ဦးဆန်းဆင့် (သို့မဟုတ်) ထရိုဂျင်မြင်း

ဦးဆန်းဆင့်အကြောင်း ကြားရတာ စိတ်မကောင်းပါဘူး။ သို့သော်လည်း တစ်ချိန်ချိန်မှာတော့ သူ ဒီလို ဖြစ်လိမ့်မယ် ဆိုတာ ကျွန်တော် တွက်ထားပြီးသားပါ။ မကောင်းတာလုပ်ရင် မကောင်းတာဖြစ်မယ် ဆိုတဲ့ တရား သဘောကို သိထားလို့ ဖြစ်ပါတယ်။ သူ ပြုကျင့်ခဲ့တဲ့ အကုသိုလ်ကံဟာ နောင်ဘ၀ အထိ မစောင့်နိုင်တော့ပါဘူး။ အကုသိုလ်ကံ အကျိုးပေးချိန်ရောက်လာတော့ “ကာလ၀ိဘတ် နောက်ပိုးတက်”ဆိုသလို အခုဘ၀မှာတင် အခုလို ခံရတာပါပဲ။ ဒါကြောင့် သူ့ကို သူ့မိန်းမနဲ့ ကလေးတွေကလွဲလို့ ဘယ်သူမှ မသနားကြပါဘူး။ ဘာကြောင့်လဲ ဆိုတော့ သူ့အကြောင်းကို တော်တော်များများက သိထားကြလို့ ဖြစ်ပါတယ်။

လူတွေက သိန်းတစ်ရာထဲနဲ့ ဦးဆန်းဆင့်ကို အရေးတယ် ဆိုတဲ့ အလဲဗင်းမီဒီယာက ဖော်ပြချက်ကို နားယောင်ပြီး အမျိုးမျိုး ပြောနေကြပါတယ်။ တစ်ကယ်တမ်း စဉ်းစားကြရမှာက ဦးဆန်းဆင့် ဘာကြောင့် ဒီလောက်အထိ ပြင်းပြင်းထန်ထန် အရေးယူခြင်း ခံခဲ့ရသလဲ ဆိုတာပဲ ဖြစ်ပါတယ်။ သဘောကောင်းတယ် ဆိုတဲ့ သမ္မတ ဦးသိန်းစိန်က ဦးဆန်းဆင့်ကို ဘာဖြစ်လို့ ဒီလို လုပ်ခဲ့တာလဲ ဆိုတာ စိတ်ဝင်စားဖို့ ကောင်းပါတယ်။

