/*FB*/
/*FB*/
ကြွရောက်လာသူအပေါင်း ကိုယ်စိတ်နှစ်ဖြာ ကျမ်းမာချမ်းသာကြပါစေ

Monday, February 17, 2014

.

NLD ပါတီ၏ ပြည်ထောင်စုနေ့ ဟောပြောပွဲ ဖျက်သိမ်းခံရသည့် ပြဿနာ ချောက်ထဲကျတော့မည့် နိမိတ် ဟု ဆို



ပြည်ထောင်စုနေ့ အထိမ်းအမှတ်အဖြစ် ဖေဖော်ဝါရီ ၁၂ ရက်တွင် မြောက်ဥက္ကလာပမြို့နယ် (ဂ)ရပ် ကွက် ၌ NLD ပါတီက ပြုလုပ်မည့် စာပေဟောပြော ပွဲတွင် ဦးကိုနီနှင့် ဦးမြအေးတို့ ဟောပြောမည့် အစီအစဉ်ကို မျိုးချစ်မြန်မာ ရဟန်းတော်များ သမဂ္ဂ က ကန့်ကွက်ခဲ့သောကြောင့် ဟောပြောပွဲဖျက်သိမ်း ခဲ့ရ ကြောင်း သိရသည်။


ဦးကိုနီနှင့် ဦးမြအေးတို့ကို ပြည်ထောင်စုနေ့ ကဲ့သို့ သော အခမ်းအနားမျိုးတွင် လက်မခံနိုင်ဟူသော အ ကြောင်းပြချက်ဖြင့် မျိုးချစ်မြန်မာ ရဟန်းတော်များသမဂ္ဂမှ ကန့်ကွက်ခဲ့ခြင်းဖြစ်ကြောင်း၊ ဟောပြောမည့် သူနှစ်ဦးကို မျိုးချစ်မြန်မာရဟန်းတော်များသမဂ္ဂ အရှင်သုစိတ္တက ကန့်ကွက်သည့်စာကို မြောက်ဥက္ကလာပမြို့နယ် အုပ်ချုပ်ရေးမှူးထံ ဖေဖော်ဝါရီ ၁၀ ရက်တွင်ပေးပို့ခဲ့ပြီး ပွဲဖြစ်မြောက်ရေးစီစဉ် သည့် မြောက်ဥက္ကလာပမြို့နယ် အမျိုးသားဒီမိုကရေစီအဖွဲ့ချုပ်ထံ ဖေဖော်ဝါရီ ၁၁ ရက်တွင် ကန့်ကွက် စာရောက်ရှိခဲ့ကြောင်း သိရသည်။ 

မျိုးချစ်မြန်မာ ရဟန်းတော်များသမဂ္ဂမှ အရှင်သုစိတ္တ၏ ကန့်ကွက်စာတွင် မဖြစ်သင့်တာတွေ ဖြစ်လာနိုင် ပါတယ်ဆိုတဲ့ အကြောင်းသက်ဆိုင်ရာမှ အချိန်မီတားဆီးပေးနိုင်ပါရန် အသိပေးတင်ပြအပ်ပါသည် ဟု ပါ ရှိကြောင်း သိရသည်။ 

“ကျွန်တော်တို့က အရှင်ဘု ရားတို့ကိုလည်း မေတ္တာရပ်ခံပြီးပြီ။ အရှင်ဘုရားက ဦးမြအေးနဲ့ ဦးကိုနီ နှစ်ဦးကို ဖြုတ်ပေးပါဆိုပြီး ပြော တယ်။ တစ်ဖက်ကလည်း စာရေးဆရာလေးဦးရဲ့ဆန္ဒကို မေးတယ်။ စာရေးဆရာ လေးဦးကလည်း နှစ်ဦး ကိုဖြုတ်ပြီးတော့ ကျန်တဲ့ နှစ်ဦးတည်းနဲ့တော့ မဟောနိုင်ဘူးဆိုပြီး အပြတ်ပဲ။ တစ်ဖက်နဲ့တစ်ဖက်လည်း ပြဿနာမဖြစ်ရအောင် ဦးမြအေးတို့ဘက်ကလည်း နောက်ဆုတ်ပေးသွားတယ်”ဟု ရန်ကုန်တိုင်း NLD အတွင်းရေးမှူး ဦးထွန်းမြတ်က ပြောသည်။

