မြောင်းမြမြို့နယ် အမျိုးသားဒီမိုကရေစီ အဖွဲ့ချုပ် ပါတီဝင်များက ပါတီတွင်း မကျေနပ်မှုများရှိ၍ ဆန္ဒပြမည်ဖြစ်ကြောင်း ၄င်းပါတီဝင်များက 7Day News သို့ ဆက်သွယ်ပြောကြားသည်။
မြို့နယ်နှင့် ခရိုင်ကော်မရှင်ဖွဲ့စည်းရာတွင် မကျေနပ်မှုများရှိပြီး၊ ဗဟိုကော်မတီ ဆုံးဖြတ်ရာတွင်လည်း ဒီမိုကရေစီနည်းလမ်း မကျ၍ ဆန္ဒပြမည်ဖြစ်ကြောင်း ဦးမြင့်ကျောကပြောသည်။
''မြို့နယ်နဲ့ ခရိုင်ကော်မရှင်ဖွဲ့တာမှာ အဖွဲ့ဝင်ဖြစ်သင့်၊ မဖြစ်သင့်၊ ဥက္ကဋ္ဌဖြစ်သင့်၊ မဖြစ်သင့်၊ အဲဒီ့ကိစ္စတွေ အခု ဖွဲ့စည်းထားတွေတာကို မကျေနပ်လို့ပါ"ဟု ၄င်းက ဆက်လက်ပြောသည်။
ထိုသို့ ဆန္ဒပြရန်အတွက် မြောင်းမြမြို့နယ် ရဲတပ်ဖွဲ့ တာဝန်ရှိသူတစ်ဦးက "ပါတီတွင်းဖြစ်တဲ့ ကိစ္စဆိုတော့ ဆန္ဒပြခွင့် တောင်းဖို့ မလိုပါဘူး။ နည်းဥပဒေထဲမှာလည်း မပါတော့ ဘာမှ မပြောလိုပါဘူး"ဟုပြောသည်။
ထို့ကြောင့် ဆန္ဒပြရန်အတွက် မြောင်းမြမြို့ရှိ အမျိုးသားဒီမိုကရေစီအဖွဲ့ချုပ်ပါတီဝင် အင်အား ၃၀၀ ခန့်သည် သြဂုတ်လ ၁၂ ရက် နေ့လယ် ၁ နာရီအချိန်တွင် ယင်းပါတီရုံးမှ ဦးဘချိုးလမ်း၊ အမျိုးသားဒီမိုကရေစီအဖွဲ့ချုပ် ညီလာခံကျင်းပရေး ခရိုင်ကော်မရှင်ရုံးအထိ လမ်းလျှောက်ဆန္ဒပြမည်ဟုသိရသည်။
Myanmar Express
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။