ဦးဆန်းဆင့်ဟာ ဧရာဝတီ တိုင်းဒေသကြီး ရေကြည်မြို့နယ်သား ဖြစ်ပါတယ်။ စစ်တက္ကသိုလ် အပတ်စဉ်(၁၅)က ကျောင်းဆင်းတဲ့ တပ်မတော်အရာရှိတစ်ဦးပါ။ တပ်မတော်ထဲမှာ ထူးထူးခြားခြား ပြောင်ပြောင်မြောက်မြောက် ချီးမွမ်းလောက်အောင်တော့ ဘာတစ်ခုမှ မရှိခဲ့ပါဘူး။ လက်အောက်စစ်သည်တွေအကြားမှာ အရာရှိဆိုးစာရင်း ၀င်ခဲ့တာတော့ ရှိခဲ့ပါတယ်။ တော်လှန်ရေးပန်းခြံမှာ ရဲဘော်တစ်ယောက် အပေါ့သွားတာ ကြာလို့ ဆိုပြီး စစ်ဘိနပ်နဲ့ ပိတ်ကန်ခဲ့ဘူးပါတယ်။ ဒီလိုမျိုး ရဲဘော်တွေအပေါ် နိုင်ထက်စီးနင်း လုပ်ခဲ့တာတွေ အများကြီးပါ။ ရွှေတိဂုံဘုရားပေါ်မှာ သံဃာတော်တွေကို လူအများရှေ့မှာ ပက်ပက်စက်စက် ဆဲဆိုခဲ့ပါတယ်။ လူပုသလောက် ပါးရိုက်နားရိုက် လုပ်ခဲ့လို့ လက်အောက် စစ်သည်တွေက ရွံ့မုန်း မုန်းတီးခဲ့ရသူပါ။ တာမွေ ၁၆၇ လမ်းထဲက Oxygn Car Services &ရေသန့်လုပ်ငန်းဆိုတာ သူ့သား ဥက္ကာဆန်းဆင်း ပိုင်တာပါ။ ရာထူး အာဏာကို အသုံးချပြီး ကျောက်စိမ်းလုပ်ကွက်၊ ရွှေလုပ်ကွက်၊ သစ်လုပ်ကွက်၊ မြေကွက်၊ သစ်၊ အင်း၊ တိုက်ခန်း ရသမျှအကုန်ယူပြီး ရောင်းစားခဲ့တာတွေ မနည်းပါဘူး။ သူ့ဇနီးဆိုရင်လည်း တစ်ပွဲ တစ်ပွဲ သိန်းရာနဲ့ချီပြီး ဖဲရိုက်တဲ့ ဖဲဂျိုးကြီးလို့ ပြောကြပါတယ်။ စားလို့ရတာ အကုန်စား၊ ၀ါးလို့ရတာ အကုန်ဝါး လမ်းစဉ်နဲ့ ချီတက်လာခဲ့တာ နောက်ဆုံး နိုင်ငံတော်ပိုင်ဘဏ္ဍာငွေတွေကို မင်းဘဏ္ဍာကိုယ့်ဟာမှတ်ပါလို့ ဆိုပြီး ပုဂ္ဂိုလ်ရေးအတွက် အသုံးချခဲ့သူပါ။

