မြစ်နားရွာမှ ရခိုင် ၂ဦးကို ဇန္န၀ါရီလ ၆ ရက်နေ့က ယာဘား ဆေးပြား ၄၀၀၀ နှင့် အတူ ဘင်္ဂလာဒေခ်ျ့ အာဏာပိုင်များက ဖမ်းဆီး ခဲ့သည်။
ဖမ်းဆီးခံရသူ နှစ်ဦးမှာ ကိုမောင်စံအေး(၃၅)၊ မင်းကျော်(၁၈)တို့ ဖြစ်ကြသည်။
သူတို့ နှစ်ဦးအား တက်ကနက်အခြေစိုက် ဘင်္ဂလားဒေ့ခ်ျ နယ်ခြားစောင့် တပ်ဖွဲ့ (BGB) အမှတ် (၄၂)မှ ဇန္န၀ါရီလ ၆ ရက် နံနက် ၇နာရီတွင် ဖမ်းဆီးခံရသည်ဟု ကော့စ်ဘဇားထုတ် သတင်းစာ များတွင်လည်း ဖေါ်ပြသည်။
ယာဘာဆေးပြားအလုံး ၄၀၀၀၏ လက်ရှိ တန်ဖိုးမှာ တာကာ တစ်ဆယ် သုံးသိန်းကျော်ဖိုး တန်ဖိုးရှိ သည်ဟု ဆိုသည်။
အလားတူ မြန်မာနိုင်ငံမှ မွတ်ဆလင် (၃) ဦးထံမှ ယာဘား ဆေးပြား ၃၀၀၀ ကို လွန်ခဲ့သော သောကြာနေ့က ဘင်္ဂလာဒေခ်ျ့ ကမ်းခြေစောင့် တပ်ဖွဲ့က ဖမ်းဆီးခဲ့သည်ဟု ဆိုသည်။
ဖမ်းဆီးခံရသူများမှာ ချောင်ချူ အာလာန် (၂၄) နှစ်၊ အန်ဆာ အာလောင် (၂၆) နှစ်နှင့် ကာမဲလ် ဟူစိန် တို့ဖြစ်ကြပြီး မောင်တောမြို့နယ်မှ ဖြစ်ကြသည်ဟု ဇန္န၀ါရီလ ၆ ရက်နေ့စွဲဖြင့် ထုတ်ဝေသော The Independent သတင်းစာတွင် ဖေါ်ပြသည်။
သူတို့ (၃) ဦးသည် စက်လှေ တစ်စီးဖြင့် အဆိုပါ ယာဘားဆေးပြားများကို ဘင်္ဂလာဒေခ်ျ့ နိုင်ငံအတွင်းသို့ သွင်းယူလာစဉ် ဆင်မဖြူကျွန်းအနီးတွင် ဖမ်းဆီးမိခြင်း ဖြစ်သည်ဟု အရှေ့ဇုံ ကမ်းခြေစောင့် တပ်ဖွဲ့ တပ်မှူး Abu Md Akik က ပြောသည်။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။