းချမ်းရေးလမ်းကြောင်းကတော့ အခုအချိန်အထိ ပိတ်နေဆဲ ဖြစ်ပါတယ်။
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။