ဒါပေမယ့် ဗိုလ်ချုပ်မှူးကြီး သန်းရွှေ တိုင်းမှူးဘ၀က အတူတူနေခဲ့ဘူးတဲ့အတွက် မြှောက်စားခဲ့လို့ ရန်ကုန်တိုင်း ဒုတိုင်းမှူး၊ စစ်ရုံးမှာ စစ်ရာထူးခန့်ချုပ်တို့ ဖြစ်ခဲ့တာပါ။ အမှန်တော့ ဒီရာထူးတွေဟာ တပ်မတော်မှာ တပ်မမှူးတို့၊ တိုင်းမှူးတို့ ဖြစ်ခဲ့မှသာ ပေးလေ့ရှိပါတယ်။ ဦးဆန်းဆင့်ဟာ တပ်မမှူး၊ တိုင်းမှူး မလုပ်ခဲ့ဘဲ လူကြီးနဲ့ နီးစပ်မှုနဲ့ စိုင်ကော်လို့ ခြုံပေါ်ရောက်ခဲ့သူပါ။ တပ်မတော်ထဲမှာ တာဝန်ထမ်းဆောင်စဉ် သူနဲ့ မတည့်တဲ့ သူတွေ များပါတယ်။ စစ်ရာထူးခန့်ချုပ်တာဝန် ထမ်းဆောင်စဉ်ကလည်း အရာရှိတွေ၊ ပရိုမိုးရှင်းကိစ္စ၊ နေရာအပြောင်းအရွှေ့ ကိစ္စတွေနဲ့ ပတ်သက်ပြီး နာမည်ပျက်တွေ အများကြီး ရှိခဲ့ပါတယ်။ သူ့ကြောင့် ဘ၀တက်လမ်း မထိခိုက်သင့်ဘဲ ထိခိုက်ခဲ့ရသူ အရာရှိတွေ အများကြီး ရှိခဲ့သလို တပ်မမှူး၊ တိုင်းမှူး မလုပ်ခဲ့ဘူးဘဲ စစ်ရာထူးခန့်ချုပ်ရာထူးနဲ့ ခြေလျင်တပ်တွေ ၀င်စစ်ပြီး ထင်ရာမြင်ရာ အရေးယူခဲ့ပါတယ်။ ဗိုလ်ချုပ်မှူးကြီးရဲ့ ကိုယ်ရံတော် လုံခြုံရေးတပ်ကို ၀င်စစ်ပြီး တပ်ရင်းမှူးကို အရေးယူဖို့ လုပ်လာတဲ့အတွက် နောက်ပိုင်းမှာ စစ်ရာထူးခန့်ချုပ်ကို တပ်တွေ စစ်ဆေးခွင့် မပေးတော့ပါဘူး။ အငြိုးအာဃာတ ကြီးမားလွန်းပြီး စိတ်မထင်ရင် မထင်သလို အရပ်ဘက် ပြောင်းရွှေ့တာဝန်ထမ်းဆောင်ခဲ့ သူတွေကိုတောင် အလွတ်မပေးဘဲ ပြင်းပြင်းထန်ထန် အရေးယူခဲ့သူပါ။ ပြစ်မှုချင်း တူနေရင်တော့ ပြစ်ဒဏ်ချင်းမတူဘဲ နစ်နာခဲ့ရတဲ့ အရာရှိတွေ အများကြီး ရှိခဲ့ပါတယ်။ ဒါပေမယ့်လည်း လူကြီး သားသမီးတွေ၊ လာဘ်ပေးသူတွေကိုတော့ ပြစ်မှုကို ဖုံးကွယ်ပေးရုံသာမက လိမ်လည်ပေးခဲ့တဲ့ မှတ်တမ်းတွေ ရှိခဲ့ပါတယ်။

