ကမ္ဘာ့ ဒီမိုကရေစီ နိုင်ငံအသီးသီးမှာ ရွေးကောက် တင်မြှောက်ပုံ အမျိုးမျိုးသုံးလေ့ ရှိကြပါတယ်။ နိုင်ငံ တစ်ခုတည်းမှာတောင် ရွေးကောက်ပုံ ၂ မျိုး၊ ၃ မျိုး တပြိုင်နက် အသုံးပြုလေ့ရှိပါတယ်။ တစ်နိုင်ငံကို ပုံစံ တစ်မျိုးသာသုံးရမယ် ဆိုတာမျိုးမဟုတ်ပါ။ အကြမ်း ဖျဉ်း အားဖြင့်တော့ FPTP ( First Past The Post )လို့ တဲ့ နိုင်သူအကုန်ယူစတမ်းစနစ်နဲ့ PR (Proportional Representation ) လို့ ခေါ်တဲ့ အချိုးကျ ခွဲဝေယူတဲ့ စနစ်ဆိုပြီး ၂ မျိုးခွဲခြားကြပါတယ်။ PR မှာပုံစံအမျိုးမျိုးနဲ့ ကျင့်သုံးတဲ့ စနစ် မူကွဲတွေ အများအပြားရှိသွားပါတယ်။
အထက်က ပြောခဲ့သလိုတစ်နိုင်ငံတည်းပုံစံတစ်မျိုးတည်းနဲ့ သုံးတာမဟုတ်လို့ သီးခြားပြောဖို့ ခက်ပါတယ်။ ဥပမာUnited Kingdomကိုတနိုင်ငံလုံးရွေးကောက်တဲ့ စနစ်ဟာ FPTP ဖြစ်ပြီးစကော့တလန် လွှတ်တော်အတွက် ရွေးကောက်တာကတော့ PR ပုံစံ ဖြစ်နေပါတယ်။ အိန္ဒိယမှာဆိုအထက်လွှတ်တော် ရွေးကောက်ပွဲဟာ PR စနစ် ဖြစ်ပြီးအောက်လွှတ်တော်ကတော့ FPTP ဖြစ်ပါတယ်။ အဓိကအချက်ကတော့ ကိုယ့်နိုင်ငံရဲ့ နိုင်ငံရေးသမိုင်းကြောင်းနဲ့ သင့်တော်တဲ့ ပုံစံ၊ နိုင်ငံမှာ ဖြစ်စေချင်တဲ့ ပါတီစနစ် ပုံစံတွေနဲ့ ရွေးကောက်ပွဲစနစ်တွေကိုအသင့်တော်ဆုံး ဖြစ်အောင် ရွေးချယ် အသုံးပြုကြတာပါ။
မြန်မာနိုင်ငံရဲ့ လက်ရှိရွေးကောက်ပုံစနစ်ကတော့ "နိုင်သူအကုန်ယူစတမ်း" ဆိုတဲ့ FPTP စနစ်ပဲ ဖြစ်ပါတယ်။ PR နဲ့ FPTP ဘယ်လိုကွဲပြားသလဲဆိုရင် PR ဟာလူနည်းစုရဲ့ ကိုယ်စားလှယ်တွေပါ လွှတ်တော်ထဲ ရောက်အောင် အသုံးပြုတဲ့ စနစ်ဖြစ်ပြီး ဆန္ဒမဲပေးသူတွေရဲ့ မဲတွေ အလေအလွင့် နည်းအောင် လုပ်တဲ့ စနစ်ဖြစ်ပါတယ်။ FPTP မှာကတော့ လူများစုရဲ့ ကိုယ်စားလှယ်တွေက လွှတ်တော်မှာလွှမ်းမိုးပြီး လူနည်းစု ကိုယ်စားလှယ် အားနည်းတဲ့ စနစ်ဖြစ်ပါတယ်။ မြန်မာနိုင်ငံလိုဖွံ့ဖြိုးဆဲ နိုင်ငံအများစုအတွက် PR စနစ် ကျင့်သုံးသင့်ပါတယ်။ PR စနစ်ရဲ့အားသာချက်ကတော့ ပါတီကြီးကြီးငယ်ငယ် ဘယ်လိုပဲ ဖြစ်ဖြစ်
ကိုယ်ရတဲ့ မဲရာခိုင်နူန်းအလိုက် လွှတ်တော်ထဲမှာ နေရာယူခွင့်ရလာတာဖြစ်ပြီး အားနည်းချက်ကတော့
အစွန်းရောက် ပါတီတွေ လွှတ်တော်ထဲရောက်လာတာမျိုး မဲဆန္ဒနယ်တစ်ခုချင်းအလိုက်အမတ်တွေက တိုက်ရိုက် တာဝန်ခံမှုမရှိတော့တာမျိုးတွေဖြစ်ပါတယ်။
