ဟံသာဝတီ အပြည်ပြည်ဆိုင်ရာ လေဆိပ်သစ်ကြီး တည်ဆောက်ရန် ကိုရီးယားနိုင်ငံမှ Incheon Airport Consortium ရွေးချယ်ခံရ

ဟံသာဝတီ အပြည်ပြည်ဆိုင်ရာ လေဆိပ်သစ်ကြီး တည်ဆောက်ရန် ကိုရီးယားနိုင်ငံမှ (Incheon Airport Consortium) ရွေးချယ်ခံရကြောင်း သတင်းရရှိသည်။ အရံကုမ္ပဏီအဖြစ် စင်ကာပူနိုင်ငံမှ့ Yong nam-CAPE-JGC Consortium အား ရွေးချယ်ထားကြောင်း သိရသည်။

ဟံသာဝတီ အပြည်ပြည်ဆိုင်ရာ လေဆိပ်သစ်ကြီး တည်ဆောက်ရန် နိုင်ငံတကာမှ လေဆိပ်တည်ဆောက် ရေး ကုမ္ပဏီများအား တင်ဒါခေါ်ယူခဲ့ပြီး၊ နောက်ဆုံးအဆင့် တင်ဒါအောင်မြင်သည့် ကုမ္ပဏီခုနစ်ခု အနက်မှ Incheon Airport Consortium ကုမ္ပဏီအား နောက်ဆုံးအဆင့် အပြီးသတ် ရွေးချယ်ခဲ့ခြင်း ဖြစ်သည်။

ယခုရွေးချယ်ခံရသည့် Incheon Airport Consortium သည် Incheon Airport ဦးဆောင်သည့် ကုမ္ပဏီ အဖွဲ့အစည်းလေးခု စုပေါင်းတည်ထောင်ထားသည့် ကုမ္ပဏီ အဖွဲ့အစည်း တစ်ခုဖြစ်သည်။ Incheon Airport Consortium တွင် Hyundai Engineering Construction၊ Kumho Kumho Industrial Co., ltd၊ Halla Engineering and Constructio နှင့် Daewoo International Corporation တို့ ပါဝင်ဖွဲ့ စည်းထားခြင်း ဖြစ်သည်။

ဟံသာဝတီ အပြည်ပြည်ဆိုင်ရာ လေဆိပ်သစ်ကြီးအား တည်ဆောက်ရာတွင် အဆင့်သုံးဆင့် ခွဲခြားသတ်၏ မှတ်ထားပြီး ပထမအဆင့်တွင် ပေ ၁၂၀၀၀ ရှိ ပြေးလမ်းတစ်ခု၊ ခရီးသည် ၁၂ သန်း အသုံးပြုနိုင်မည့် လေ ဆိပ် အဆောက်အအုံနှင့် လေဆိပ် facilities များ၊ ဒုတိယအဆင့်တွင် ခရီးသည် ၁၅ သန်း အသုံးပြုနိုင်မည့် လေဆိပ် အဆောက်အုံနှင့် လေဆိပ် facilities များ၊ တတိယအဆင့် အနေဖြင့် နောက်ထပ် ၁၀ နှစ်ကြာမြင့် ချိန်တွင် ခရီးသည် ၀င်ထွက်မှု ၂၅ သန်းအထိ တိုးတက်လာခဲ့ပါက ပြေးလမ်းနှင့် လေဆိပ်အဆောက်အုံများ ထပ်မံတိုးချဲ့ ဆောက်လုပ်သွားရန် စီစဉ်ထားကြောင်း သိရသည်။

Incheon Airport Consortium ကုမ္ပဏီအနေဖြင့် လေဆိပ်တည်ဆောက်ရေး လုပ်ငန်းစဉ်များအား စတင် ဆဆာက် လုပ် သည့် သတ်မှတ်ကာလမှ သုံးနှစ်ခွဲအတွင်း အပြီးတည်ဆောက်ရန် လျာထားပြီး ၂၀၁၈ ခုနှစ် ဇန်န၀ါရီလတွင် စတင်အသုံးပြုနိုင် ရန် စီစဉ်ထားကြောင်း သိရသည်။

ဟံသာဝတီ အပြည်ပြည်ဆိုင်ရာ လေဆိပ်သစ် တည်ဆောက်မည့် မြေနေရာသည် ရန်ကုန်မြို့မှ မိုင် ၅၀ ကွာဝေးပြီး ပဲခူးမြို့၏ အနောက်ဘက် နှစ်မိုင်အကွာတွင် တည်ရှိသည်။ ယင်းမြေနေရာသည် ဒုတိယ ကမ္ဘာ စစ်အတွင်းက ဂျပန်စစ်လေယာဉ်များ ပျံသန်းဆင်းသက် အသုံးပြုရန် တည်ဆောက်ခဲ့သည့် လေယာဉ်ကွင်း ဟောင်း နေရာတစ်ခု ဖြစ်သည်။

Eleven Media Group