အသေးစား၊ အလတ်စား စက်မှုလုပ်ငန်းများ လုပ်ဆောင်နိုင်ရန်နှင့် လူနေမှုစနစ်ဖွံ့ဖြိုးလာစေရန် မန္တလေး တိုင်းအတွင်းရှိ ၁၃ မြို့နယ်မှ အသေးစားလုပ်ငန်းရှင်များသို့ ချေးငွေ ကျပ်သိန်း ၇,၀၀၀ ကျော်ကို ဒီဇင် ဘာလ ၁၅ ရက်တွင် ထုတ်ချေးမည်ဟု မန္တလေးတိုင်း ကုန်သွယ်မှုမြှင့်တင်ရေးဦးစီးဌာန ဦးစီးမှူး ဒေါ်ခင် မြင့်သန်းက မဇ္ဈိမကို ပြောသည်။
“အိမ်တွင်း လက်မှုလုပ်ငန်းတွေပါပဲ။ ကျေးရွာတစ်ရွာ ထုတ်ကုန်တစ်မျိုးစနစ်နဲ့ တူတာတွေ စုဖွဲ့ပြီး အုပ်စု လိုက် ထုတ်ချေးပေးသွားမှာပါ”ဟု ပြောသည်။
အသေးစားစက်မှုလုပ်ငန်း လုပ်ကိုင်နေသူများသည် ကျပ် ၅၀,၀၀၀ မှသည် ကျပ် ၂၀၀,၀၀၀ အထိ ချေး ယူနိုင်မည်ဖြစ်ပြီး လုပ်ငန်းလိုအပ်ချက်အရ ထပ်မံထုတ်ချေးနိုင်ပြီး အတိုးနှုန်းမှာ ကျပ် ၁၀၀ လျှင် နှစ်ကျပ် နှုန်းဖြစ်သည်။ ချေးငွေထုတ်ပေးနိုင်ရန် ကျေးရွာများတွင်ရှိသော လက်မှုလုပ်ငန်းတူသူများကို အစုအဖွဲ့ များ ဖွဲ့စည်း၍ စနစ်တကျ ထုတ်ချေးပေးနိုင်ရန် စီစဉ်ထားသည်။
စက်တင်ဘာလမှ စတင်ကာ စာရင်းများ ကောက်ယူခဲ့ပြီး ယခုအခါတွင် အသေးစား လက်မှုလုပ်ငန်းရှင် ၈,၁၀၀ ကို ငွေကျပ် ၇,၂၈၇ ဒသမ ၅ သိန်း ထုတ်ချေးပေးသွားမည်ဟု တိုင်းအစိုးရထုတ်ပြန်သောစာရင်း အရ သိရသည်။
အသေးစားလုပ်ငန်းရှင်အများစုသည် အရပ်တိုးဖြင့် ချေးငှား လုပ်ကိုင်နေကြရခြင်းကြောင့် လုပ်ငန်းများ မတိုးတက်ခြင်းဟု အသေးစားလုပ်ငန်းရှင်များက ဆိုသည်။ အသေးစားလက်မှုလုပ်ငန်းရှင်တစ်ဦးဖြစ်သူ “တက်စံ” သစ်သားမြင်းရုပ် လုပ်ကိုင်သူ ကိုလှစိုးမှလည်း ချေးငွေပေးသည်ကို ကျေးဇူးတင်သော်လည်း ထုတ်ပေးမည့် ငွေပမာဏ နည်းနေခြင်းကြောင့် လုပ်ငန်းအတွက် အထောက်အကူ အပြည့်ဝ မရနိုင်ဟု ဆိုသည်။
အသေးစား လက်မှုလုပ်ငန်းရှင်များ ချေးငွေထုတ်ယူလိုပါက သက်ဆိုင်ရာ ကျေးရွာအုပ်ချုပ်ရေးမှူးထံ လုပ်ငန်းတင်ပြ၍ ချေးငွေထုတ်ရန် လျှောက်ထားနိုင်ကြသည်။
မဇ္ဈိမ
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။