မြန်မာနိုင်ငံ၏ မိုဘိုင်းတယ်လီဖုန်း ဆက်သွယ်ရေးတာဝါတိုင်အရေအတွက်သည် မိုဘိုင်းဖုန်းအသုံးပြုသူ များအတွက် ၁၀ ရာခိုင်နှုန်းခန့်သာ လိုအပ်ချက်ကို ဖြည့်ဆည်းပေးနိုင်သေးသည်ဟု ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ဒုတိယ၀န်ကြီးဦးဝင်းသန်းက ဇန်န၀ါရီ ၅ ရက် မန္တလေး မြို့ ပညာရေးကောလိပ်တွင် ပြုလုပ်သည့် ပို့ဆောင်ဆက်သွယ်ရေးနှင့် ဆောက်လုပ်ရေး ဆပ်ကော်မတီ တွေ့ဆုံဆွေးနွေးပွဲတွင် ပြောကြားခဲ့သည်။
မိုဘိုင်းဖုန်းအသုံးပြုမှုပမာဏနှင့် နှိုင်းယှဉ်မည်ဆိုပါက တာဝါတိုင်အရေအတွက် နှစ်သောင်းခန့် လိုအပ် လျက်ရှိပြီး လက်ရှိတည်ဆောက်ပြီးစီးမှု နှစ်ထောင်ဝန်းကျင်ခန့်သာရှိသေးသည်ဟု ဆိုသည်။
လိုအပ်နေသည့် အရေအတွက်များအတွက် နိုင်ငံတော်က ဘတ်ဂျက်ခွဲဝေရရှိမှုအရ နှစ်အလိုက် တည် ဆောက်သွားရခြင်းကြောင့် နှောင့်နှေးမှုများရှိနေပြီး လုပ်ကိုင်လိုသည့် ပြည်တွင်း၊ ပြည်ပပုဂ္ဂလိကကုမ္ပဏီ များကို တင်ဒါစနစ်ဖြင့် လုပ်ကိုင်ခွင့်ပေးလျက်ရှိရာ တင်ဒါအောင်ကုမ္ပဏီများက လုပ်ဆောင်နေသည့်တာ ၀ါတိုင်အရေအတွက်သည် ၄၀၀ ခန့်သာ ရှိသေးသည်။
တာဝါတိုင်တစ်တိုင်လျှင် ရင်းနှီးမြှုပ်နှံမှုသည် ငွေကျပ် သိန်း ၁,၇၀၀ မှ၂,၀၀၀ ခန့်ရှိသဖြင့် အလွယ်တကူ ရင်းနှီးမြှုပ်နှံနိုင်မည်မဟုတ်ဟု ဒုတိယ၀န်ကြီးဦးဝင်းသန်းက ပြောသည်။ ထို့အတွက် ပြည်ပ ဆက်သွယ် ရေးကုမ္ပဏီလေးခုသို့ တာဝါတိုင်များတည်ဆောက်ရန် လုပ်ငန်းအပ်ထားပြီး တိုင်းနှင့် ပြည်နယ်အလိုက် ဆောင်ရွက်သွားမည်ဖြစ်သည်ဟု ဆိုသည်။
တာဝါတိုင်တည်ဆောက်ရန်အတွက် ပေ ၄၀ ပတ်လည် မြေနေရာအကျယ်အ၀န်းရှိရန် လိုအပ်သဖြင့် မြို့ ပြနေရာများတွင် မြေနေရာအခက်အခဲရှိပြီး ကျောင်း၊ ဆေးရုံနှင့် သာသနာ့နယ်မြေများတွင် တာဝါတိုင် ဆောက်လုပ်ရန် မြေနေရာပေးပါက ညှိနှိုင်းဆောင်ရွက်ရန် စီစဉ်နေသည်။
၂၀၁၃-၁၄ ခုနှစ်တွင် မိုဘိုင်းတယ်လီဖုန်း၏ သိပ်သည်းဆသည် ၂၇ ရာခိုင်နှုန်းခန့်ရှိရာ လူ ၁၀၀ တွင် ၂၇ ယောက်ခန့် မိုဘိုင်းတယ်လီဖုန်း ပိုင်ဆိုင်နေပြီဖြစ်ပြီး ၂၀၁၅-၁၆ တွင် ၇၅ ရာခိုင်နှုန်းအထိ တိုးမြှင့်နိုင်ရန် ဆောင်ရွက်သွားမည်ဟု ဆိုသည်။ ၂၀၁၃ ခုနှစ် ဧပြီလမှစတင်ကာ ၁,၅၀၀ ကျပ်တန် တန်ဖိုးနည်းဖုန်း ဆင်းကတ်များ ရောင်းချပေးခဲ့ရာ တစ်နိုင်ငံလုံးအတိုင်းအတာအရ၂၀၁၄ ဇန်န၀ါရီလအထိ အရေအတွက် လေးသန်းကျော် ရောင်းချခဲ့ပြီး ဖြစ်သည်။
မဇ္ဈိမ သတင်းဌာန
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။