KNU ကိုယ်စားလှယ်အဖွဲ့နှင့် မိတ်ဆက်ဧည့်ခံပွဲ
အစိုးရနှင့် အပစ်အခတ်ရပ်စဲရေး ဒုတိယအကြိမ် ဆွေးနွေးရန်အတွက် ရောက်ရှိနေသော KNU ကိုယ်စားလှယ်အဖွဲ့နှင့် မိတ်ဆက်ဧည့်ခံပွဲတွင် ရန်တိုင်းအစိုးရ ဝန်ကြီးချုပ် ဦးမြင့်ဆွေ (ဝဲ)၊ KNU အထွေထွေအတွင်းရေးမှူး နော်စီဖိုးရာစိန် (အလယ်)နှင့် နော်မေဦးမုတြော် (ယာ)တို့အား ဧပြီလ ၅ ရက်နေ့ ညနေက ရန်ကုန်မြို့ ဆီဒိုးနားဟိုတယ်တွင် တွေ့ရစဉ်။ (ဓါတ်ပုံ - မဇ္ဈိမ)
“၈ ရက်နေ့ တွေ့မယ်လို့ သိရပါတယ်။ တခြားတော့ ဘာမှမသိရသေးပါဘူး။ အစောကြီးကတည်းက ကျနော်တို့ တတ်နိုင်တဲ့ဘက်ကနေ လုပ်ပေးမယ်ဆိုပြီး ပြောနေတာ ကြာလှပါပြီ” ဟု ပါတီပြောခွင့်ရ ဦးဟံသာမြင့် က မဇ္ဈိမကို ပြောသည်။
အထွေထွေအတွင်းရေးမှူး နော်ဇီဖိုးရာစိန် ခေါင်းဆောင်သည့် KNU ကိုယ်စားလှယ်အဖွဲ့သည် အစိုးရ၏ ပြည်ထောင်စု ငြိမ်းချမ်းရေးဆွေးနွေးရေး အဖွဲ့နှင့် ဒုတိယအကြိမ် ဆွေးနွေးရန် ရောက်ရှိနေကြခြင်းဖြစ်သည်။
အစိုးရအား ၆၃ နှစ်ကြာ လက်နက်ကိုင် တိုက်ခဲ့သည့် KNU မှာ ဇန်နဝါရီလ ၁၂ ရက်နေ့က အစိုးရနှင့် အပစ်အခတ် ရပ်စဲရေး ပဏာမ သဘောတူ လက်မှတ်ရေးထိုးနိုင်ခဲ့ပြီး သောကြာနေ့ ဆီဒိုးနားဟိုတယ်တွင် အစိုးရနှင့် အသေးစိတ် အချက်အလက်များအား ဆက်လက်ဆွေးနွေးကြမည် ဖြစ်သည်။
တိုင်းရင်းသားလက်နက်ကိုင်များနှင့်ပတ်သက်၍ သမ္မတ ဦးသိန်းစိန်အစိုးရအနေဖြင့် အဆင့်သုံးဆင့် ချမှတ်ပြီး ပြည်တွင်းငြိမ်းချမ်းရေး ရရှိရန် ဆောင်ရွက်နေရာ ပြည်နယ်အဆင့် အပစ်အခတ်ရပ်စဲပြီးနောက် ပါတီများထူထောင်ပြီး လွှတ်တော်ထဲ ဝင်ရောက်ကာ ဆွေးနွေးရန် ဖြစ်သည်။
NLD အနေဖြင့်လည်း ကြားဖြတ်ရွေးကောက်ပွဲ ကြွေးကြော်သံတခုအဖြစ် ပြည်တွင်းငြိမ်းချမ်းရေးအတွက် ဆောင်ရွက်မည်ဟု ဆိုထားပြီး တတ်နိုင်သရွေ့ ပါဝင်ကူညီဆောင်ရွက်ပေးမည်ဟု ဒေါ်အောင်ဆန်းစုကြည်က ကမ်းလှမ်းထားသည်။
KNU မှ ခွဲထွက်အဖွဲ့တခုဖြစ်သည့် ဗိုလ်ချုပ်ထိန်မောင် ၏ ကရင်ငြိမ်းချမ်းရေးကောင်စီ နှင့်လည်း တကြိမ်တွေ့ဆုံခဲ့ဖူးပြီး ဖြစ်ကြောင်း NLD ပြောခွင့်ရ ဦးအုန်းကြိုင်က ပြောသည်။
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။