ရန်ကုန်မြို့၏ ယာဉ်ကြောရှုပ်ထွေးမှုများကို လျှောချ နိုင်ရေး ရည်ရွယ်ကာ ၂၀၁၂ ခုနှစ် ဒီဇင်ဘာ ၁၂ ရက်က စတင်တည်ဆောက်ခဲ့သော ရွှေဂုံတိုင် ခုံးကျော်တံတားတွင် ၂၀၁၃ ခုနှစ် ဒီဇင်ဘာ ၁ ရက် နေ့လည်ပိုင်းက စတင်ကာ မော်တော်ယာဉ်များ စတင်ဖြတ်သန်းခွင့် ပြုလိုက်ကြောင်း သိရသည်။
ယင်းတံတား ဆောက်လုပ်ရေး စီမံကိန်းအတွက် ခန့်မှန်းကုန်ကျငွေ ကျပ် ၁၇ ဒသမ ၄၄ ဘီလျံ ကုန်ကျခဲ့ပြီး ၂၀၁၂-၂၀၁၃ ဘဏ္ဍာနှစ်တွင် နိုင်ငံတော်မှ ကျပ် ၁၃ ဒသမ ၀၈ ဘီလျံ သုံးစွဲခွင့် ပြုပေး ခဲ့ကြောင်း သိရသည်။
အဆိုပါ ခုံးကျော်တံတားသည် လူနေအထပ်မြင့် အဆောက်အဦးများနှင့် နီးကပ်သည့်အတွက် ဆူညံသံများဖြစ်ပေါ်မှုကို လျှော့ချနိုင်ရေးအတွက် စီစဉ်ထားကြောင်း ဆူညံသံ ဖြစ်ပေါ်မှု လျှော့ချနိုင်ရေးအတွက် တပ်ဆင်မည့် ပစ္စည်းများအား ဂျပန်နိုင်ငံမှ မှာယူထားကြောင်းနှင့် ရောက်ရှိခြင်း မရှိသေးသည့်အတွက် တပ်ဆင်နိုင်ခြင်း မရှိသေးဟု Capital Development ကုမ္ပဏီမှ စီမံကိန်း အင်ဂျင်နီယာ ဦးအုန်းလှိုင်က ပြောကြားသည်။
ရွှေဂုံတိုင် ခုံးကျော်တံတားသည် သံကူကွန်ကရစ် အမျိုးအစား တံတားဖြစ်ပြီး အရှည် ၂၀၅၉ ပေကျော် ရှည်လျားပြီး လေးလမ်းသွား တံတားအမျိုးအစားဖြစ်ကာ ကင်းလွတ်အမြင့်ပေ ၁၈ ပေရှိကာ အမြင့်ဆုံး ခံနိုင်ဝန်အား တန် ၆၀ ခန့်ရှိကြောင်း သိရသည်။
ရန်ကုန်မြို့၏ ယာဉ်ကြောရှုပ်ထွေးမှုများ လျှောချနိုင်ရေး ရည်ရွယ်တည်ဆောက်ခဲ့သည့် လှည်းတန်းခုံးကျော်တံတား၊ ဘုရင်နောင် ခုံးကျော်တံတား နှစ်စင်းနှင့် ရွှေဂုံတိုင် ခုံးကျော်တံတား သုံးစင်းလုံး လက်ရှိတွင် မော်တော်ယာဉ်များ ဖြတ်သန်းခွင့် ရရှိပြီ ဖြစ်သော်လည်း ယာဉ်ကြောရှုပ်ထွေး ကြပ်တည်းမှု ပြဿနာများ ရှိနေဆဲပင်ဖြစ်ကြောင်း သိရသည်။
"တံတားဖွင့်တဲ့အတွက် ၀မ်းသာပါတယ်။ ရန်ကုန်မြို့ရဲ့ ပြယုဒ်အဖြစ် တံတားကြီးတစ်စင်း ပေါ်ထွက်လာပြီ ပေါ့။ ယာဉ်ကြောပိတ်ဆို့မှုကတော့ အနည်းငယ် ကျန်ဦးမှာပေါ့။ တော်တော်ကြီးတော့ သက်သာသွားမှာပါ။ နောက်ထပ်တံတားတွေ အများကြီး ဆောက်ပေးပါဦးလို့ မေတ္တာရပ်ခံ ချင်ပါတယ်" ဟု ရွှေဂုံတိုင် ခုံးကျော် တံတားတွင် ဖြတ်သန်းခွင့် ရခြင်းနှင့် ပတ်သက်ပြီး ယာဉ်မောင်းသူ တစ်ဦးက ပြောကြားသည်။
မော်တော်ယာဉ်များ တိုးပွားလာမှု၊ မော်တော်ကားလမ်းများ အပြည့်အ၀ အသုံးချနိုင်ခြင်း မရှိမှု၊ ယာဉ်များသူများမှ သတ်မှတ်စည်းကမ်းများ မလိုက်နာမှုနှင့် စည်းကမ်းမလိုက်နာ သူများအား အရေးယူမှု အားနည်းခြင်းတို့ကြောင့် ရန်ကုန်မြို့တွင် နေ့စဉ်နှင့်အမျှ ယာဉ်ကြောပိတ်ဆို့မှုများ ဆက်လက်ဖြစ်ပေါ်လျက် ရှိသည်။
ရွှေဂုံတိုင် ခုံးကျော်တံတားအား ဒီဇင်ဘာ ၁ ရက်က တွေ့ရစဉ်
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။