တရားဥပဒေ စိုးမိုးရေး တဖွဖွပြောနေတဲ့ NLD အနေနဲ့ ပိုပြီး လိုက်နာ သင့်ကြောင်း အမျိုးသား ဒီမိုကရေစီ ပါတီသစ် ခေါင်းဆောင် ရှေ့နေကြီး ဦးသိန်းညွန့်က ပြောကြားလိုက်ပါတယ်။
လွှတ်တော်ထဲမှာ အင်အား ၆% တောင် မရှိတဲ့ NLD ပါတီဟာ လွှတ်တော်မတက်ပဲ သပိတ်မှောက်လျှက်ရှိနေချိန်မှာ ဦးသိန်းညွန့်က ခုလိုပြောကြားလိုက်တာ ဖြစ်ပါတယ်။ ဒါ့အပြင် NLD လွှတ်တော်ထဲရောက်ရန်အတွက် လွှတ်တော်ကိုယ်စားလှယ် ဖြစ်မြောက်ရေးဆိုင်ရာ နည်းဥပဒေအတိုင်းလုပ်ရန်၊ ဒေါ်အောင်ဆန်းစုကြည် နဲ့ NLD အနေနဲ့ ရွေးကောက်ပွဲ မဝင်ခင်ကတည်းက စဉ်းစားရမယ့်ဟာ ကို စဉ်းစားခဲ့ပဲနဲ့ ခုမှ ကကျီကကြောင် လုပ်နေကြောင်း လည်း ထောက်ပြဝေဖန်ခဲ့ပါတယ်။
ဒါ့အပြင် အခြေခံဥပဒေကို ပြင်လိုပါက အခြေခံဥပဒေပါ အခန်း (၁၂) အရ သာ ပြင်သင့်ကြောင်း ရှေ့နေဦးသိန်းညွန့်က ရှင်းပြခဲ့ပါတယ်။ ဒေါ်အောင်ဆန်းစုကြည်အနေနဲ့ အခြေခံဥပဒေ ကို လွှတ်တော်ထဲမှ မပြင်ပဲ လမ်းပေါ်ထွက်ပြင်မယ် ဆိုရင်တော့ လွန်ခဲ့တဲ့ နှစ်ပေါင်း ၂၀ ကျော် တုန်းက ဘာတခုမှ မအောင်မြင်ခဲ့သလိုပဲ ဖြစ်နေမှာ ဖြစ်ကြောင်းကို ထောက်ပြ ပြောကြားခဲ့ပါတယ်။
ဦးသိန်းညွန့်ဟာ ယခင်က NLD ပါတီဝင် တစ်ဦးဖြစ်ပြီး နောက်ပိုင်းပါ NLD ပါတီရဲ့ ညံ့ဖျင်းမှုတွေနဲ့ ဒေါ်အောင်ဆန်းစုကြည်ရဲ့ အရည်အချင်းမရှိမှုတွေကြောင့် ပါတီကနေ ထွက်ခွာသွားသူ ဖြစ်ပြီး ဟီလာရီကလင်တန် လာတုန်းကလည်း တွေ့ခဲ့သူ ဖြစ်ပါတယ်။ NLD ပါတီမှ လက်တလော ကျင်းပနေတဲ့ လွှတ်တော်ကို သပိတ်မှောက်ကာ မတတ်ကြဘူးလို့ ပြောနေကြပေမယ့် NLD ပါတီဝင် တစ်ဦးဖြစ်တဲ့ ဒေါက်တာ မြတ်ဥာနစိုးကတော့ ပါတီဥက္ကဌ ဒေါ်အောင်ဆန်းစုကြည်၏ စကားကို နားမထောင်ပဲ လွှတ်တော်တတ်နေတာကို တွေ့ရပါတယ်။
Myanmar Express
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။