၂၀၁၀ ရွေးကောက်ပွဲ လုပ်တော့ တပ်မတော်က အရာရှိကြီး တော်တော်များများဟာ တပ်ကထွက်ပြီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ အမည်ခံပြီး နေရာတချို့မှာ ၀င်ရွေးကြပါတယ်။ အဲဒီအထဲမှာ ဦးဆန်းဆင့်လည်း အပါအ၀င် ဖြစ်ပါတယ်။ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီဟာ အဲဒီတုန်းက NLD မပါလို့ ပြိုင်ဘက်ကင်းတဲ့ပါတီ ဖြစ်ပြီး ရွေးကောက်ပွဲမှာ အသာစီးနဲ့ အနိုင်ရရှိခဲ့ပါတယ်။ ဦးဆန်းဆင့်ဟာ သူရဲ့ဇာတိ ရေကြည်မြို့က တိုင်းဒေသကြီး လွှတ်တော်ကိုယ်စားလှယ်အဖြစ် အရွေးခံခဲ့ရပါတယ်။ သူကသာ ကြံ့ခိုင်ရေးပါတီ အမည်ခံခဲ့ပေမယ့် သူ့အစ်ကိုကတော့ NLD ပါတီဝင်တစ်ဦးပါ။

ဧရာဝတီတိုင်းဒေသကြီးမှာ ပါတီသန္ဓေဖြစ်တဲ့ အင်္ဂပူမြို့နယ်သား ဦးသိန်းအောင် (ယခင် သစ်တောရေးရာဝန်ကြီး) က တိုင်းဝန်ကြီးချုပ်ဖြစ်ပြီး သူက တိုင်းလွှတ်တော် ဥက္ကဌ ဖြစ်လာပါတယ်။ တပ်မတော်ထဲမှာ ဒုတိယဗိုလ်ချုပ်ကြီး အဆင့်နဲ့ လာခဲ့တာ ဖြစ်တဲ့အတွက် သူသာလျှင် ၀န်ကြီးချုပ် ဖြစ်သင့်တယ် ဆိုတဲ့ မတော်လောဘတွေနဲ့ ၀န်ကြီးချုပ်ကို ပြုတ်အောင် အမျိုးမျိုး ဒုက္ခပေးတော့တာပဲ။ ဦးသိန်းအောင် ပြုတ်လို့ လွှတ်တော်ထဲမှာ ပြန်ပြီး အရွေးခံရင် သူ ဖြစ်လာနိုင်တယ် ဆိုတဲ့ စီမံကိန်းနဲ့ မီဒီယာတွေ၊ သတင်းထောက်တွေကို ပိုက်ဆံပေးပြီး သူ့အစ်ကို ရဲ့ NLD ပါတီအကူအညီတွေနဲ့ ချခဲ့တာပါ။ စစ်တက္ကသိုလ်ရဲ့ အပတ်စဉ်အရကြည့်ရင် ဦးသိန်းအောင်က အပတ်စဉ်(၁၁)က ဆင်းတာ ဖြစ်လို့ သူနဲ့ စီနီယာအများကြီး ကျပါတယ်။ ပါတီထဲမှာလည်း သူ့ထက် အများကြီး ၀ါရင့်သူပါ။ ဒါပေမယ့် လောဘတွေ ဖုံးလွှမ်းနေတော့ စစ်တက္ကသိုလ်စီနီယာတွေ ဂရုမစိုက်နိုင်တော့ဘဲ ၀န်ကြီးချုပ်ဖြစ်ရေးသာ အဓိက ဖြစ်ခဲ့ပါတယ်။

ဝန်ကြီးချုပ် ဦးသိန်းအောင်ဟာ သူ့အလုပ်သူ မလုပ်နိုင်တော့ဘဲ သိပ်ပြီး ဒုက္ခပေးလွန်းလို့ သမ္မတ ဦးသိန်းစိန်ကို အကြိမ်ကြိမ် တိုင်တမ်းခဲ့ပါတယ်။ ပါတီကိုလည်း တိုင်ကြားရာမှာ ပါတီအတွင်းရေးမှူး ဦးဌေးဦးကိုယ်တိုင် သွားရောက်ပြီး ဆုံးမခဲ့ပါတယ်။ ဒီအချိန်မှာလည်း ဦးဆန်းဆင့်ဟာ ဦးဌေးဦး ပြောတာတွေ အသံဖမ်းထားပြီး သူ့သား ဥက္ကာဆန်းဆင့် ပိုင်ဆိုင်တဲ့ မြန်မာသံတော်ဆင့်ဂျာနယ်ကနေ ဦးဌေးဦးကို ချဲတော့တာပဲ။ ဦးဌေးဦးကလည်း မီဒီယာတွေကို ပြန်ပြီး ရှင်းပြခဲ့ရပါတယ်။ ပါတီသဘောနဲ့ ကြည့်ရင် ဦးသိန်းအောင်က တိုင်းပါတီဥက္ကဌဖြစ်ပြီးတော့ ဦးဌေးဦးက ပါတီဗဟို အထွေထွေအတွင်းရေးမှူး ဖြစ်ပါတယ်။ ဒီလိုမျိုး ပါတီကို ပြန်ပြီး ပုန်ကန်သလို ဖြစ်နေတော့ ဦးဆန်းဆင့်ကို ဆက်ပြီး မထားတော့ဘဲ သမ္မတ ဦးသိန်းစိန်က ပြည်ထောင်စုအစိုးရထဲကို ခေါ်ယူပြီး သာသနာရေးဝန်ကြီး အဖြစ် ခန့်အပ်ပေးခဲ့ပါတယ်။ တကယ်တော့ သူ့ကို သူကောင်းပြုပေးတာပါ။ မြွေမသေ ဒုတ်မကျိုး ဖြစ်အောင် စီမံဆောင်ရွက်ပေးခဲ့တာကို သူသာ ကျေးဇူးသိတတ်ရင် ဦးသိန်းစိန်ဟာ သူ့ရဲ့ ကျေးဇုးရှင်ပါ။ ဦးသိန်းစိန်သာ သူ့ကို ခေါ်ပြီး တာဝန်မပေးခဲ့ရင် ပါတီအပေါ် သစ္စာဖောက်ဖျက်မှုနဲ့ အရေးယူတာ ခံရတော့မှာပါ။

