ကြားဖြတ် ရွေးကောက်ပွဲတွင် ကြိုတင်မဲနှင့် ပတ်သက်၍ ပါတီများ၏ ကန့်ကွက်မှု မရှိခဲ့ကြောင်း ကိုယ်စားလှယ်လောင်း များနှင့် မြို့နယ်ရွေးကောက်ပွဲ ကော်မရှင်များ ထံမှ သတင်း ရရှိသည်။
”ကျွန်တော်တို့ မြို့နယ်မှာ ကြိုတင်မဲကို မြို့နယ်ကော်မရှင် ဥက္ကဋ္ဌ ကိုယ်တိုင် အရွက်ရေကို စိစစ်ပြီးမှ ခွင့်ပြုတာမို့ ကြိုတင်မဲ နဲ့ ပတ်သက်ပြီး ပြဿနာ တစ်စုံ တစ်ရာ မရှိခဲ့ပါဘူး” ဟု မရမ်းကုန်း မြို့နယ် ကော်မရှင်မှ အတွင်းရေးမှူး ဦးအောင်ဇင်ဦး က ဧပြီ ၃ ရက် တွင် ပြောသည်။
ယခု ကြားဖြတ်တွင် ၂ဝ၁ဝ ခုနှစ် ကကဲ့သို့ ကြိုတင်မဲ မများခြင်း၊ မဲ ဆန္ဒရှင်များ ကိုယ်တိုင်က ကြိုတင်မဲ မပေးဘဲ မဲရုံများ သို့ ကိုယ်တိုင်သွားပေး လိုကြခြင်း စသည် တို့ကြောင့် ကြိုတင်မဲ များနှင့် ပတ်သက်၍ ပါတီများ က ကန့်ကွက်မှု မရှိခဲ့ ကြခြင်းလည်း ဖြစ်ကြောင်း ကော့မှူး အမျိုးသား ဒီမိုကရေစီ အဖွဲ့ချုပ် အောင်နိုင်ရေး ရုံးမှ တာဝန်ရှိသူ တစ်ဦးက လည်း ပြောသည်။
”တချို့က ကြိုတင် မဲပေးချင် တာတောင် မပေးဘဲ မဲရုံကိုပဲလာ ပေးကြတယ်။ အဲဒါကြောင့် ကြားဖြတ်မှာ ကြိုတင် မဲ ပြဿနာ မရှိ ခဲ့တာ” ဟု ၄င်းကပြောသည်။
ကြားဖြတ် ရွေးကောက်ပွဲသည် လွတ်လပ်ပြီး တရားမျှတသည် ဟု ထင်မြင်ကြောင်း၊ အချို့ မဲရုံများတွင် အသက် မပြည့်သေး သူများက မဲလာ ထည့်ခြင်းမျိုး တွေ့ခဲ့ရသော်လည်း ကြိုတင်မဲနှင့် ပတ်သက်၍ မူကန့်ကွက်စရာ မရှိကြောင်း၊ မင်္ဂလာ တောင်ညွန့် မြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ကိုယ်စားလှယ်လောင်း ဒေါ်လဲ့လဲ့အေး က လည်းပြောသည်။
မြို့နယ် အလိုက် ကြိုတင်မဲများ တွင်လည်း အမျိုးသား ဒီမိုကရေစီ အဖွဲ့ချုပ်က အများဆုံး ရရှိခဲ့ပြီး အခြားပါတီ များက ကန့်ကွက်မှုများ လည်း မရှိကြောင်း သုံးခွ ဒီချုပ် အောင်နိုင်ရေးရုံးမှ တာဝန်ရှိသူ တစ် ဦးက လည်းပြောသည်။
”၂ဝ၁ဝ တုန်းကတော့ ကြို တင်မဲက သောင်းနဲ့ချီပြီး ထွက်သွား တာလေ။ အခုလက်ရှိ အတိုင်း အတာကတော့ လက်ခံ လို့ ရပါတယ်” ဟု ၄င်းက ပြောကြားခဲ့သည်။
မန္တလေး တိုင်းဒေသကြီးတွင် လည်း ကြိုတင်မဲ ၃၁၂ မဲရှိသည့် အနက် ဒီချုပ်က ၂၂၈ မဲဖြင့် အများ ဆုံး ရရှိခဲ့သည်။
”ကြိုတင်မဲက နည်းတဲ့ အတွက် ကျေနပ်ပါတယ်။ ဒါနဲ့ ပတ်သက်ပြီး ဘာမှ ပြောစရာ မရှိပါဘူး” ဟု မန္တလေးတိုင်း ဒေသ ကြီး တိုင်းရင်း သားစည်းလုံး ညီညွှတ်ရေး ပါတီ ကိုယ်စားလှယ် ဦးထွန်းကြည်က ပြောကြားသည်။
၂ဝ၁ဝ ခုနှစ်က ပြုလုပ်ခဲ့သော ရွေးကောက်ပွဲတွင် ကြိုတင်မဲ ပြဿနာ ကြီးထွားခဲ့ပြီး ဝင်ရောက် ယှဉ်ပြိုင်သော ပါတီများ က ကန့်ကွက် ပြောဆိုမှု များရှိခဲ့သည်။
မေဇင်ဝင်း
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။