မြန်မာအပေါ် ပိတ်ဆို့မှု ရုပ်သိမ်းဖို့ အမေရိကန် မရည်ရွယ်

မြန်မာအစိုးရအပေါ် ပိတ်ဆို့ အရေးယူထားတာတွေကို လုံးဝ ပြန်လည်ရုပ်သိမ်းဖို့ အမေရိကန်အစိုးရမှာ ရည်ရွယ်ချက် မရှိကြောင်း အရှေ့အာရှနဲ့ ပစိဖိတ်ဒေသဆိုင်ရာ အမေရိကန် လက်ထောက်နိုင်ငံခြားရေး ၀န်ကြီး မစ္စတာ Kurt Campbell က ပြောလိုက်ပါတယ်။

RFA

၂၀၁၂ ခုနှစ် ဧပြီလ ၂၅ ရက်က ၀ါရှင်တန် ဒီစီ မြို့တွင် ကျင်းပသည့်

မြန်မာပြည်ဆိုင်ရာ အမေရိကန်မူဝါဒ သုံးသပ်ရေး ကြားနာပွဲတွင်

မစ္စတာ Kurt Campbell စကားပြောဆိုနေစဉ်။

ဝါရှင်တန် ဒီစီ မြို့မှာ မနေ့က ကျင်းပတဲ့ မြန်မာပြည်ဆိုင်ရာ အမေရိကန်မူဝါဒ သုံးသပ်ရေး ကြားနာပွဲမှာ ပြောဆိုခဲ့တာပါ။

အဲဒီကြားနာပွဲမှာ Mr. Kurt Campbell က - သမ္မတ ဦးသိန်းစိန်ရဲ့ ပြုပြင်ပြောင်းလဲမှုတွေအပေါ် မိမိတို့ ကြိုဆိုပေမဲ့ တချို့ နေရာတွေမှာ ပိတ်ဆို့ အရေးယူတာကို မရုပ်သိမ်းပါဘူး။ ရိုးရိုးသားသား ပြောရရင်တော့ ပိတ်ဆို့ အရေးယူမှုတွေကို လုံးဝရုပ်သိမ်းပေးဖို့ အစီအစဉ် မရှိပါဘူးလို့ Mr. Kurt Campbell က ပြောဆိုခဲ့ပါတယ်။

ပြုပြင် ပြောင်းလဲမှုတွေဟာ အရင်အတိုင်း ပြန်လှည့်သွားတာမျိုး၊ အပြောင်းအလဲတွေ တုံ့ဆိုင်းနေတာမျိုးတွေ ဖြစ်လာရင် ပိတ်ဆို့ အရေးယူထားတဲ့ အချက်တွေကို မူလအတိုင်း ဆက်ထားရှိဖို့ လိုအပ်လာမယ်ဆိုတာ မိမိတို့ ထည့်သွင်း စဉ်းစားထားပြီး ဖြစ်ပါတယ်လို့လည်း ပြောပါတယ်။

ဒါ့အပြင် မြောက်ပိုင်း ကချင်ပြည်နယ်က တိုက်ပွဲတွေမှာ ဒေသခံတွေအပေါ် မြန်မာစစ်တပ်က လူ့အခွင့်အရေး အကြီးအကျယ် ချိုးဖောက်နေတဲ့ သတင်းတွေကို ကြားသိနေရကြောင်း၊ နိုင်ငံရေးအကျဉ်းသား ၅၀၀ ကျော်ကို မြန်မာအာဏာပိုင်တွေက ပြီးခဲ့တဲ့ အောက်တိုဘာလထဲမှာ လွှတ်ပေးခဲ့ပေမဲ့ အနည်းဆုံး ရာနဲ့ချီပြီး ကျန်ရှိနေသေးတယ်လို့လည်း Mr. Campbell က ပြောဆိုပါတယ်။

မြန်မာ့အရေး ဆောင်ရွက်နေတဲ့ US Campaign for Burma အဖွဲ့က ဦးဆောင်ညွှန်ကြားရေးမှူး ဦးအောင်ဒင်က ထွက်ဆို သွားခဲ့ရာမှာလည်း အမေရိကန် အစိုးရ အရာရှိကြီးတွေရဲ့ပျက်ကွက်မှုတွေကို ပြောဆိုသွားခဲ့ပါတယ်။

ဝါရင့်ကျောင်းသား ခေါင်းဆောင်တွေ၊ ဒေါ်အောင်ဆန်းစုကြည်ရဲ့ ပါတီခေါင်းဆောင်တွေ၊ တိုင်းရင်းသားအဖွဲ့ဝင်တွေနဲ့ တိုင်ပင်နှီးနှော ဆွေးနွေးတာမျိုး မလုပ်ဘဲ ရင်းနှီးမြှုပ်နှံမှုနဲ့ ငွေကြေးဆိုင်ရာ ပိတ်ဆို့အရေးယူမှုတွေကို လျော့ပေါ့ပေးလိုက်တဲ့ အချက်ကိုလည်း ထောက်ပြသွားခဲ့ပါတယ်။

မူရင်းသတင်းက ဒီမှာပါ။