သမ္မတရုံးမှာ သူနဲ့ ခမည်းခမက်တော်တဲ့ ၀န်ကြီး ဦးစိုးမောင်ဆိုတာလည်း ရှိပါတယ်။ ဘယ်ဝန်ကြီးဌာနမှ တာဝန်မပေးဘဲ ဌာနလက်ကိုင် မရှိတဲ့ ၀န်ကြီး တစ်ဦးပါ။ ဦးဆန်းဆင့်ဟာ သာသနာရေးဝန်ကြီးလည်း ဖြစ်ရော ထင်ရာစိုင်း ထင်ရာလုပ်တဲ့ ဇာတိပြတော့တာပါပဲ။ သာသနာရေး ဆိုတာ သိပ်ပြီး များများစားစား လာဘ်လာဘ မရဘူး ဆိုပေမယ့်လည်း လူတွေ မသိတဲ့ ခွင်တွေ ရှိပါတယ်။ “သာ” ကားနံပတ်နဲ့ ၀စ်သောက်ကားတွေ ရရှိဖို့ ဥက္ကာဆန်းဆင့်ကို ငွေပေးရပါတယ်။ ရန်ကုန်မြို့က နိုက်ကလပ်တွေမှာ ရံဖန်ရံခါ သာ နံပတ်နဲ့ မော်တော်ကားတွေ တွေ့ရလေ့ ရှိပါတယ်။ ပြည်ပနိုင်ငံတွေကို ခရီးသည်ပို့ဆောင်တဲ့ ဘုရားဖူးလုပ်ငန်းမှာလည်း သိန်းရာနဲ့ချီပြီး ပေးကြရပါတယ်။ ၂၀၁၃ နှစ်ဆန်းပိုင်းမှာ တာဝန်ယူတဲ့ ဦးဆန်းဆင့် လက်ထက်မှာ သာသနာရေးနဲ့ ပတ်သက်တဲ့ ကားပါမစ်တွေ ခေတ်ထ လာခဲ့ပါတယ်။ ဂေါပက ဥပဒေလိုမျိုး မသင့်တော်တဲ့ကိစ္စတွေ ထလုပ်လာတော့ သံဃာအတော်များများက မကျေနပ်ခဲ့ကြပါဘူး။ ၀န်ကြီးဌာနအတွင်းမှာလည်း အမိန့်နဲ့ အုပ်ချုပ်ခဲ့ပြီး ထင်ရာစိုင်းခဲ့တာကြောင့် လက်အောက်က ၀န်ထမ်းတွေ မခံမရပ်နိုင်ဖြစ်ပြီး တိုင်ကြားတာတွေ အများကြီး ဖြစ်လာခဲ့ပါတယ်။ ၀န်ထမ်းတွေကို မကြိုက်ရင် အစွန်အဖျားဒေသတွေကို ချက်ချင်းရွှေ့ပစ်တာမျိုးတွေ၊ အရေးယူတာမျိုးတွေ လုပ်လာခဲ့ပါတယ်။

အဆိုးဆုံးကတော့ သူ့ကို ကယ်တင်ထားတဲ့ သမ္မတဦးသိန်းစိန်နဲ့ အစိုးရအဖွဲ့ကို ပြဿနတာရှာ ပြဿနာ လုပ်တော့တာပါပဲ။ သူ့အတွက် ကံဆိုးတာ၊ နားလည်အလွယ်ဆုံး ပြောရရင် “ငရဲကြီး” တာပါပဲ။ ကရင်ပြည်နယ် က တောင်ကလေးဆရာတော်နဲ့ ပေါင်းပြီး သမ္မတ အကြောင်း မကောင်းပြောခိုင်း ရေးခိုင်းတာ သူပါပဲ။ တောင်ကလေးဆရာတော်က ဘောလုံးကွင်း ရယူရေးကိစ္စ ပြည်နယ် ၀န်ကြီးချုပ်နဲ့ အချေအတင် ဖြစ်နေတာကို သမ္မတဦးသိန်းစိန်က လုပ်မပေးလို့ စိတ်ကွက်နေတာနဲ့ အတော်ပဲ ဖြစ်သွားပါတယ်။ ဒါဟာ သမ္မတဦးသိန်းစိန် မသိချင်ယောင်ဆောင်နေလို့ ဆိုပြီး သူ့သားပိုင်တဲ့ ဂျာနယ်ကနေ ဦးသိန်းစိန်ကို တိုက်ခိုက်တာတွေ ဖော်ပြခဲ့ပါတယ်။

