အင်းစိန် အစည်းအဝေး ကြေညာချက်(၅)ရပ် လုပ်ငန်းစဉ် (၈) ရပ် ထုတ်ပြန်နိုင်ခဲ့

ရန်ကုန်တိုင်းဒေသကြီး၊ အင်းစိန်မြို့နယ်၊ ရွာမပရိယတ္တိစာသင်တိုက်ကြီး၌ 1.10.2013 နှင့် 2.10.2013 နှစ်ရက်တိုင်တိုင် ကျင်းပသော အမျိုးဘာသာ သာသနာ စောင့်ရှောက်ရေးအဖွဲ့ (ဗဟို)၏ နိုင်ငံလုံးဆိုင်ရာ အစည်းအဝေးကြီးက ကြေညာချက် (၅) ရပ်နှင့် လုပ်ငန်းစဉ်(၈) ရပ်-ထုတ်ပြန်ကြေညာခဲ့ခြင်း ဖြစ်ကြောင်း သိရသည်။

"အမျိုး ဘာသာ သာသနာ စောင့်ရှောက်ရေးအဖွဲ့

ဗဟိုဦးဆောင်အဖွဲ့၊ ဗဟိုအလုပ်အမှုဆောင်အဖွဲ့

ပြည်နယ်/တိုင်းဒေသကြီးနှင့် မြို့နယ်များမှ ကိုယ်စားလှယ်များတွေ့ဆုံညှိနှိုင်းစည်းဝေးပွဲ

ကြေညာချက် (၂ဝ၁၃၊ အောက်တိုဘာလ ၂-ရက်)"

၁။ မြန်မာနိုင်ငံသူ/သားများနှင့် ဗုဒ္ဓဘာသာအပါအဝင် တိုင်းရင်းသားအားလုံးတို့သည် အကြမ်းဖက်မှု ပဋိပက္ခများကို ဓမ္မဝိနယ၊ တရားဥပဒေနှင့်အညီ သက်ဆိုင်ရာတာဝန်ရှိသူများ အကူအညီရယူလျက် ဝိုင်းဝန်းကာကွယ် တားဆီးကြရန်နှင့် ငြိမ်းချမ်းရေးလုပ်ငန်းစဉ်များ ပူးပေါင်းဆောင်ရွက်ရန် တိုက်တွန်း ပါသည်။

၂။ နိုင်ငံတော်အစိုးရနှင့် လွှတ်တော်အသီးသီးအား အမျိုးစောင့်ဥပဒေ (သို့) အမျိုး ဘာသာ သာသနာနှင့် ဗုဒ္ဓဘာသာအပါအဝင် တိုင်းရင်းသားအားလုံးအတွက် လိုအပ်လျက်ရှိသော လုံလောက်သည့် ကာကွယ် စောင့်ရှောက်ခြင်းဆိုင်ရာဥပဒေကို အခြားဘာသာများနည်းတူ အမြန်ဆုံးပြဌာန်းပေးရန် တိုက်တွန်းပါသည်။

၃။ ဆရာတော် သံဃာတော်များဦးဆောင်သော ရဟန်းရှင်လူ ပြည်သူများပါဝင်သည့် ဘာသာရေး လူမှုရေးအခြေပြု သာသနာပြုအဖွဲ့အစည်းအဖြစ် အမျိုးဘာသာသာသနာစောင့်ရှောက်ရေးအဖွဲ့ (သာသန ဝံသပါလအဖွဲ့)များ နေရာဒေသအားလုံးတွင် ဖွဲ့စည်းလျက် အမျိုး ဘာသာ သာသနာ စောင့်ရှောက်ရေး လုပ်ငန်းများ ချိတ်ဆက်ဆောင်ရွက်ကြရန် တိုက်တွန်းပါသည်။

၎။ ဒေသအသီးသီးတွင် အပတ်စဉ် ဓမ္မကျောင်းတော်များ၊ နွေရာသီယဉ်ကျေးမှုသင်တန်းများ ဖွင့်လှစ် သွားခြင်း၊ ပူးပေါင်းပံ့ပိုးကူညီခြင်းများ ဆောင်ရွက်သွားမည်ဖြစ်သည်။

၅။ မြန်မာနိုင်ငံလုံးဆိုင်ရာ ဝံသာနုရက္ခိတ လူငယ်ရေးရာအထူးအဖွဲ့ကို အောက်ပါရည်ရွယ်ချက်များဖြင့် ဖွဲ့စည်းဆောင်ရွက်သွားမည်ဖြစ်သည်။

ဗုဒ္ဓဘာသာ အပါအဝင် မြန်မာတိုင်းရင်းသူ တိုင်းရင်းသား မျိုးဆက်သစ်လူငယ်များ ယဉ်ကျေးမှုနှင့် စာရိတ္တ ပညာ မြှင့်တင်ရေး၊ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နိုင်ရန် ရည်ရွယ်ချက် (၃)ချက်

