မန်းမြေရာဇာ တိုက်၊ ခြံ၊ အိမ်၊မြေ ရောင်းဝယ်ရေးနှင့် မြေ အကျိုး တော်ဆောင် လုပ်ငန်း မိသားစုတို့၏ သာသနာ့ သီရိကောဝိဒါရာမ နှစ်ထပ် ကျောင်းတိုက်ကြီး၊ မဟာသန္တိသုခ သိမ်တော်ကြီး၊ ဝေနေယျ သိဒ္ဓိ ဆွမ်းစားကျောင်းများ ရေစက်သွန်းချ လှူဒါန်းခြင်း၊ ရဟန်းသံဃာ ၃ဝပါး၊ ရှင်လောင်း ၁၁၁ ပါး ရဟန်းခံ ရှင်ပြု အလှူတော် မင်္ဂလာနှင့် ဒုတိယ အကြိမ်မြောက် သက်ကြီး ဘိုးဘွား ၃ဝဝ တို့အား လှူဒါန်း ပူဇော် ကန်တော့ပွဲကို ဧပြီလ ၄ ရက်နေ့တွင် ဧရာဝတီတိုင်း ဒေသကြီး ငပုတောမြို့နယ်၊ တမန်ချောင်း ကျေးရွာတွင် ကျင်းပခဲ့သည်။
အဆိုပါ လှူဒါန်းပွဲမှာ ကျေးလက်ဒေသ ဖွံ့ဖြိုးရေး၊ အမျိုးဘာသာ သာသနာ ထွန်းကားရေး အတွက် ပညာရေး၊ လူမှုရေး၊ လျှပ်စစ်မီး၊ လမ်း၊ အဆောက်အဦး စသည့် ကဏ္ဍ အသီးသီး အတွက် စုစုပေါင်း ကျပ်သိန်း ၈၅ဝဝကျော် အကုန် အကျခံ လှူဒါန်းသည့် ပွဲဖြစ်ကြောင်း နှင့် ဧပြီ လ ၃ ရက် အလှူဝင်နေ့မှ စ၍ ၈ ရက်နေ့ အထိ ကျင်းပ မည် ဖြစ်ကြောင်း သိရသည်။
အမျိုးဘာသာ သာသနာ အတွက် ကြိုးစား မြှင့်တင်ပေးရန်၊ မလှူဖူးသော အလှူကို လှူလျှင် မရဖူးသော ကုသိုလ် ရလိမ့်မည် ဟူသော ခံယူချက်ဖြင့် ဤသို့လှူဒါန်းရာ တွင် ခြင်္သေ့ကဲ့သို့ ရဲရင့်သော စိတ်ဓာတ်၊ သိန္နောမြင်းကဲ့သို့ လျင်မြန် ဖြတ်လတ်ခြင်း၊ ဆင်ကဲ့သို့ သွားရာတွင်လမ်း ဖြစ်ခြင်းနှင့် နွားလား ဥသဘကဲ့သို့ ကြီးလေးသော ဝန်ကို ထမ်းရွက် နိုင်ခြင်း စသည့် အင်အား တို့ဖြင့် လှူဒါန်းခဲ့ ပါကြောင်း အလှူရှင် ဦးကျော်ဝင်းနှင့် ဇနီး ဒေါ်မြင့်မြင့်သန်း တို့က ဆိုသည်။
၎င်းတို့ လှူဒါန်းမှုတွင် သာသနာ့ သီရိကောဝိဒါရာမ ကျောင်းတော်ကြီး အတွက် ကျပ် သိန်း ၉ဝဝ အပါအဝင် ကျေးရွာ ကွန်ကရစ်လမ်း ခင်းခြင်း၊ လျှပ်စစ်မီး ရရှိရန် မီးစက်များ လှူဒါန်းခြင်း၊ သစ်ပင် စိုက်ပျိုးခြင်း၊ စာကြည့်တိုက် ကွန်ပျူတာနှင့် အထောက်အကူ ပစ္စည်များ လှူဒါန်းခြင်း တို့လည်း ပါဝင်ပြီး စုစုပေါင်း ကျပ် ၈၅၃၄ သိန်း ကုန်ကျမည် ဖြစ်ကြောင်း သိရသည်။
အလှူဝင်နှင့် အလှူကြီးရက် များတွင် မန္တလေး သိန်းဇော်၊ ဒေါ် တင်တင်မြ၊ နန်းဝင်း၊ ဟင်္သာတ ထွန်းရင် အပါအဝင် နိုင်ငံကျော် တေးသံရှင်များ၊ ဟာသ လူရွှင်တော် ဦးချစ်စရာ နှင့် အဖွဲ့၊ မန္တလေးမြို့မှ ရွှေတံဆိပ်များ ဆုရှင် သမီး စောင်းမူမူသိန်း အဖွဲ့တို့မှ ဖျော်ဖြေခဲ့သည်။ ၄င်း အပြင် ဧပြီလ ၉၊ ၁ဝ ရက် များတွင် လှူ ဒါန်း အောင်မြင်ခြင်း အထိမ်းအမှတ် အဖြစ် ရွှေမန်းသဘင် ဇာတ်အဖွဲ့နှင့် မင်းသား ကျော်ကျော်ဗို တို့က ဖျော်ဖြေမည် ဖြစ်ကြောင်း သိရသည်။
အလှူရှင် ဦးကျော်ဝင်း သည် ဧရာဝတီတိုင်း ဒေသကြီး၊ ငပုတော မြို့နယ်၊ မန်ကျည်းပင် ကျေးရွာ ဇာတိ ဖြစ်ပြီး အငြိမ်းစား တပ်မတော်သား တစ်ဦး ဖြစ်ကာ မန်းမြေ ရာဇာ အိမ်၊ ခြံ၊ မြေ အကျိုးတော်ဆောင် များ ကုမ္ပဏီ၏ ဥက္ကဋ္ဌ ဖြစ်သည်။
AKS
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။