ရန်ကုန်မြို့၏ ဆောက်လုပ်ရေး လုပ်ငန်းများ တိုး တက်လာမှုနှင့် အတူ အခြေခံ ဆောက်လုပ်ရေး လုပ်သားများ၏ လုပ်အားခများ ယခင်နှစ်များထက် နှစ်ဆနီးပါး တိုးပေးနေသော်လည်း လုပ်သား လိုအပ်ချက်များ ရှိနေသေးသည်ဟု ကန်ထရိုက် လုပ်ငန်းရှင်များက ပြောဆိုသည်။ အလုပ်သမား လိုအပ်ချက်များကြောင့် ယခင် အလုပ်လာတောင်း သူများအား ပြန်လွှတ်နေရသော အခြေအနေမှ ယခု အခါ အလုပ်သမားများ အလုပ်ပျက်ကွက်မှုများနှင့် မိမိဆိုက်တွင် အလုပ်ဆင်းသူများ တခြားနေရာသို့ ပြောင်းသွားမည်ကို စိုးရိမ်နေရခြင်းကြောင့် လုပ်အားခများ တိုးမြင့်ပေးနေရသည် ဟုသိရသည်။
မြောက် ဥက္ကလာပ မြို့နယ်နေ ဆောက်လုပ်ရေးလုပ်သား ကိုအောင်အောင်က “အရင်က တစ်ရက်ကို ၂၅၀၀ -၃၀၀၀ ကျပ်လောက်ပဲရတာ အခုတော့ ၅၀၀၀ လောက် တိုးပေးတယ် သင်္ကြန်ရက်တုန်းဆို တစ်ရက် ၁၀၀၀၀ လောက်အထိ ရတယ်” ဟု ပြောသည်။ ရန်ကုန်မြို့အတွင်း လူဦးရေ ထူထပ်များပြားလာခြင်း ကြောင့် မြို့ကွက်ချဲ့ခြင်း၊ အိမ်ယာစီမံကိန်းများ တည်ဆောက်ခြင်း၊ လမ်းတံတားများ ပြုပြင်ခြင်းနှင့် ရန်ကုန်ြ မို့ အဆင့်မြင့်တင်ခြင်း လုပ်ငန်းများကြောင့် ဆောက်လုပ်ရေးလုပ်သား လိုအပ်ချက်များ မြင့်မား လာခြင်း ဖြစ်ကြောင်း သိရသည်။
အခုလပိုင်းက ဆောက်လုပ်ရေး ရာသီလို့ ပြောလို့ရတယ် ရာသီဥတု သာယာတော့ လုပ်ငန်းလည်း တွင်ကျယ်တယ်၊ ဆောက်လုပ်ရေး လုပ်ငန်းဆိုတာ အချိန်မီ အပ်နိုင်ဖို့ လိုတယ်လေ၊ မဟုတ်ရင် ကိုယ့်ကို ယုံကြည်မှု မရှိတော့ဘူးဆိုရင် ဒီဆောက်လုပ်ရေး လုပ်ငန်းမှာ ဆက်လုပ်ဖို့ မလွယ်တော့ဘူးဟု မရမ်းကုန်း မြို့နယ်မှ ကန်ထရိုက် လုပ်ငန်းရှင် ကိုဇော်ဇော်အောင်က ပြောသည်။
မြန်မာနိုင်ငံအတွင်း စီးပွားရေး ပွင့်လင်းမြင်သာမှုများကြောင့် ပြည်တွင်း၊ ပြည်ပ ရင်းနှီးမြှပ်နှံမှု လုပ်ငန်းများ အလုံးအရင်းနှင့် ဝင်ရောက် လာမှုနှင့်အတူ လိုအပ်လာမည့် ဆိပ်ကမ်းများ လမ်းတံတားများနှင့် ပူးပေါင်း အကောင်အထည်ဖော်မည့် အိမ်ရာစီမံကိန်းနှင့် ဟိုတယ် တည်ဆောက်ခြင်းများ ရှိနေသည့်အတွက် လာမည့်နှစ်များ အတွင်း အခြေခံ ဆောက်လုပ်ရေး လိုအပ်ချက်မှာ သိသာစွာ မြင့်တက်လာမည် ဖြစ်ကြောင်း ဆောက်လုပ်ရေး လုပ်ငန်းများမှ ပြောကြားသည်။
ဆောက်လုပ်ရေး လုပ်ငန်းများတွင် လုပ်သားအင်အား ရှားပါးနေရခြင်း အဓိက အကြောင်း အရင်းမှာ နိုင်ငံတွင်း ဆောက်လုပ်ရေး လုပ်ငန်းဖွံ့ဖြိုးမှုနှင့် လုပ်သားအင်အား တိုးတက်မှု မညီမျှခြင်းဖြစ်ပြီး အခြားအကြောင်းအရင်း တစ်ရပ်မှာ ရာသီဥတု အလွန်အမင်း ပူပြင်းလာသည့်အတွက် အသက် အန္တရာယ် နှင့် ကျန်းမာရေး အခြေအနေ ဆိုးရွားလာမည်ကို စိုးရိမ်ကြသဖြင့် အလွန်ပင်ပန်းသော ဆောက်လုပ်ရေး လုပ်ငန်းများတွင် ဝင်ရောက် လုပ်ကိုင်လိုသည့် ဆန္ဒနည်းပါးလာခြင်း ဖြစ်ကြောင်း သိရသည်။
Yatanarpon
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။