(က) မြတ်ဗုဒ္ဓ၏ ငြိမ်းချမ်းရေး ဓမ္မဝိနယ အဆုံးအမများအား ပြန့်ပွားရေးနှင့် လိုက်နာကျင့်သုံးရေး။

(ခ) ပြည်ထောင်စုဖွား တိုင်းရင်းသားအားလုံး အချင်းချင်း ချစ်ကြည်ညီညွတ်စွာ လက်တွဲပူးပေါင်းလျက် အမျိုးသားရေး သွင်ပြင်လက္ခဏာများ ရှင်သန် တည်တံ့ခိုင်မြဲရေးနှင့် ဘက်စုံဖွံ့ဖြိုးတိုးတက်ရေး။

(ဂ) တရားဥပဒေစိုးမိုးရေးနှင့် တည်ငြိမ်အေးချမ်းရေးတို့ကို ရှေးရှုပြီး ပဋိပက္ခအကြမ်းဖက်မှုများ မဖြစ်ပွားစေရန် ငြိမ်းချမ်းသောနည်းလမ်းများဖြင့် ဖြေရှင်းရေးအတွက် သက်ဆိုင်ရာတာဝန်ရှိသူများနှင့်အတူ ပူးပေါင်း ဆောင်ရွက်ရေး။

လုပ်ငန်းစဉ် (၈)ရပ်

(၁) ဆရာတော် သံဃာတော်များ၏ သြဝါဒကို အမြဲမပျက်ခံယူခြင်း။

(၂) လူငယ်ယဉ်ကျေးမှုသင်တန်းများနှင့် ဘာသာရေးသင်တန်းများ ဖွင့်လှစ်ခြင်း။

(၃) ဘာသာရေးဆိုင်ရာ ဝေယျာဝစ္စကိစ္စများအား ပူးပေါင်းပါဝင် ကူညီဆောင်ရွက်ခြင်း။

(၄) ဒေသဆိုင်ရာ ရိုးရာယဉ်ကျေးမှု ဓလေ့ထုံးတမ်းများအား နှီးနှောဖလှယ်၍ ပိုမိုရှင်သန် အားကောင်း လာစေရန် ပူးပေါင်းပါဝင် ကူညီဆောင်ရွက်ခြင်း။

(၅) လူငယ်များအတွက် ကောင်းမွန်သည့် အနာဂတ်တစ်ခု တည်ဆောက်ပေးနိုင်သော ဒေသအလိုက် အသက်မွေးဝမ်းကျောင်းဆိုင်ရာ အသိပညာ အတတ်ပညာ စွမ်းဆောင်ရည်မြှင့်တင်ခြင်းနှင့် အလုပ်အကိုင် အခွင့်အလမ်းများ ဖြစ်ထွန်းပေါ်ပေါက်လာစေရန် ဖော်ထုတ်ဆောင်ရွက်ပေးခြင်း။

(၆) နိုင်ငံတော်မှ ချမှတ်ထားသော လုပ်ထုံး/လုပ်နည်းများ၊ ဥပဒေ/နည်းဥပဒေများ၊ စည်းမျဉ်းစည်းကမ်းများ နှင့်အညီ ဆောင်ရွက်နိုင်စေရန် ဥပဒေဆိုင်ရာ အသိပညာပေးသင်တန်းများ ဖွင့်လှစ်ခြင်းနှင့် ဟောပြော ဆွေနွေးပွဲများ ကျင်းပခြင်း။

(၇) အဖွဲ့၏ ရည်ရွယ်ချက်နှင့် ကိုက်ညီသော ဆွေနွေးပွဲများ ကျင်းပခြင်း။

(၈) အဖွဲ့အစည်း၏ ရည်ရွယ်ချက်များကို အကောင်အထည်ဖော်ရာတွင် ဆောင်ရွက်သော လုပ်ငန်းစဉ်များ အား ပြန်လည်သုံသပ်ဆွေးနွေးခြင်း၊ သုတေသနပြုခြင်း၊ မှတ်တမ်းပြုစုခြင်းနှင့် သတင်းဖြန့်ဝေခြင်း။

သဘာပတိဆရာတော်များ -

အရှင်တိလောကာဘိဝံသ

နိုင်ငံတော်သြဝါဒါစရိယ

အဂ္ဂမဟာပဏ္ဍိတ

ဥက္ကဋ္ဌ

အရှင်ဝိမလဗုဒ္ဓိ

အဂ္ဂမဟာပဏ္ဍိတ

အတွင်းရေးမှူး

အရှင်သီလက္ခန္ဓာဘိဝံသ

တိပိဋကဓရ၊ ဓမ္မဘဏ္ဍာဂါရိက

တွဲဖက်အတွင်းရေးမှူး

Credit : http://www.yeyintnge.com/2013/10/blog-post_7946.html#.UkzkzVMR8YI