ဒီ့အရင်က ထောက်လှမ်းရေးက ဗိုလ်ချုပ်တွေနဲ့ လုပ်ငန်းပတ်သတ်သလိုလို၊ ရှယ်ယာပါသလိုလို လုပ်နေတဲ့ Eleven အုပ်စုက ဒေါက်တာသန်းထွဋ်အောင်ကတော့ ဦးခင်ညွန့်ကို ဖြုတ်ချတဲ့ ဗိုလ်ချုပ်တွေကို အဘပြောင်းခေါ်ပြီး ချဉ်းကပ်လို့ ထွက်ပေါက်ရှာလိုက်ပါတယ်။ အဲသလို ထောက်လှမ်းရေးနဲ့ပတ်သတ်သူတွေကို ကွပ်ညှပ်တဲ့ထဲမှာ ထောက်လှမ်းရေးနောက်ခံနဲ့ ထုတ်ဝေနေတဲ့ မြန်မာတိုင်းမ်ဂျာနယ်က ရော့စ်ဒန်ကလီတစ်ယောက်လည်း မလွတ်ခဲ့ပါဘူး။ သူလည်း မြန်မာနိုင်ငံသားဆိုရင်တော့ ခုလောက်ဆို ထောင်ထဲမှာ အနားယူနေရပြီပေါ့။ ဒါပေသိ နိုင်ငံခြားသားတစ်ယောက်ဖြစ်နေတာမို့ ဖမ်းလို့ဆီးလို့မရတာကြောင့် မြန်မာပြည်ကို သူ့ဘာသာစိတ်ပျက်ပြီး စွန့်ခွာသွားအောင် နည်းလမ်းပေါင်းစုံနဲ့ ကြံစည်ပါတော့တယ်။
ယခင် ထောက်လှမ်းရေးက ပိုင်ဆိုင်ခဲ့တဲ့ မြန်မာတိုင်းမ်ဂျာနယ်ရဲ့ ရှယ်ယာတွေကို ပြန်ကြားရေးဝန်ကြီး ဗိုလ်မှူးချုပ်ကျော်ဆန်းရဲ့ စီစဉ်မှုအရ ဒေါက်တာတင်ထွန်းဦး က ၀ယ်ယူခဲ့ပါတယ်။ ရော့စ်ဒန်ကလီ တစ်ယောက်လုပ်ချင်တိုင်းလုပ်မရအောင် ဗိုလ်မှူးချုပ်ကျော်ဆန်းက သူ့လူယုံတစ်ယောက်ကို ထည့်ပေးပြီး ရော့စ်ဒန်ကလီရဲ့လုပ်ပိုင်ခွင့်တွေကို ကန့်သတ်လိုက်တဲ့ သဘောပါပဲ။
စစ်တပ်ကအရာရှိကြီးတွေက ဒေါက်တာတင်ထွန်းဦးကိုနာမည်ခံခိုင်းပြီး ၀ယ်ယူခဲ့တဲ့ ရှယ်ယာတွေလည်း ရှိတယ်လို့ အဲဒီ့တုန်းက သတင်းထွက်ခဲ့ဖူးပါတယ်။ အရင်တုန်းကတော့ ဒေါက်တာတင်ထွန်းဦးက သူ့သမီးကြီး စုမြတ်စန္ဒီဦးကို မြန်မာတိုင်းမ်ဂျာနယ်မှာ ရုံးထိုင်ခိုင်းခဲ့ပါတယ်။ ဒေါက်တာတင်ထွန်းဦးနဲ့ စုမြတ်စန္ဒီဦးတို့ရဲ့ စီစဉ်မှုနဲ့ မြန်မာတိုင်းမ် ဂျာနယ်အပြင် Crime မှုခင်းသတင်း ဂျာနယ်၊ Now ဖက်ရှင်ဂျာနယ်နဲ့ Chic မဂ္ဂဇင်းတွေ ထုတ်ခဲ့ပါတယ်။ ခုတလော ဖတ်ရတဲ့ သတင်းတွေအရတော့ ရော့စ်ဒန်ကလီတစ်ယောက် မြန်မာပြည်ကနေ စိတ်ပျက်လက်ပျက်နဲ့ ထွက်သွားအောင်လုပ်ဖို့ စီစဉ်ခဲ့တဲ့ ဗိုလ်ချုပ်မှူးကြီးရဲ့ စီမံကိန်းက ဗိုလ်ချုပ်ကြီးဟောင်းသိန်းစိန်ရဲ့ အရပ်သား အစိုးရခေတ်အထိ ပါလာပုံရပါတယ်။ ဒေါက်တာတင်ထွန်းဦး၊ မြန်မာတိုင်းမ်နဲ့ရော့စ်ဒန်ကလီတို့ရဲ့ ဇာတ်လမ်းဘယ်လို ဆက်ဖြစ်လာမလဲဆိုတာ စောင့်ကြည့်ရဦးမှာပေါ့။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။