ရန်ကုန် ၊ ၃၀-၃-၂၀၁၃
ပွင့်လင်းမြင်သာပြီ ဖြစ်သော မီဒီယာ လွတ်လပ်ခွင့် များအရ ပုဂ္ဂလိက နေ့စဉ်ထုတ် သတင်းစာ များကို နိုင်ငံတော်မှ ထုတ်ဝေခွင့် ပေးခဲ့ရာ ပထမဦးဆုံး အနေဖြင့် " ပြည်ထောင်စုနေ့စဉ်သတင်းစာ " The UNION Daily Newspaper စာနယ်ဇင်း မိတ်ဆက်ပွဲ ကို ယမန်နေ့ ညနေ ၆ နာရီတွင် ရန်ကုန်မြို့ ၊ ဗဟန်း မြို့နယ် ရှိ မြရိပ်ညို ရွိင်ရယ် ဟိုတယ် မြက်ခင်းပြင်၌ ကျင်းပရာ ၀ါရင့် သတင်းစာ ဆရာများ ၊ နေ့စဉ်ထုတ် သတင်းစာ တိုက်များမှ အယ်ဒီတာ ချုပ်များ ၊ စာနယ်ဇင်း အသီးသီးမှ ပုဂ္ဂိုလ်များ ၊ သတင်းဂျာနယ် အသီးသီးမှ တာဝန်ရှိ သူများနှင့် ဖိတ်ကြား ထားသူများ တက်ရောက် ကြကြောင်း သိရသည်။
မိတ်ဆက်ပွဲတွင် " ပြည်ထောင်စုနေ့စဉ်သတင်းစာ " ထုတ်ဝေသူ ဦးတင့်ဇော် နှင့် အယ်ဒီတာချုပ် ဦးဝင်းတင် တို့က သတင်းစာ ထုတ်လုပ်ရခြင်း နှင့် ပတ်သက်၍ ပြောကြားသည်။ ယင်းနောက် ပြန်ကြားရေး ၀န်ကြီးဌာန ဒုတိယ ၀န်ကြီး(ငြိမ်း) ဦးအောင်သိန်း နှင့် စာနယ်ဇင်း မှ သတင်းစာ ဆရာများက ဂုဏ်ပြု စကားများ ပြောကြားသည်။ အဆိုပါ သတင်းစာ သည် လူတစ်စု အတွက်မဟုတ် ပြည်သူလူထု အတွက် ထုတ်လုပ် သွားမည် ဖြစ်ကြောင်း ၊ ပါတီစွဲ ၊ ပုဂ္ဂိုလ်စွဲ မထားဘဲ ကဏ္ဍအားလုံး ပါဝင်မှုကို အလေးထားမည် ဖြစ်ပြီး စာနယ်ဇင်း မီဒီယာသမားများ၏ တိုးတက်မှု ဘ၀ အခွင့်အလမ်း များကိုလည်း ဖော်ဆောင် သွားမည် ဖြစ်ကြောင်း တာဝန်ရှိသူ တစ်ဦးက ပြောကြားသည်။
အဆိုပါ " ပြည်ထောင်စုနေ့စဉ်သတင်းစာ " သည် ၁၂ မျက်နှာ ရောင်စုံ သတင်းစာ ဖြစ်ပြီး နိုင်ငံတကာ စံချိန်မီ စာမျက်နှာ ဆိုဒ်ကြီး အမျိုးအစား ဖြစ်သည်။ လာမည့် ဧပြီလ ၁ ရက်နေ့မှ စတင် ထုတ်ဝေ ဖြန့်ချိ သွားမည် ဖြစ်ပြီး ဧပြီလ ၁၀ ရက်နေ့ အထိ အခမဲ့ ထုတ်ဝေ သွားမည် ဖြစ်သည်။ တိုက်ဖြန့်ဈေးမှာ တစ်စောင်လျှင် ကျပ် ၁၀၀ နှုန်း ဖြစ်သည်။ အသေးစိတ် သိလိုပါက " ပြည်ထောင်စုနေ့စဉ်သတင်းစာ " ၊ ရန်ကုန်တိုင်း ဒေသကြီး ၊ တောင်ဥက္ကလာပ မြို့နယ် ၊ ၁၄-၁ ရပ်ကွက် ၊ သခင် ဖိုးလှကြီးလမ်း နှင့် မေတ္တာလမ်း ထောင့်တွင် တည်ရှိပြီး ဖုန်း - ၀၁- ၈၅၀၀ ၇၅၀ နှင့် ၀၁- ၈၅၀၀ ၇၅၁ တို့သို့ ဆက်သွယ် စုံစမ်း နိုင်ကြောင်း သိရှိရသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။