လက်ရှိနိုင်ငံတော် သမ္မတ ဦးသိန်းစိန် အစိုးရ၏ အမွေဖြစ်လာမည့် သီလဝါ အထူးစီးပွားရေးဇုန်ကို လုံးဝအမှားအယွင်း မရှိစေရန် အကောင်အထည် ဖော်သွားမည်ဖြစ်ကြောင်း၊ ယင်း အထူး စီးပွားရေး ဇုန်ကို အကောင်အထည် ဖော်သွားမည့် မြန်မာ့ စီးပွားရေးအဖွဲ့မှ ဥက္ကဌအဖြစ် တာဝန်ယူထားသူ UMFCCI ဥက္ကဌ ဦးဝင်းအောင်က ပြောကြား ခဲ့သည်ဟု သိရသည်။
ဦးဝင်းအောင်သည် စက်တင်ဘာ ၁၀ရက်နှင့် ၁၁ရက်တွင် နေပြည်တော်၌ ကျင်းပခဲ့သော Myanmar Global 1 Mestment Formတွင် ပြောကြားသွားခဲ့ခြင်း ဖြစ်သည်။ “သီလဝါ အထူးစီးပွားရေးဇုန်ကို အကောင်အထည်ဖော်ရာမှာ မြန်မာဘက်က ၅၁ရာခိုင်နှုန်း၊ ဂျပန်နိုင်ငံဘက်က ၄၉ရာခိုင်နှုန်း ရင်းနှီးမြှုပ်နှံပြီး ပါဝင်လုပ်ဆောင်သွားမှာ ဖြစ်ပါတယ်။ မြန်မာဘက်က ၅၁ရာခိုင်နှုန်းထဲမှာ အစိုးရ ဘက်ကလည်း ပါဝင်မှာပါ။ အခုမြန်မာဘက်က အကောင်အထည်ဖော်မယ့် စီးပွားရေးအဖွဲ့မှာ အများပိုင် ကုမ္ပဏီကိုးခု ပါဝင်ပါတယ်”ဟု ၄င်းက ရှင်းလင်းပြောကြားခဲ့သည်။
စီမံကိန်း အကောင်ထည်ဖော်မည့် မြန်မာ့စီးပွားရေး အဖွဲ့တွင် ကုမ္ပဏီကိုးခု ပါဝင်မည်ဟု သဘော တူညီထားသော်လည်း ၄င်းကုမ္ပဏီများချည်း လုပ်ဆောင်ရမည်ဟု ကန့်သတ်ထားခြင်း မရှိကြောင်း သိရ သည်။ သီလဝါ အထူးစီးပွားရေးဇုန် စီမံကိန်း ဧရိယာမှာ ဟက်တာ ၂၄၀၀ရှိပြီး မြန်မာနိုင်ငံ၏ စီးပွားရေး မြို့တော် ရန်ကုန်နှင့် ပိုမိုနီးကပ်သည့်အတွက် အခြားစီးပွားရေး ဇုန်များထက် များစွာမြန်ဆန် ပြီးစီးနိုင် မည်ဖြစ်ကြောင်း သီလဝါအထူး စီးပွားရေးဇုန် စီမံအုပ်ချူပ်မှု ကော်မတီ ဥက္ကဌ ဦးဆက်အောင် က ပြောကြားခဲ့သည်။
“သီလဝါက ရန်ကုန်နဲ့ မေ၀းသလို အခြားဆက်စပ် ဆောက်လုပ်ရေး လုပ်ငန်းတွေလည်း စတင်နေပါပြီ။ ဒါ့ကြောင့် ထားဝယ်စီးပွားရေးဇုန်ထက် အများကြီး မြန်မြန်ဆန်ဆန် ပြီးစီးမှာ ဖြစ်ပါတယ်”ဟု ဦးဆက်အောင် ပြောကြားခဲ့သည်။ သီလဝါ အထူးစီးပွားရေးဇုန် စီမံကိန်းကို ၂၀၁၄ခုနှစ် အစပိုင်း တွင် ဆောက်လုပ် သွားမည်ဖြစ်ကြောင်း သိရသည်။
မြန်မာနိုင်ငံတွင် အထူးစီးပွားရေးဇုန် စီမံကိန်း သုံးခုကို အကောင်အထည် ဖော်သွားမည်ဖြစ်ပြီး ၄င်းတို့မှာ သီလဝါ အထူးစီးပွားရေးဇုန်၊ ကျောက်ဖြူ အထူး စီးပွားရေးဇုန်နှင့် ထားဝယ် အထူးစီးပွားရေးဇုန် တို့ ဖြစ် သည်ဟု သိရပါသည်။
Myanmar ICT
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။