ဧရာဝတီတိုင်း ဒေသကြီး၊ သာပေါင်းမြို့နယ်၊ ကျွန်းကုန်း ကျေးရွာအုပ်စု အတွင်းရှိ ကျေးရွာများသို့ ပြီးခဲ့သော သီတင်း (၂) ပတ်ခန့်က စတင်၍ တောဆင်ရိုင်း ၀င်ရောက် ဖျက်ဆီး မှုကြောင့် အမျိုးသမီးတစ်ဦး သေဆုံးခဲ့ရပြီး၊ နေအိမ် (၁၅) လုံးနှင့် စပါးကျည်များ ပျက်စီးခဲ့ရကြောင်း ဒေသခံများ က ပြောသည်။
မေလ (၂၉) ရက်နေ့တွင် ကျွန်းကုန်း ကျေးရွာအုပ်စု၊ ကျောက်အိုင်ကြီး ကျေးရွာ၌ နေအိမ် (၂) လုံးကို ဖျက်ဆီးကာ အိမ်ပေါ်တွင် ရှိနေသူ အသက် (၅၀) ရှိ ဒေါ်နော်လားဝါးကို ဆွဲချပြီး နင်းသတ်ခဲ့ကြောင်း၊ ထိုနေ့မှ စတင်၍ နေ့စဉ် ကျေးရွာ အတွင်း ၀င်ရောက် ဖျက်ဆီးနေကြောင်း ကျောက်အို ကျေးရွာမှ ဦးဝင်းစိုး က The Messenger သတင်းစာသို့ ပြောသည်။ နှစ်ပတ် အတွင်း ဆင် အန္တရာယ်ကြောင့် ငကြွက်ကုန်း ကျေးရွာအနီး ထိန်တောကုန်းတွင် ဦးသန်းစိုး၏ နေအိမ်တစ်လုံး၊ ငကြွက်ကုန်း အရှေ့ ဘက်စမ်းကြီးကွင်းတွင် နေအိမ် တစ်လုံး၊ ငကြွက်ကုန်းရွာ အပြင်ဘက် ဥယျာဉ်ထဲတွင် ဒေါ်နော်တို့တိုဖူး၏ နေအိမ် တစ်လုံး တံခွန်တိုင် ရွာတွင် နေအိမ် နှစ်လုံး၊ နှမ်းလုံး ကြိုင်ရွာတွင် ဦးမောင်ကြီး နေအိမ် အပါအ၀င် ငါးလုံး၊ ဆင်လူးကုန်းတွင် ဦးဖိုးကဲ၏ နေအိမ် တစ်လုံး စုစုပေါင်း နေအိမ်(၁၅) လုံး ပျက်စီး ဆုံးရှုံးခဲ့ရသည်။
ဆင်တွေက နေ့စဉ်ရက်ဆက် ၀င်နေတယ်။ တစ်ခါတလေ နှစ်ရက်လောက် ခြားတယ်။ စိုက်ထားတဲ့ အပင်တွေကို စားတယ်။ ဖျက်တယ်။ အိမ်ကို ဖျက်ပြီး ဆန်အိုးထဲ က ဆန်ကိုရှာ စားတယ်။ စပါးကျည်ကို ဖောက်ပြီး စပါးကို စားတယ်။ ပြီးတော့ လူကို ရန်ရှာတော့ တာပဲ ဒေသခံ ဒေါ်နော်တို့ တိုဖူး ကပြောသည်။
တောသူတောင်သားဆိုတာ တောတောင်ကို အမှီပြုပြီး၊ သစ်ခုတ်ထင်းခုတ် တောင်ယာဥယျာဉ် အလုပ်နဲ့ အသက်မွေးကြ ရတာ၊ ခုတော့တော တောင်ထဲ သာမက ဥယျာဉ်ထဲတောင် မသွားရဲဘူး ဖြစ်နေတယ်။ တောဆင်ရိုင်းရန် ကြောက်တာကြောင့် အလုပ်ပျက် အကိုင်ပျက် နဲ့ ကြာရင် ဒီဒေသမှာ စားဝတ်နေရေး အခက်ကြုံ နိုင်တယ် ဟု ကြွက်ကုန်း ကျေးရွာမှ ဒေသခံ ဦးစိုးသန်း က ပြောသည်။
သာပေါင်း သစ်တောကြိုးဝိုင်း အတွင်း တောဆင်ရိုင်းအကောင် (၁၀၀) ကျော်ခန့် ရှိနေပြီး၊ သစ်တောများ ပြုန်းတီး လာခြင်း လူများက နေထိုင်မှု နေရာချဲ့ထွင်လာခြင်း နှင့် စိုက်ခင်းများ ခြံကာခြင်း တို့ကြောင့် တောတောင်များ အတွင်း ၄င်းတို့ လွတ်လပ်စွာ ရှာဖွေ စားသောက်နိုင်မည့် စားကျက်များ ကွယ်ပျောက်လာကာ လူတို့ စိုက်ပျိုးထားသော စပါးနှင့် သီးနှံတို့ကို ၀င်ရောက် ရှာဖွေ စားသောက်ကြခြင်း ဖြစ်သည်။ ယင်းကြောင့် အသက် အန္တရာယ် ဆုံးရှုံးမှုများနှင့် အိုးအိမ်များ ပျက်စီးခဲ့ကြရာ ဆင်များအတွက် ဘေးမဲ့တော ကြိုးဝိုင်းထားရှိ ဆောင်ရွက်ပေး သင့်ကြောင်း ပုသိမ်ခရိုင် သစ်တော ဦးစီးဌာန မှ တာဝန်ရှိသူ တစ်ဦးက ပြောသည်။
မျိုးမင်းပိုင်
Messenger News Journal
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။