မော်လမြိုင်မှာလည်း သမ္မတနဲ့ အစိုးရအဖွဲ့ ကြိုက်ကြိုက် မကြိုက်ကြိုက် သူ့သဘောအတိုင်း လုပ်မယ် ဆိုပြီး ထုတ်ပြောခဲ့ပါတယ်။ ၀န်ကြီးတစ်ဦးအနေနဲ့ သမ္မတနဲ့ အစိုးရအဖွဲ့ကို တာဝန်ခံရမယ့်အစား ပြန်ပြီးတော်လှန်တဲ့ စကားတွေ ခြေလွန်လက်လွန် ပြောခဲ့ပါတယ်။ သာသနာရေးဝန်ကြီးဌာန ဆိုတာ သာသနာရေးဆိုင်ရာ အဖွဲ့အစည်းတွေနဲ့ အစိုးရအကြား ပေါင်းစပ်ညှိနှိုင်းပေးရတဲ့ ၀န်ကြီးဌာန ဖြစ်ပါတယ်။ ဒါပေမယ့် ဦးဆန်းဆင့်ဟာ အစိုးရနဲ့ သာသနာရေးအဖွဲ့အစည်းတွေအကြား အထင်အမြင် လွဲမှား အောင် သွေးထိုးပေးခဲ့သူပါ။ အစ္စလာမ်ဘာသာရေးအဖွဲ့အစည်းတွေကို လည်း မလုပ်သင့်တဲ့ မြှောက်ပင့်ပေးတာမျိုးတွေ လုပ်ဆောင်ခဲ့ပါတယ်။ အဆိုးဆုံးကတော့ သံဃာ့မဟာ နာယကအဖွဲ့နဲ့ သမ္မတအကြား နားလည်မှုတွေ လွဲမှားအောင်၊ ယုံမှား သံသယတွေ ကြီးထွားလာအောင်၊ သံဃာတွေအကြား နှစ်ပိုင်းကွဲလာအောင် သူပဲ ဖန်တီးခဲ့တာ ဖြစ်ပါတယ်။ မဟာသန္တိသုခကိစ္စမှာ သာသနာရေးဝန်ကြီးဌာနက ဦးအံ့မောင်ကို ပွဲထုတ်ခဲ့တာကလည်း ဦးဆန်းဆင့်ရဲ့ ကလိမ်ကကျစ်ကျမှု တစ်ခုပါ။ သွေးထိုး မြှောက်ပင့်ပေးပြီး ရှောင်ထွက်ဖို့ ကြံပေမယ့်လည်း အကြောင်းသိနေတဲ့ သာသနာရေးဝန်ကြီးဌာနက လူတွေကတော့ ဦးဆန်းဆင့်ဟာ ကြောက်စရာအကောင်းဆုံး လူအဖြစ် သတ်မှတ် ထားကြပါတယ်။ အကြောင်းစုံကတော့ သာသနာရေးက ဒုဝန်ကြီးတွေ၊ ညွှန်ချုပ်၊ ဒုညွှန်ချုပ်တွေ မေးကြည့်ရင် အဖြစ်မှန်ကို သိလာကြမှာပါ။

