ရန်ကုန်တွင် ယနေ့ည တွေ့ရသော ဆန္ဒပြမှု မြင်ကွင်းများ ဖြစ်သည်။ YPI Facebook တွင် ဖော်ပြထားသော ဓာတ်ပုံများကို ကူးယူ ဖော်ပြခြင်း ဖြစ်သည်။
ဖယောင်းတိုင်ဖြင့် ဆန္ဒထုတ်ဖေါ်သည့် လှုပ်ရှားမှုကို ပေါင်းတည်မြို့ အန်အယ်လ်ဒီပါတီဝင် အချို့က ဦးဆောင်ကြသည်ဟုလည်း မြို့ခံတဦးက ပြောသည်။
ပေါင်းတည်မြို့ခံ ဦးဝင်းနိုင်က “ ည ၇နာရီလောက်မှာ ရန်ကုန် ပြည် ကားလမ်းမကြီးနံဘေး၊ မြို့ရဲ့ ဈေးရုံထိပ်မှာ လူစုပြီး ဖယောင်းတိုင်နဲ့ ဆန္ဒပြခဲ့ကြတာ” ဟု YPI သို့ ပြောသည်။
တနာရီခန့်အကြာ ဆန္ဒထုတ်ဖေါ်ပြီးနောက် လျှပ်စစ်မီး ပြန်လာသည့်အတွက် ရုပ်သိမ်းလိုက်ကြသည်ဟုလည်း ၎င်းကပြောသည်။ အာဏာပိုင်များက ထိန်းထိန်းသိမ်းသိမ်း ဆောင်ရွက်သည်ကို တွေ့ရကြောင်း၊ မှတ်တမ်းတင် ဓါတ်ပုံများ ရိုက်ယူမှုတော့ ရှိခဲ့သည်ဟုလည်း မြို့ခံ ဦးဝင်းနိုင်က ပြောပြသည်။
လောလောဆယ် ပေါင်းတည်မြို့တွင် လျှပ်စစ်ဓါတ်အား ရရှိမှု အခြေအနေမှာ တရက်လျှင် စုစုပေါင်း ၄/၅ နာရီ ၀န်းကျင်သာ ရှိသည်ဟုလည်း ၎င်းက ဆိုသည်။
လျှပ်စစ်မီးရရှိရေး ဖယောင်းတိုင်ဖြင့် ဆန္ဒထုတ်ဖေါ်ခြင်းကို မေလ ၂၀ ရက်နေ့တွင် မန္တလေးမြို့မှ စတင်လိုက်ခြင်းဖြစ်ပြီး ရက်အနည်းငယ်အကြာတွင် ရန်ကုန်မြို့တွင်လည်း စတင်ခဲ့ကြသည်။
ယနေ့ညဦးပိုင်းက ရန်ကုန်မြို့ မြို့တော်ခန်းမ အနီးနှင့် တောင်ဒဂုံမြို့နယ်တို့တွင် ဖယောင်းတိုင် ဆန္ဒထုတ်ဖေါ်ပွဲ ဒုတိယနေ့ကို ပြုလုပ်ခဲ့ကြသည်။ အစိုးရက လျှပ်စစ်မီး ပေးဝေနိုင်မှု အခြေအနေနှင့်ပတ်သက်၍ ပြည်သူလူထုသို့ ပန်ကြားချက် တစောင်ကို တမြန်နေ့က ထုတ်ပြန်ခဲ့သည်။ ။
YPI = Yangon Press International http://www.facebook.com/ygnpress
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။