လွန်ခဲ့သောရက်သတ္တပတ်အတွင်းမှစ၍ တောင်ကြီးမြို့ ရပ်ကွက်အသီးသီးရှိ အသက် ၁၅ နှစ်မှ ၄၅ နှစ် အတွင်း အမျိုးသမီးစာရင်းများကို ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဦးစီးသည့် အမျိုးသမီး ရေးရာ အဖွဲ့မှ ကောက်ယူလျက်ရှိသည်။
၎င်းတို့ကို ဒီဇင်ဘာလကုန်မှစတင်ကာ သုံးလအတွင်း သက်ဆိုင်ရာရပ်ကွက်ရုံးများတွင် အခမဲ့ မေးခိုင် ကာကွယ်ဆေးထိုးပေးမည့်အစီအစဉ်ဟု သိရသည်။ ထိုစီမံချက်မှာ မိမိတို့၏အစီအစဉ်မဟုတ်သလို မိမိတို့မှ အလျဉ်းမသိရှိပါကြောင်း ရှမ်းပြည်နယ်ကျန်းမာရေးဝန်ကြီးဌာန၏ တောင်ကြီးမြို့နယ် ကျန်းမာရေးဌာန ၀န်ထမ်းတစ်ဦးကလည်းကောင်း၊ ရှမ်းပြည်နယ် အထွေထွေအုပ်ချုပ်ရေးဦးစီးဌာန၏ခရိုင်အုပ်ချုပ်ရေးမှူးရုံးမှ တာဝန်ရှိသူတစ်ဦးကလည်းကောင်း ပြောပြခဲ့ပါသည်။
ဗုဒ္ဓဘာသာဝင်အမျိုးသမီးများအတွက် ပြဿနာမဟုတ်သော်လည်း အစ္စလာမ်နှင့် ခရစ်ယာန်ဘာသာဝင် အမျိုးသမီးများကိုမူ မေးခိုင်ကာကွယ်ဆေးဟုဆိုလျက် သန္ဓေမတည်နိုင်တော့မည့် ပဋိဇီဝစမ်းသပ် တားမြစ် ဆေးများ၊ ကျန်းမာရေးထိခိုက်သွားစေမည့် ဓာတုဆေးဝါးများဖြင့် လိမ်ညာထိုးသွင်းရန် မသမာမှု အစီအစဉ် တစ်ရပ်ဖြစ်သည်ဟု ကြံ့ခိုင်ရေးပါတီဝင်တစ်ဦးထံမှ သတင်းပေါက်ကြားလာသည်။
ထို့ကြောင့် အခမဲ့အစီအစဉ်ဆိုကာမျှဖြင့် မစူးစမ်းမဆင်ခြင်ဘဲ လက်ခံခြင်းမပြုအပ်ကြောင်း၊ ဆေးရည်မှာ ခန္ဓာကိုယ်တွင်း ၀င်ရောက်ပြီးနောက် ပြန်လည်ပြင်ဆင်ကုသရန် အလွန်ခက်ခဲနိုင်ကြောင်း၊ ဗုဒ္ဓဘာသာဝင် မဟုတ်သော အမျိုးသမီးများအနေနှင့် အမှန်တကယ်လိုအပ်လာပါက မိမိယုံကြည်ရသော သမားတော်များ၊ ဆရာဝန်များနှင့်သာ ပြသဆောင်ရွက်သင့်ကြောင်း၊ မဆိုစလောက်သောငွေကြေးသက်သာမှုဖြင့် ရေရှည် ကျန်းမာရေးကို အလဲအလှယ် မပြုအပ်ကြောင်း၊ ကာယကံရှင်မှ လက်မခံလျှင် အဓမ္မဆေးထိုးခွင့် မရှိသည်သာမက ယင်းသို့ပြုလျှင် တရားဥပဒေအရ ပြစ်မှုမြောက်ကြောင်း အထူးကုဆရာဝန်တစ်ဦးနှင့် ဥပဒေသမားတစ်ဦးမှ မေးမြန်းသူတို့အား သတိပေးရှင်းပြခဲ့ကြောင်း သတင်းရရှိပါသည်။
ထိုအပြင် ခွန်ဒီးယမ် ဖဘ တွင်လည်း “ချင်းပြည်နယ်သို့  နယ်လှည့်ဆေးကုပေးနေသော မြန်မာ့တပ်မတော် ဆေးတပ်မှ စစ်သားများဟာ ဆေးအကြောင်း နားမလည်သော ရွာသူရွာသားတွေကို သက်တမ်းကျော်လွန် နေသော သောက်ဆေး စားဆေးများ ပေးကာ အနုနည်းနဲ့ သတ်ဖြတ်လျက်ရှိကြောင်း အရေးပေါ်သတင်း ရရှိ (ချင်းလူမျိုးတိုင်း မိမိတို့နဲ့ နီးစပ်ရာကို အကြောင်းကြား တားမြစ် အသိပေးကြပါ)”ဟူသည့် သတင်း တစ်ရပ် ကို ဒီဇင်ဘာ ၁၅ ရက်နေ့နေ့စွဲဖြင့်ဖေါ်ပြထားသည်။
စိုင်းစိုးစိုး(ကမ္ဘောဇမြေ)
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။