နိုင်ငံရေးပညာရှင်များရဲ့ လေ့လာသုံးသပ်ချက်များ အရတော့ တိုင်းရင်းသားတွေ လူမျိုးစုတွေ၊ ပါတီအသင်းအဖွဲ့တွေ များတဲ့နိုင်ငံတွေဟာ PR စနစ်နဲ့သင့်တော်ပါတယ်။ လူမျိုးတစ်မျိုးတည်း များတဲ့ တိုင်းပြည်တွေမှာ FPTP ကသင့်တော်ပါတယ်။ မြန်မာနိုင်ငံ အတွက်ကတော့ PR ပုံစံသွားတာသင့်တော်မယ်လို့ ဆိုနိုင်ပါတယ်။
မြန်မာနိုင်ငံမှာပါတီပေါင်း မြောက်များစွာရှိပါတယ်။ ပါတီသေးသည်ဖြစ်စေ၊ ပါတီကြီးသည်ဖြစ်စေ၊ တိုင်းရင်းသားမျိုးနွယ်စုသေးသည်ဖြစ်စေ ကြီးသည်ဖြစ်စေ လွှတ်တော်အတွင်း တစ်ထောင့်တစ်နေရာ ကိုယ်စားလှယ် တစ်ဦးအဖြစ် ပါဝင်နိုင်ရန် အတွက် PR စနစ်ဟာ မြန်မာနိုင်ငံလိုနိုင်ငံများတွင် ပိုမိုကျင့်သုံး သင့်ပါတယ်။ ထိုပါတီအသင်းအဖွဲ့များ၊ တိုင်းရင်းသားလူမျိုးစုများအနေဖြင့်လည်း နိုင်ငံရဲ့ တစ်ထောင့် တနေရာကနေပြီး နိုင်ငံတော် တိုးတက်ရာတိုးတက်ကြောင်းကိုအကြံပြုဆွေးနွေး တင်ပြနိုင်မည်ဖြစ်ပါတယ်။ လူတိုင်း၊ ပါတီတိုင်း၊ အဖွဲ့အစည်းတိုင်းမှာ နိုင်ငံတော်နှင့်ပတ်သက်ပြီး တိုးတက်ခေတ်မီစေချင်သော အတွေးအခေါ်အသစ်၊ စိတ်ကူးသစ် အကြံဥာဏ်သစ် တွေနဲ့လွှတ်တော်အတွင်းအကြံပြုဆွေးနွေးတင်ပြလာလျှင် အများက ၀ိုင်းဝန်းဆုံးဖြတ်ပြီး နိုင်ငံတော်အတွက်အမြင်သစ် Idea အသစ်များဖြင့် လုပ်ဆောင်နိုင်မည် ဖြစ်ပါတယ် ။
လက်ရှိကမ္ဘာပေါ်မှာပီအာစနစ် ကိုအခြေခံပြီးကိုယ့်နိုင်ငံနဲ့  လိုက်အောင် မွမ်းမံကျင့်သုံးနေတဲ့  နိုင်ငံ ပေါင်း ၉၀ နီးပါးရှိပြီး ထင်ရှားတဲ့နိူင်ငံတွေကတော့သြစတေးလျ၊ အာဂျင်တီးနား၊ ဘရာဇီး၊ဖင်လန်၊ ဂျာမဏီ၊ ဟောင်ကောင် ဟန်ဂေရီ၊ တူရကီ၊ အင်ဒိုနီးရှားအစ္စရေး၊ အီတလီ၊ ဂျပန် မက္ကဆီကို၊ နီပေါ၊ နော်ဝေး၊
နယူးဇီလန်၊ ရုရှား၊ ဆွီဒင် ဟောင်ကောင်၊ ထိုင်ဝမ်၊တောင်ကိုးရီးယား၊ စတဲ့  နိူင်ငံတွေ အပြင် အမေရိကန် ပြည်ထောင်စုက ပြည်နယ်ရွေးကောက်ပွဲတစ်ချို့ မှာလဲလက်ရှိကျင့်သုံးလျှက်ရှိပါတယ်။
မြန်မာနိုင်ငံတွင်လဲ PR စနစ်ကိုတိုးတက်နေသော နိုင်ငံကြီးများနည်းတူစနစ်တကျ အသွင်ကူးပြောင်းကျင့်သုံးသင့်ပါတယ်။ ရေများ ရေနိုင် ၊ မီးများမီးနိုင် ဆိုသောနိုင်သူအကုန်ယူစတမ်း(FPTP)စနစ်ထက် အချိုးကျ ခွဲဝေယူစနစ် ဖြစ်တဲ့ (PR) စနစ်ကပို၍ ဒီမိုကရေစီဆန်ပေလိမ့်မည်။ ဒါကြောင့် နိုင်ငံတော်ကြီးကိုအမှန်တကယ် တိုးတက်အောင် ကြိုးပမ်းလုပ်ဆောင်ကြမည့်သူများအား ရွေးကောက်နိုင်ဖို့ PR စနစ်ကိုစနစ်တကျ ကူးပြောင်းသင့်ပါကြောင်း လေးစားစွာရေးသားဖော်ပြလိုက်ရပါတယ်။ ။
credit to : မင်းမြတ်ဝေ
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။