နိုင်ငံတော် အစိုးရသစ် လက်ထက်တွင် ရန်ကုန်မြို့တော် စည်ပင်သာယာရေး နယ်နိမိတ်အတွင်း တန်ဖိုးနည်း အိမ်ရာများကို ဝင်ငွေနည်းသော ဝန်ထမ်းများနှင့် လက်လုပ်လက်စား ပြည်သူများ ဝယ်ယူနေထိုင်နိုင်ရန်နှင့် အဆိုပါ စီမံကိန်းကို စီးပွားရေးလုပ်ငန်းရှင်များ၊ ဘဏ်များကလည်း ပူးပေါင်းဆောင်ရွက်သွားနိုင်ရန် တို့အတွက် ယခုလို တွေ့ဆုံရခြင်း ဖြစ်ကြောင်းဖြင့် နိုဝင်ဘာလ ၁၄ ရက် နံနက် ၈ နာရီက ရန်ကုန်မြို့တော် စည်ပင်သာယာရေး ကော်မတီ မြို့တော်ခန်းမရှိ အစည်းအဝေးခန်းမ၌ ကျင်းပသည့် ရန်ကုန်စည်ပင်သာယာရေး နယ်နိမိတ်အတွင်း သင့်တင့်လျောက်ပတ်သော တန်ဖိုးနည်းအိမ်ရာ စီမံကိန်းများ ဆောက်လုပ်ရေးဆိုင်ရာ ရှင်းလင်းပွဲတွင် တာဝန်ရှိသူတစ်ဦးက ပြောကြားသည်။
ရန်ကုန်မြို့တော် စည်ပင်သာယာရေး ကော်မတီ အနေဖြင့် စီမံကိန်းဖြစ်မြောက် အောင်မြင်ရေးအတွက် ဆောင်ရွက်ရာတွင် စီမံကိန်း ပြီးစီးသည်အထိ ရန်ကုန်တိုင်းဒေသကြီး အစိုးရအဖွဲ့က စီမံခန့်ခွဲသွားမှာဖြစ်ကြောင်း၊ စီမံကိန်းအတွက် လိုအပ်သော ဘဏ္ဍာငွေများကို ရန်ကုန်မြို့တော် စည်ပင်ဘဏ်နှင့် အခြားဘဏ်များ ပူးပေါင်းဆက်စပ် ဆောင်ရွက်သွားမည် ဖြစ်ကြောင်းဖြင့် ဆက်လက်ပြောကြားသည်။
စီမံကိန်းလုပ်ငန်းများ အကောင်အထည်ဖော်ရာတွင် ဆောက်လုပ်ရေး လုပ်ငန်းရှင်များ၊ ဒီဇိုင်းပညာရှင်၊ အသိပညာရှင်များ အနေဖြင့် ခေတ်စနစ် ပြောင်းလဲမှုနှင့်အတူ အဆောက်အအုံများတွင် လေဝင်လေထွက်ရှိအောင်၊ အလင်းရောင်ရရှိအောင်၊ နေထိုင်သူများ၏ အပန်းဖြေ နေရာများ ပါဝင်အောင် တည်ဆောက်သွားရန်လိုကြောင်း။ ယနေ့ ရန်ကုန်မြို့တွင် နှစ်စဉ် လူဦးရေပျမ်းမျှတိုးနှုန်း ၂ ဒသမ ၅ ရာခိုင်နှုန်းအရ လူနေတိုက်ခန်း နှစ်စဉ် သုံးသောင်းခန့် လိုအပ်မည်ဖြစ်ကြောင်း၊ ရန်ကုန်မြို့၌ လူနေထိုင်မှုသည် လွတ်လပ်ရေး ရရှိပြီးနောက်ပိုင်း သိသိသာသာ တိုးတက်မြင့်မားမှုနှုန်း မြန်ဆန်လာသဖြင့် ၁၉၅၈ ခုနှစ်တွင် သာကေတ၊ တောင်ဥက္ကလာ၊ မြောက်ဥက္ကလာမြို့သစ်များကို တိုးချဲ့တည်ဆောက် ပေးခဲ့ကြောင်း၊ ၁၉၇၄ ခုနှစ်တွင် မြို့ပြဧရိယာကို အင်းစိန်မြို့နယ်အထိ စည်ပင်သာယာ နယ်နိမိတ်အဖြစ် တိုးချဲ့သတ်မှတ်ခဲ့ကြောင်း၊ ၁၉၉ဝ ခုနှစ်နောက်ပိုင်းတွင် လှိုင်သာယာ၊ ရွှေပြည်သာ၊ ဒဂုံ (မြောက်ပိုင်း)၊ ဒဂုံ(တောင်ပိုင်း) မြို့နယ်များကို ထပ်မံတိုးချဲ့ပေးခဲ့ရာ ရန်ကုန်မြို့တော် စည်ပင်သာယာ နယ်နိမိတ်သည် ၃ဝ၆ စတုရန်းမိုင် ရှိလာပြီး လူဦးရေသည်လည်း ၅ ဒသမ ၂ သန်း ရှိလာပြီဖြစ်ကြောင်း၊ မြို့ပြ ဗဟိုနေရာများတွင် လူနေကျပ်တည်းလာမှုကြောင့် အိမ်ရာစီမံကိန်းများကို တိုးချဲ့တည်ဆောက်ရခြင်းဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ အကြံပေးပုဂ္ဂိုလ် ဒေါက်တာကျော်လတ်က ပြောသည်။ အဆိုပါ တန်ဖိုးနည်း အိမ်ရာစီမံကိန်းများကို ဒဂုံ(မြောက်ပိုင်း) မြို့နယ်တွင် ဗိုလ်ဗထူးအိမ်ရာစီမံကိန်း၊ ဗိုလ်မင်းရောင် အိမ်ရာစီမံကိန်း၊ ပင်လုံအိမ်ရာစီမံကိန်း၊ ဒဂုံ(တောင်ပိုင်း) မြို့နယ်တွင် ဧရာဝဏ် အိမ်ရာစီမံကိန်းနှင့် ဒဂုံ(အရှေ့ပိုင်း) မြို့နယ်တွင် ယူနီဗာစတီ အိမ်ရာစီမံကိန်းများကို အိမ်ခန်းပေါင်း ၉ဝဝဝ ကျော်ဖြင့် တိုးချဲ့ဆောက်လုပ်ပေးသွားမည် ဖြစ်ကြောင်း ၂၀၁၂ ခုနှစ် နိုဝင်ဘာ ၁၅ ရက်နေ့ထုတ် မြန်မာ့အလင်း သတင်းစာတွင် ဖော်ပြထားပါသည်။
ဒီကပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။