မကြာမီရက်ပိုင်းက မောင်တောမြို့၌ ဖြစ်ပျက်ခဲ့သည့် အကြမ်းဖက်မှုများကို စတင်မီးမွှေးရာတွင် ပါဝင်သူဟု သင်္ကာမကင်းသူ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံးမှ ၀န်ထမ်းတဦးဖြစ်သူ ဒေါက်တာ ထွန်းအောင်ကို မောင်တောမြို့၌ ဖမ်းဆီးစစ်ဆေးနေသည်ဟု ခိုင်လုံသည့် သတင်းရပ်ကွက်၏ အဆိုအရ သိရသည်။
ဆူပူ အကြမ်းဖက်မှု စတင်ဖြစ်ပွားသည့် ဇွန်လ ၈ ရက်နေ့က မောင်တောမြို့ကုလ သမဂ္ဂ၀န်ထမ်းတဦးဖြစ်သူ ဒေါက်တာ ထွန်းအောင်က တောင်ကုတ်မြို့တွင် အမည်မသိ လူအုပ်စု၏ သတ်ဖြတ်မှုခံရသူများ အတွက် ဆုတောင်းရန် အာဏာပိုင်များထံ ခွင့်တောင်းခဲ့သည်ဟု ဆိုသည်။
၎င်းက မည်သည့်ပြဿနာမှ မဖြစ်ပွားစေရန် အာဏာပိုင်များထံ ကတိပေးခဲ့ကြောင်းလည်း မောင်တောမြို့ခံက ပြောသည်။
၎င်းနောက် ဇွန်လ ၈ ရက်နေ့နေ့လည် ဆူပူ အကြမ်းဖက်မှုများ စတင်လာသည့်နောက် ဆုတောင်းခွင့်တောင်းခံသူ ဒေါက်တာထွန်းအောင် အားဖမ်းဆီး စစ်ဆေးလျှက်ရှိခြင်းဖြစ်သည်။
၎င်း၏ သမီးဖြစ်သူ ဒေါ်မြနန္ဒာအောင်အားလည်း စစ်တွေမြို့မှ ရန်ကုန်သို့ ပြန်လာရန် ပြင်ဆင်နေစဉ် စစ်တွေလေဆိပ်၌ ထိန်းသိမ်းလိုက်ကာ စစ်မေးမှုများ ပြုလုပ်နေကြောင်း သိရှိရသည်။ ။
Yangon Press International
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။