ကြားသိရသလောက်ကတော့ ဦးဆန်းဆင့်ကို အစိုးရအဖွဲ့ထဲမှာ ဘယ်လိုမှ ဆက်ထားလို့ မရတော့တဲ့အတွက် တာဝန်ကနေ ရပ်စဲလိုက်တာ ဖြစ်ကြောင်း သိရပါတယ်။ အမှုတွေနဲ့ ရင်ဆိုင်နေရတာကတော့ ဦးဆန်းဆင့်နဲ့ သာသနာရေး ၀န်ကြီးဌာနက ပြဿနာတွေပါ။ ဒါတွေက အုပ်ချုပ်ရေး ပြဿနာတွေသာ ဖြစ်ပြီး ဦးသိန်းစိန်နဲ့ မဆိုင်ပါဘူး။ ဦးသိန်းစိန်အနေနဲ့ အစိုးရအဖွဲ့ထဲမှာ ရောက်ရှိနေတဲ့ ထရိုဂျင်မြင်း ဦးဆန်းဆင့်ကို ဖြုတ်ပစ်ရုံကလွဲပြီး ရွေးချယ်စရာ မရှိတော့ပါဘူး။ ထရိုဂျင်မြင်းဆိုတာ ဂရိဒဏ္ဍာရီထဲက ထရွိုင်မြို့တော်ကို သိမ်းပိုက်ဖို့ ဂရိတပ်တွေက မြို့ထဲ သွင်းခဲ့တဲ့ သစ္စာဖောက် သူလျှို ဖြစ်ပါတယ်။ ထရိုဂျင်မြင်းကြီး ထရွိုင်မြို့ထဲ ရောက်သွားပြီးမှ ဂရိတွေ ထရွိုင်ကို သိမ်းပိုက်နိုင်ခဲ့တာပါ။

မဟာသန္တိသုခ ကိစ္စဟာ ပြန်တွက်ကြည့်ရင် ဒုတိယရွှေဝါရောင် တော်လှန်ရေး ဖြစ်လာနိုင်တဲ့အထိ၊ ဗုဒ္ဓဘာသာ သံဃာတော်တွေအကြား အပိုင်းပိုင်းကွဲပြဲလာနိုင်တဲ့အထိ အန္တရာယ်ကြီးမား ပါတယ်။ နိုင်ငံတကာမှာလည်း ဗုဒ္ဓဘာသာအပေါ် အထင်အမြင်လွဲမှားပြီးတော့ သာသနာတော် ညစ်နွမ်းနိုင်တဲ့အထိ ကြောက်စရာကောင်းပါတယ်။ ဦးဆန်းဆင့်အနေနဲ့ ဒီကိစ္စတွေကို ဘာဖြစ်လို့ လုပ်ရသလဲ။ စိတ်ဝင်စားဖို့ ကောင်းပါတယ်။ သမ္မတဦးသိန်းစိန်ကို တိုက်ခိုက်ခြင်း၊ အစိုးရအဖွဲ့ကို တိုက်ခိုက်ခြင်းရဲ့ ဦးတည်ချက်က ဘာလဲ။ ဦးသိန်းစိန်နဲ့ အစိုးရ အဖွဲ့ကို တိုက်ခိုက်ခြင်းကြောင့် ဘယ်သူ အကျိုးရှိနိုင်မလဲ။ ဦးဆန်းဆင့်သာ ထရွိုင်မြို့ထဲ ၀င်ရောက်လာခဲ့တဲ့ ထရိုဂျင်မြင်းရုပ်ကြီး ဖြစ်မယ် ဆိုရင် ဂရိတပ်တွေက ဘယ်သူ ဖြစ်နိုင်သလဲ။ ဒီအဖြေကတော့ စဉ်းစားခန်း ဖွင့်စရာ တစ်ခု ဖြစ်နေပါတယ်။ ဦးဆန်းဆင့်ကတော့ သစ္စာဖောက်တို့ သွားရာလမ်းကိုပဲ လျှောက်လှမ်းသွားပြီ ဆိုပေမယ့်လည်း ဂရိတပ်က ဘယ်သူလဲ ဆိုတဲ့ ပုစ္ဆာကတော့ ကျန်နေတုန်းပါပဲ။ 

From:ပြည်သူ့အာဏာ