ကချင်ပြည်နယ်၊ ချင်းပြည်နယ်နဲ့ ရှမ်းပြည်နယ်မှာ ဖွံ့ဖြိုးရေးအတွက် ဂျပန်အစိုးရက အမေရိကန် ဒေါ်လာ ၇ သန်း ၄ သိန်းထောက်ပံ့ကူညီလိုက်တယ်လို့ သိရပါတယ်။
ဒီအတွက် ကချင်ပြည်နယ်က မြို့နယ် ၄ ခု၊ ချင်းနဲ့ ရှမ်းပြည်နယ်က မြို့နယ် ၃ ခုဆီမှာရှိတဲ့ မိသားစု ၅ သောင်းလောက်အတွက် ဖွံ့ဖြိုးရေး အစီအစဉ်တွေဆောင်ရွက်ဖို့ ဖြစ်ပါတယ်။
သူတို့အတွက် အခြေခံအဆောက်အဦတွေဖြစ်တဲ့ လမ်းပမ်းဆက်သွယ်ရေးနဲ့ အိုးအိမ်တည်ဆောက်ပေးတာ၊ ရေနဲ့သန့်ရှင်းရေးစနစ် တည်ဆောက်ပေးတာ၊ ပညာရေးနဲ့ ဝင်ငွေရမယ့် အလုပ်အကိုင်ဖန်တီးပေးတာ၊ သက်မွေးဝမ်းကြောင်းမှု အတတ်ပညာ သင်တန်းပေးတာတွေ ပါဝင်မယ်လို့ ဆိုပါတယ်။
ဒီထောက်ပံ့ငွေကို ဂျပန်အစိုးရက ကုလသမဂ္ဂ မြို့ရွာနှင့် အိုးအိမ်ပြန်လည်ထူထောင် ရေးအစီအစဉ် (UN-Habitat) ကနေတဆင့်ပေးအပ်လိုက်တာဖြစ်ပြီး၊ ပြီးခဲ့တဲ့ မတ်လ ၂၂ ရက်နေ့က နေပြည်တော်မှာ ဂျပန်သံအမတ်ကြီး မစ္စတာ မီကီအို နူ-မ-တ (Mikio Numata) ၊ ကုလသမဂ္ဂအရာရှိ မစ္စတာ ဆရီနီဗာဆာ ပိုပူရီ၊ မြန်မာအစိုးရဘက်က နယ်စပ်ရေးရာ ဒုတိယဝန်ကြီး ဗိုလ်ချုပ် ဇော်ဝင်းတို့ လက်မှတ်ထိုးခဲ့ကြတယ်လို့ ကုလသမဂ္ဂ မြို့ရွာနှင့် အိုးအိမ်ပြန်လည်ထူထောင်ရေးအစီအစဉ်ဌာနရဲ့ ကြေညာချက်မှာ ဖေါ်ပြထား ပါတယ်။
ဂျပန်နိုင်ငံရဲ့ အခုအကူအညီဟာ မြန်မာနိုင်ငံဖွံ့ဖြိုးရေးအတွက် အများဆုံးရတဲ့ အလှူငွေ ဖြစ်တယ်လို့ သိရ ပါတယ်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။