စာပေဟောပြောပွဲ တက်ရောက်ဟောပြောရန် တရားလွှတ်တော်ရှေ့နေဦးကိုနီ၊ ၈၈ မျိုးဆက် ငြိမ်းချမ်း ရေးနှင့် ပွင့်လင်းလူ့အဖွဲ့အစည်းမှ ဦးမြအေး၊ ဆင်ဖြူကျွန်း အောင်သိန်းနှင့် ဆရာသန်းစိုးနိုင်တို့ကို ဖိတ် ကြားထားခြင်းဖြစ်ကြောင်း၊ ဦးကိုနီသည် “ပဉ္စမပြည်ထောင်စု မြန်မာနိုင်ငံ”ဟူသော ခေါင်းစဉ်ဖြင့် မြန်မာ နိုင်ငံ၏ ရှေ့ဆက်မည့် ဒီမိုက ရေစီလမ်းကြောင်းအခြေအနေများကို ဟောပြောရန် စီစဉ်ထားကြောင်း၊ ယင်းတို့(၂)ဦး ကန့်ကွက်ခံခဲ့ရခြင်းကြောင်း အခြားဟောပြောမည့် ပုဂ္ဂိုလ်များကလည်း ဟောပြောခြင်း မပြုလိုသည့် ဆန္ဒ ရှိသဖြင့် ဟောပြောပွဲအား ဖျက်သိမ်းလိုက်ရခြင်း ဖြစ်ကြောင်း သိရသည်။

"ဒီဟာက စာပေဟောပြောပွဲမှ မဟုတ်တာ။ စာပေဟောပြောပွဲအမည်ခံပြီး နိုင်ငံရေးတွေ ဟောပြောမှာ။ နိုင်ငံရေး ဆိုတာလည်း အမျိုးသားရေးကို ထိခိုက်စေမယ့် ပြောကြားချက်တွေ ကျိန်းသေ ပါဝင်လာမှာပဲ။ ပြည်ထောင်စုနေ့လို နေ့ထူးနေ့မြတ်မှာ ပြည်ထောင်စု စိတ်ဓါတ်ကို ခုတုံးလုပ်ပြီး ပြောကြားလာမှာတွေ ရှိနေတယ်။ ဒါ့ကြောင့် ကန့်ကွက်ရခြင်းပဲ ဖြစ်ပါတယ်" ဟု ကန့်ကွက်ခဲ့သည့် သံဃာတစ်ပါးက မိန့်သည်။

"NLD ရော၊ ၈၈ ရော ဒီကိစ္စကို အသေးအမွှားသဘောထားရင် မှားသွား နိုင်တယ်။ နိုင်ငံရေးနဲ့ အမျိုးသား ရေး ပဋိပက္ခဖြစ်နေတာ အထင်အရှား ဖြစ်လာနေတယ်။ NLD အနေနဲ့လည်း ဒီကိစ္စကို အလေး အနက် ထားပြီး သုံးသပ်ဖို့ အချိန်တန်ပြီ။ ဒီပွဲကို စီစဉ်တာက NLD ပါတီ၊ ဟောပြောမယ့်သူတွေထဲမှာ ပါတာက ဦးမြအေးနဲ့ ဦးကိုနီ။ ပြီးခဲ့တဲ့ ရက်ပိုင်းအတွင်းမှာ မြန်မာအမျိုးသားကွန်ရက်က ပွဲတွေ စလုပ်လာတယ်။ NLD ပါတီက ဦးထင်လင်းဦးနဲ့ အခြားပါတီဝင်တွေက ဒီပွဲတွေကို သွားပြီး နှောက်ယှက်တာမျိုး၊ အပုပ်ချတာမျိုးတွေ ရည်ရွယ်ချက် ရှိရှိ လုပ်ဆောင်လာခဲ့ကြတယ်။ သူတို့ရဲ့ ရည်ရွယ်ချက်က ဘာလဲ တိတိကျကျ မသိနိုင်ပေမယ့် ဒီလုပ်ရပ်ဟာ လက်ရှိ မြန်မာပြည်သူတွေကြားမှာ ကြီးထွားလာနေတဲ့ အမျိုးသားရေးစိုးရိမ်မှုကို တိုက်ရိုက် တိုက်ခိုက်တဲ့ သဘော ဖြစ်နေတယ်။ NLD က ရှေ့တန်းတင် ပွဲထုတ်နေတဲ့ ဦးကိုနီပေါ့။ ဘာကြောင့် ဒီလို ထိပ်တိုက်တိုးဖို့ တင်နေတုန်းပဲ ဆိုတာကိုလည်း နားလည်ရ ခက်နေတယ်။ သိပ်ကို အန္တရာယ်များတဲ့ အနေအထားတစ်ခုကို NLD လျှောက်နေတယ် ဆိုတာကိုရော NLD ခေါင်းဆောင်တွေ နားလည်ရဲ့လား မေးစရာ ဖြစ်နေတယ်။ ဒီအနေအထားမှာ NLD ပါတီဝင်တွေ၊ အွန်လိုင်းလူမှုကွန်ရက်က NLD ထောက်ခံသူတွေ ရှေ့ဆက်တိုးရင် ချောက်ထဲ ကျတော့မယ်။ မြောက် ဥက္ကလာ ဟောပြောပွဲ ပျက်သွားတာက NLD အတွက် နိမိတ်လို့တောင် ဆိုနိုင်တယ်" ဟု နိုင်ငံရေးလေ့လာ သုံးသပ်သူ တစ်ဦးက ပြောသည်။

