အုပ်ချုပ်ရေးပိုင်းမှ လွှတ်တော်ကို လွှမ်းမိုး၍ မရ သလို၊ လွှတ်တော်ကလည်း ကိုယ့်အလုပ်ကိုယ် လုပ်သွားမည် ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ယမန်နေ့က ရန်ကုန်တိုင်း ဒေသကြီး လွှတ်တော်ရုံးခွဲတွင် ပြုလုပ်သော တရားဥပဒေ စိုးမိုးရေးနှင့် ပြည်သူ့ရေးရာ စီမံ ခန့်ခွဲမှု တွေဆုံညှိနှိုင်းပွဲတွင် ပြောကြားသည်။
''လွှတ်တော်က လွှတ်တော်အလုပ်လုပ် မှာ ဖြစ်ပါ တယ်။ လွှတ်တော်က လွှတ်တော်မှာ အလုပ် လုပ်လို့ အုပ်ချုပ်ရေးနဲ့ ပွတ်တိုက်မှု တွေရှိပါတယ်။ ဝေဖန်ပြော ဆိုနေ တာတွေပြောပါစေ။ ကိုယ့်အလုပ်ကိုယ်လုပ်မယ်'' ဟု ပြည် သူ့လွှတ်တော် ဥက္ကဋ္ဌ က ပြောသည်။
ထို့ပြင် လွှတ်တော်မှ အတည်ပြု ပြဋ္ဌာန်းခဲ့သော ဥပဒေမှန်သမျှကို မှားလျှင် မှားသည်ကို ရဲရဲဝံ့ဝံ့ဝန်ခံ ပြောဆိုသွားမည် ဖြစ်ကြောင်း၊ မိမိတို့လွှတ်တော်တွင် ထုတ်ပြန်ပြီးသော ဥပဒေ၊ တည်ဆဲဥပဒေများကို ပြန်လည်သုံးသပ်လေ့လာခြင်းမျိုး၊ ပြုလုပ်လေ့ရှိကြောင်း၊ ယခုလက်ရှိ ပြုလုပ်နေသော ဥပဒေပြုရေးတွင် တရားမျှတ၍ အများလက်ခံသော ဥပဒေများကို အတည်ပြုပြဋ္ဌာန်းနိုင်ရေး ဆောင်ရွက်သွားမည် ဖြစ်ကြောင်း သူရဦးရွှေမန်း က ပြောသည်။
''ဒီမိုကရေစီခေတ်မှာ တရားမျှတတဲ့ ဥပဒေ၊ နိုင်ငံထူထောင် နိုင်ငံသားတွေ အတွက် ပြု လုပ်တဲ့ ဥပဒေပဲ ဖြစ်ရမှာပါ။ လူပုဂ္ဂိုလ်တစ်ဦးတစ်ယောက်အတွက်၊ အဖွဲ့အစည်းတစ်ခုအတွက် မဖြစ်ရပါဘူး။ ဟိုအရင်ကလို အုပ်ချုပ်ရေးကလွှတ်တော်ကိုလွှမ်းမိုး လို့မရပါဘူး'' ဟု ပြည်ထောင်စုလွှတ်တော်နာယကဖြစ်သူ သူရ ဦးရွှေမန်း က ပြော ကြားသည်။
ရန်ကုန်တိုင်းဒေသကြီး လွှတ်တော် (ရုံးခွဲ) တွင် ကျင်းပပြုလုပ်သော တရားဥပဒေ စိုးမိုးရေးနှင့် ပြည်သူ့ ရေးရာ စီမံခန့်ခွဲမှု တွေ့ဆုံညှိနှိုင်းပွဲသို့ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ ဒုတိယဥက္ကဋ္ဌ ဦးနန္ဒ ကျော်စွာ၊ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်မှူးချုပ် ကျော်ဇံမြင့်၊ လွှတ်တော် ကိုယ်စားလှယ် ဒေါ်အောင်ဆန်းစုကြည် အပါအဝင် အဖွဲ့ဝင်များနှင့် ရှေ့နေများအသင်းမှ တာဝန်ရှိသူများ တက်ရောက် ကာ တရား ဥပဒေ အကြောင်းအရာများ ညှိနှိုင်းဆွေးနွေးခဲ့ကြသည်။
MDN
Credit : http://www.oppositeyes.info/2013/09/blog-post_3995.html
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။