သောင်းကျန်းသူတို့၏ ပြည်တွင်းငြိမ်းချမ်းရေး ဘာလဲ၊ ဘယ်လဲ

ယခုအချိန်အခါသည် အစိုးရနှင့်တိုင်းရင်းသား လက်နက်ကိုင်အဖွဲ့များအကြား အပစ်အခတ် ရပ်စဲထားပြီး ယုံကြည်မှုတည်ဆောက်ကာ ငြိမ်းချမ်း ရေးဆွေးနွေးပွဲများ ဆက်တိုက်ပြုလုပ်နေချိန် ဖြစ်သည်။ သို့သော် အမှန်တကယ်ငြိမ်းချမ်းပြီလား၊ လက်နက်ကိုင်အဖွဲ့များသည် ငြိမ်းချမ်းရေးတကယ် လိုချင်လားဆိုသည်ကတော့ မေးစရာဖြစ်လာသည်။

ယခုတလော ခပ်စိတ်စိတ်တွေ့လာရသည်က ဆက်ကြေးကောက်၊ လူသစ်စုသည့်သတင်းပင်။ အစိုးရနှင့်တပ်မတော်မှာ နိုင်ငံအကျိုးအတွက် ရှေးရှူကာ သဘောထားကြီးစွာဖြင့် အပစ်အခတ် ရပ်စဲထားသည့်ကာလတွင် ဆက်ကြေးကောက်၊ လူသစ်စု၊ တပ်မတော်စစ်ကြောင်းများအား ချောင်းမြောင်း ပစ်ခတ်ခြင်းများလုပ်နေကြသည်မှာ ၄င်းတို့၏ သဘောထားမှန်ကို ပွင့်ပွင့်လင်းလင်း ထုတ်ဖော်ပြသ နေကြလိုပင်ဖြစ်သည်။ယခုအပါတ်ထုတ် Daily Eleven သတင်းစာတွင်လည်း ကချင်ပြည်နယ် မန်စီမြို့ နယ်တွင် ကေအိုင်အေသောင်းကျန်းသူများမှ အရပ်သားများအား ဖမ်းဆီးခေါ်ဆောင်မှုများ ဆက်တိုက်ဖြစ်ပွားနေဆိုပြီး သတင်းတစ်ပုဒ်ပါလာတယ်။

ဒီနေရာမှာပြောစရာဖြစ်လာတာက Eleven Media ပဲ။ Eleven Media ဆိုတာ သတင်းမီဒီယာလောကတွင် ကေအိုင်အေမီဒီယာဟု ခေါ်ဆိုရလောက်သည်အထိ အစဉ်အဆက် ကေအိုင်အေဘက်မှ ၀ါဒဖြန့်ရေးသား နေတာ အားလုံးအသိပင်ဖြစ်သည်။ ယခုထိုသို့သော မီဒီယာကထုတ်ဝေသော စာစောင်တွင် အထက်ပါ သတင်းအားဖော်ပြခဲ့ခြင်းမှာ အောက်ခြေတွင် မည်မျှဆိုးရွားနေမည်ဖြစ်ကြောင်း ခန့်မှန်းကြည့် နိုင်မည် ဖြစ်သည်။

ကချင်ပြည်နယ် မန်စီမြို့နယ် မန်စီမြို့နှင့် နှစ်မိုင်ဝန်းကျင်ခန့်ဝေးသော ကျေးရွာများတွင် ကေအိုင်အေ လက်နက်ကိုင်အဖွဲ့အစည်းများက အရပ်သားများကို ဖမ်းဆီးခေါ်ဆောင်မှုများ ဆက်တိုက်ဖြစ်ပေါ် နေကြောင်း ဒေသခံများက ပြောကြားခဲ့ပြီး ယင်းသို့ လူခေါ်ဆောင်မှုများကို မန်စီမြို့အနီးရှိ မန်ဖွ၊ ပါတော်၊ ကျော်ခေါင် စသည့်ကျေးရွာများတွင် ဒီဇင်ဘာ ၄ ရက်၊ ၇ ရက်၊ ၈ ရက်နေ့များက ဖြစ်ပွားခဲ့ကြောင်း သိရသည်။

မန်စီမြို့မှ ဒေသခံ ရပ်မိရပ်ဖတစ်ဦးဖြစ်သူ ဦး....က "၄ ရက် မန်ဖွမှာ ဆွဲတာက လယ်ကွင်းထဲမှာဆွဲတာ ၂၁ ဦးရှိတယ်။ ၇ ရက်က ပါတော်မှာ ညပိုင်းဆွဲတာ။ စိန်လိန်ရွာက ကလေးတွေ ၃၀ ကျော်တယ်လို့ စာရင်းရတယ်။ မိဘတွေကတော့ ညှိနေတုန်းပါပဲ။ ၈ ရက်က ကျော်ခေါင်ရွာမှာ ဆွဲတယ်။ ဒီအနီးက လူတွေကတော့ သတင်းရလို့ ပါမသွားဘူး။ သစ်လုပ်ငန်းနဲ့ ပတ်သက်ပြီး ရောက်လာတဲ့ အောက်ချောင်းက အများစုပဲပါသွား တာ။ ကျေးရွာအများစုက ကလေးတွေတော့ မြို့တက်ပြီး ရှောင်နေကြတာများတယ်။ အဲဒီရွာတွေမှာက ကုန်းပေါ်တွေမှာ စစ်တပ်တွေ ရှိပါတယ်။ မြင်ပေမယ့် ဘာအသံမှ မပေးတာကတော့ ဘာကြောင့်လဲ မပြောတတ်ဘူး။ ဒီနေ့အထိတော့ ပြန်လွတ်လာတာမျိုး မရှိသေးဘူး" ဟု The Daily Eleven သို ပြောကြားချက်ကိုလည်း ဖတ်ရှုရမည်ဖြစ်သည်။

မန်ဖွမှာ ဆွဲတာက လယ်ကွင်းထဲမှာဆွဲတာ ၂၁ ဦးရှိတယ်။ ၇ ရက်က ပါတော်မှာ ညပိုင်းဆွဲတာ။ စိန်လိန်ရွာက ကလေးတွေ ၃၀ ကျော်တယ်လို့ စာရင်းရတယ်။ မိဘတွေကတော့ ညှိနေတုန်းပါပဲ။ ၈ ရက်က ကျော်ခေါင်ရွာမှာ ဆွဲတယ်။ ဒီအနီးက လူတွေကတော့ သတင်းရလို့ ပါမသွားဘူး . . .

ကချင်ပြည်နယ်အစိုးရသို့ ဆက်သွယ်မေးမြန်းခဲ့ရာ မန်ဖွကျေးရွာတွင် ဖြစ်ပွားခဲ့သည်မှာ မှန်ကန်ပါကြောင်း၊ ၇၊ ၈ ရက်များတွင် ပါတော်၊ ကျော်ခေါင်စသည့် ရွာများတွင် ဖြစ်ပေါ်ခဲ့သော ကိစ္စရပ်များအတွက် သတင်းအချက်အလက်များ မရောက်ရှိသေးကြောင်း ဖြေကြားခဲ့သည်ကိုလည်း တွေ့ရမည်ဖြစ်ပေသည်။ လက်နက်ကိုင် သောင်းကျန်းသူတို့၏ ပြည်တွင်းငြိမ်းချမ်းရေး ဘာလဲ၊ ဘယ်လဲဟု မေးရတော့မည်ဖြစ်သည်။

Credit : OE