ပြည်တော်ပြန် သီးလေးသီးအဖွဲ့မှ လူရွှင်တော် ပန်းသီး ပထမဆုံး အကြိမ်အဖြစ် တစ်ကိုယ်တော် ဟာသဖျော်ဖြေပွဲအား နိုဝင်ဘာလ ၅ ရက်နေ့တွင် ရန်ကုန်မြို့၌ ပြုလုပ်မည်ဟု သိရသည်။
''အဓိက ကတော့ ပွဲလုပ်ဖို့ ငွေကြေး အခက်အခဲပါ။ ဒီပွဲမှာ ထောက်ပံ့ပေးမယ့် စပွန်ဆာ မရှိပါဘူး။ တစ်ပိုင်တစ်နိုင်နဲ့ လုပ်ချင်လွန်းလို့ လုပ်ကြတာ ပါ။ နောက်ပြီး ပွဲခွင့်ပြုမိန့်ကလည်း ဒီပွဲပြုလုပ်မယ့်ရက်နဲ့ ကပ်ပြီးမှ ကျတော့ ပြင်ဆင်ချိန်မှာနည်းနည်းအခက်အခဲတွေ ရှိပါတယ်'' ဟု ကိုပန်းသီးက ပြောသည်။
လူရွှင်တော်ပန်းသီးမှ ဟာသပျက်လုံးများအား တစ်နာရီနီးပါးခန့် တစ်ကိုယ်တော် တင်ဆက်မည်ဖြစ်သည်။ ထို့အပြင် ပန်းသီးက အငြိမ့်ခန်း၌လည်း ဇာတ်မင်းသမီးအဖြစ်နှင့် နှစ်ပါးခွင်၌လည်း ဇာတ် မင်းသားအဖြစ် အခြားလူရွှင်တော်များနှင့်ပါတင်ဆက်သွားမည်ဟုလည်း သိရသည်။
သီးလေးသီးအဖွဲ့မှ လူရွှင်တော် ကြယ်သီးမှလည်း ရာမဇာတ်တော် အား ခေတ်နှင့်လျော်ညီမည့် တီးဝိုင်းများ၊ အကများဖြင့်ပါ တင်ဆက်ကပြ သွား မည်ဟု သိရသည်။
''ခေတ်နဲ့ညီအောင် ဆိုတဲ့နေရာမှာ ရှေ့က ကခဲ့တဲ့ ရာမဇာတ်တွေ ကို စော်ကားမှာ မဟုတ်ပါဘူး။ စိတ်ကူးထဲက ရာမကို ကမှာဆို ပိုမှန်ပါလိမ့်မယ်။ ကိုယ်တိုင်က ဒဿနေရာကနေ ကမှာပါ။ ဒီပွဲအတွက် ဇာတ်တိုက်ချိန် သုံးရက်ပဲ ရပါတယ်။ အဲ့ဒီအတွက်လိုအပ်ချက်တွေတော့ ရှိမှာပါ'' ဟု ကိုကြယ် သီးမှ ၄င်းကပြမည့် ရာမဇာတ်နှင့် ပတ်သက်၍ ဖြေကြားခဲ့သည်။
အဆိုပါပွဲအတွင်း သီးနှစ်သီးသာ ပါဝင်ကပြမည် ဖြစ်ခြင်းကြောင့် ၄င်းတို့၏ သီးလေးသီး ဆေးရောင်စုံအဖွဲ့ စုစည်းမှု မရှိတော့ပြီဟု မထင်မြင်စေ လိုကြောင်း၊ ကျန်ရှိနေသည့် စိန်သီး၊ ဇီးသီးနှင့် ကိုဂေါ်ဇီလာတို့အနေဖြင့် တမူးမြို့၌ကပြဖျော်ဖြေနေ၍သာဖြစ်ကြောင်း ကိုကြယ်သမီးမှ အဖွဲ့နှင့် ပတ် သက်၍ ရှင်းပြခဲ့သည်။
''ပွဲက ဒီဘက်မှာ တိုက်ဖို့ ရက်သိပ်နည်းနေတာရယ် နောက်ပြီး ဟိုဘက် မှာလည်း ကနေရတာရယ်ကြောင့်ပါ။ ပြီးတော့ တစ်ကိုယ်တော် ဟာသ ဖျော်ဖြေပုံမျိုးလေး လုပ်ကြည့်ချင်တာလည်း ပါပါတယ်။ ဒါပေမဲ့ သီးလေးသီး ညီအစ်ကို အားလုံး အဖွင့်မှာသီချင်းတွေ ဆိုကြမှာပါ'' ဟု တစ်ကိုယ် တော် ဟာသ တင်ဆက်မည့် ကိုပန်းသီးက ပေါ်ပြူလာနယူးစ် သို့ ပြောကြားသည်။
၎င်းဖျော်ဖြေပွဲအတွက် လက်မှတ်များကိုမူ ယနေ့ နိုဝင်ဘာ ၁ ရက်နေ့မှ စ၍ ရောင်းချမည် ဖြစ်ပြီး အမျိုးသားကဇာတ်ရုံ၊ ဗိုလ်အောင်ကျော်လမ်းရှိ Homeမီဒီယာနှင့် ဖုန်း-ဝ၉-၄၃၁၇၇၂၇၊ ဝ၉-၇၂ဝ၆ဝ၅၉၃ တို့ထံ ဆက်သွယ် ဝယ်ယူနိုင်မည်ဖြစ်ကြောင်း သိရသည်။
ဒီနေရာကပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။