၂၀၀၈ ဖွဲ့စည်းပုံ အခြေခံဥပဒေ ပြုပြင်ရေးနဲ့ ပတ်သက်ပြီး အမျိုးသားဒီမိုကရေစီအဖွဲ့ချုပ် ဥက္ကဌရဲ့ မေတ္တာ ရပ်ခံစာအပေါ် အစိုးရအုပ်ချုပ်ရေးဘက်က တုန့်ပြန်ပြောကြားချက်ဟာ ဒီမိုကရေစီအရေးနဲ့ ပြုပြင်ပြောင်းလဲ ရေးကို မလိုလားသလိုဖြစ်နေတယ်လို့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့က ဒီနေ့ကြေညာချက် ထုတ်ပြန်လိုက်ပါတယ်။
ဒီနေ့ ကြေညာချက် ထုတ်ပြန်လိုက်တာနဲ့ ပတ်သက်ပြီး အန်အယ်လ်ဒီပါတီရဲ့သဘောထားကို ဗဟို အလုပ်အမှုဆောင်အဖွဲ့ဝင် ဦးဥာဏ်ဝင်း က အခုလိုပြောပါတယ်။
“သူတို့တုန့်ပြန်တဲ့အထဲမှာ ပြည်ထောင်စုလွှတ်တော်ကို ကျော်ရာရောက်မယ်၊ ဘာမှရောက်စရာ မလိုဘူး၊ အဆိုပြုတဲ့အတိုင်း လုပ်မယ်ဆိုရင်လည်း လွှတ်တော်ဥက္ကဌပါလာမှာပဲ၊ အလျှင်အမြန်လုပ်နိုင်ရင် တိုင်းပြည် အေးချမ်းမှာ၊ ဒီလိုလုပ်နိုင်ဖို့ ဖွဲ့စည်းပုံ အခြေခံဥပဒေ ပြင်ဆင်ရေးဟာ လိုအပ်တယ်၊ ပြင်ဆင်ရာမှာ ထိထိရောက်ရောက်ဖြစ်ဖို့ တွေ့ဆုံဆွေးနွေးပွဲဟာ လိုအပ်တယ်လို့၊ ငြင်းနေရင်တော့ ပြုပြင်ပြောင်းလဲ ရေးရော၊ ငြိမ်းချမ်းရေးရော မလိုချင်လို့ပဲလားလို့ စဉ်းစားစရာဖြစ်လာတော့၊ ၈၈ တုန်းကလည်း အမျိုးသား ရင်ကြားစေ့ရေးအတွက် NLD တစ်ခုတည်းတော့ မရဘူး၊ ငြင်းပုံခြင်းက ပုံစံကတော့ တူနေတယ်”
၂၀၀၈ ဖွဲ့စည်းပုံအခြေခံဥပဒေကို ပြင်ဆင်နိုင်ဖို့အတွက် ဒေါ်အောင်ဆန်းစုကြည်က နိုင်ငံတော်သမ္မတ၊ ပြည်ထောင်စုလွှတ်တော် နာယက၊ တပ်မတော် ကာကွယ်ရေးဦးစီးချုပ်တို့နဲ့ တွေ့ဆုံဆွေးနွေးလိုကြောင်း ပြီးခဲ့တဲ့ နိုဝင်ဘာလ၂၃ ရက်နေ့က မေတ္တာရပ်ခံစာပေးပို့ခဲ့တာပါ။
အဲဒီအပေါ် နိုင်ငံတော်သမ္မတ ပြောရေးဆိုခွင့်ရှိသူ ဒုတိယ၀န်ကြီး ဦးရဲထွဋ်က ၂၀၀၈ဖွဲ့စည်းပုံအခြေခံ ဥပဒေပြင်ဆင်ရေးအတွက် ဆွေးနွေးမယ်ဆိုရင် အမျိုးသားဒီမိုကရေစီအဖွဲ့ချုပ်လိုပဲ တရားဝင်ဖွဲ့စည်းထားတဲ့ နိုင်ငံရေးပါတီ ၅၈ ခုရဲ့ သဘောထားအကြံပြုချက်တွေကို လိုအပ်တဲ့အပြင် ပြည်ထောင်စုလွှတ်တော်ရဲ့ အခွင့်အာဏာကိုလည်း လေးစားဖို့လိုတဲ့အတွက် ၂၀၀၈ ခုနှစ် အခြေခံဥပဒေ လေ့လာသုံးသပ်ရေး ကော်မတီရဲ့ အစီရင်ခံစာထွက်ပြီးချိန်မှ ညှိနှိုင်းမယ့်အစီအစဉ်တွေကို ဆက်ပြီးဆောင်ရွက်သင့်တယ်လို့  သူ့ရဲ့ဖေ့စ်ဘုတ် လူမှုရေးစာမျက်နှာမှာ ဖော်ပြထားပါတယ်။
ဒီနေ့ထုတ်ပြန်တဲ့ အမျိုးသားဒီမိုကရေစီအဖွဲ့ချုပ်ရဲ့ ကြေညာချက်ထဲမှာ အစိုးရရဲ့ပြောကြားချက်ဟာ အချိန်ရွှေ့ဆိုင်းရန်ရည်ရွယ်ပြီး ပြောကြားချက်ဖြစ်တဲ့အတွက် အန်အယ်လ်ဒီပါတီအနေနဲ့ လက်မခံ နိုင်ကြောင်း၊ ပြုပြင်ပြောင်းလဲရေးကို နှောင့်နှေးစေနိုင်ကြောင်းလည်း ပြောထားပါတယ်
RFA
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။