မြစ်ဆုံရေအားလျှပ်စစ်စီမံကိန်း အပြီးရပ်ဆိုင်းရေး လမ်းလျှောက်ဆန္ဒဖော်ထုတ်သည့် နိုင်ငံရေး အကျဉ်းသား ဟောင်းအဖွဲ့ချုပ်မှ ဦးရဲထွဋ်ခေါင်း ဦးစီးအဖွဲ့သည် တည်းခိုနေထိုင်ရာ မြစ်ကြီးနားမြို့ ရှမ်းစုတောင်ရပ်ကွက်ရှိ မန္တလေးကျောင်းတိုက် အတွင်း အရက်သေစာသောက်စားမူးယစ်ပြီး အချင်း ချင်းခိုက်ရန် ဖြစ်ပွား မှုကြောင့် ကျောင်းထိုင် ဆရာတော်မှ မောင်းထုတ်ခဲ့ကြောင်း သိရသည်။
``ဘုန်းကြီးကျောင်းမှာတည်းပြီး အရက်သေစာ သောက်စား တာဟာ ဆရာတော်တို့ကို စော်ကားတာပဲလေ၊ ပြီးတော့ အချင်းချင်း ရန်ဖြစ်ပြီး အော်ဟစ် ဆဲဆိုနေကြတာ မကြားဝံ့မနာသာပါ၊ ဆရာတော်တို့အနေနဲ့ သူတို့ ဘာလုပ်တယ်ဆိုတာ ထည့်မစဉ်းစားဘဲ တည်းခိုဖို့ နေရာထိုင်ခင်းပေးတာပါ၊ ဗုဒ္ခဘာသာဝင်တွေဖြစ်ပြီး အရမ်းကို အောက်တန်းကျလွန်း အားကြီး ပါတယ်´´ ဟု မန္တလေးကျောင်းတိုက်မှ ဆရာတော်တစ်ပါးက ပြောကြားသည်။
အဆိုပါဘုန်းကြီးကျောင်းနှင်ကပ်လျက်နေထိုင်သော မြို့ခံတစ်ဦးက``ဘုန်းကြီးကျောင်းမှာ အော်ဟစ် ဆူညံ နေကြတာ တစ်ရပ်ကွက်လုံး အိပ်လို့မရဘူး၊ ည ၉ နာရီခွဲလောက်ရှိပြီ ရပ်ကွက်ကို အားမနာပေမယ့် သံဃာ တော်တွေကိုတော့ ရိုသေသင့်တာပေါ့၊ တရားထိုင် ပုတီးစိပ်လုပ်နေတဲ့ ကိုယ်တော်တွေဆိုရင် အဲဒီအဖွဲ့ကို ကြည့်ပြီး တော်တော်လေး စိတ်ဆင်းရဲရတယ်၊ အဆင့်အတန်း မရှိတဲ့လူတွေ စုပေါင်းပြီး လာကြတာနဲ့ တူပါတယ်´´ ဟု ဆိုသည်။
၎င်းအဖွဲ့သည် အထက်မော်ဖောင်းကျေးရွာရှိ သဒ္ဓမ္မဇောတိကာရုံ ကျောင်းတိုက်သို့ သွားရောက်ပြီး ကျောင်းထိုင် ဆရာတော်အား တည်းခိုခွင့် လျှောက်ထားရာ လက်မခံသဖြင့် ပြန်လာခဲ့ရကြောင်း သိရသည်။
ခေမာသီရိရပ်ကွက်ရှိ ကျောင်းထိုင်ဘုန်းကြီးကျောင်းကို ည ၁၀ နာရီခန့်တွင် သွားရောက်ပြီး ကျောင်းထိုင် ဆရာတော်အား တည်းခိုခွင့် လျှောက်ထားပြန်ရာ လက်ခံခြင်းမရှိကြောင်းနှင့် နေစရာနေရာ မရှိသည့်အဆုံး အာလမ်ကျေးရွာအုပ်စု၊ ဒွန်ဂမ်ကျေးရွာနှစ်ခြင်းခရစ်ယာန်ကျောင်း၌ တည်းခိုနေရကြောင်း ယင်းအဖွဲ့ဝင်တစ်ဦး ထံမှ သိရသည်။
``လမ်းတလျှောက်လုံးက မြို့တွေ၊ ကျေးရွာတွေမှာ အလှူခံလို့ရလာတဲ့ အလှူငွေတွေနဲ့ သောက်စားမူးယစ် နေကြတာဖြစ်မှာ၊ ဘုန်းကြီးကျောင်းထဲမှာတောင် အရက်မူးပြီး ရန်ဖြစ်ကြတယ်ဆိုတော့ စဉ်းစားသာ ကြည့်ပေ တော့၊ အဲဒီလို အဆင့်မရှိတဲ့လူတွေလုပ်မယ့် အလုပ်ဟာလည်း ကောင်းလာစရာ၊ အောင်မြင်စရာ အကြောင်းမရှိ ပါဘူး၊ ဒီတစ်မြို့လုံး အဲဒီအဖွဲ့ကို အထင်မကြီးသလို ကြည့်လို့လည်းမရဘူး´´ ဟု မြို့ခံ တစ်ဦးက ပြောကြား သွားသည်။
credit to : ခိုင်ဦး (မြစ်ကြီးနား)
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။