အမှန်တွင် စာပေဟောပြောပွဲဆိုလျှင် စာပေဟောပြောပွဲစစ်စစ်ကိုသာ ပြုလုပ် သင့်ကြောင်း၊ ယခု နောက်ပိုင်းတွင် စာပေဟောပြောပွဲ အမည်ခံပြီး နိုင်ငံရေး စည်းရုံးဟောပြောမှုများ လုပ်ဆောင်လာသည် မှာလည်း စာပေနယ်ပယ်အတွက် အန္တရာယ်ကြီးမားကြောင်း၊ NLD ပါတီ၏ အကြံပေးတစ်ဦး ဖြစ်သော စာရေးဆရာကိုတာသည်လည်း ဤသို့ ကြုံတွေ့ရကြောင်း၊ စာပေနယ်နှင့် နိုင်ငံရေးနယ် သီးသန့်ခွဲခြား သင့်ပြီ ဖြစ်ကြောင်း၊ စာရေးဆရာများက နိုင်ငံရေးပါတီများအတွက် စည်းရုံးသိမ်းသွင်းခြင်းများ တိုးမြင့်ပြုလုပ်လာကြရာမှ တစ်ဘက်မှ အမျိုးသားရေးနှင့် ထိပ်တိုက်တိုးလာမှု များ ဆက်လက် မြင့်မားလာ ဖွယ်ရာ ရှိကြောင်း၊ NLD ပါတီသည် စာပေဟောပြောပွဲများကို အသုံးချ၍ စည်းရုံးရေးလုပ်ဆောင် နေခြင်းများကို ရပ်တန့်ရန် အချိန်တန်ပြီ ဖြစ်ကြောင်း၊ ထိပ်တိုက်တိုးပြီးနောက် မလျှော့တမ်း ဆက်လက် လုပ်ဆောင်လာခဲ့ပါက NLD ပါတီ ချောက်ထဲ သေချာပေါက် ကျတော့မည် ဖြစ်ကြောင်း ၄င်းက ဆက်လက် ပြောဆိုသည်။

ယခုနောက်ပိုင်းတွင် စာရေးဆရာများ၏ စာပေဟောပြောပွဲများတွင် နိုင်ငံရေး ကိစ္စများကိုသာ အဓိက ထား၍ ဟောပြောလျက်ရှိရာ ချစ်ဦးညို၊ မောင်စိန်ဝင်း(ပုတီးကုန်း) စသည့် နာမည်ရစာရေးဆရာများ ကိုယ်တိုင် အများအပြား ပါဝင်လျက်ရှိသည်။

ပြည်သူ့ အာဏာ

No comments:

Post a Comment

မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။