ရွေးကောက်ပွဲ တိုက်ရိုက် တင်ပြခြင်း (၃၂)

ကြားဖြတ်ရွေးကောက်ပွဲမှ အသံဗလံများ

ကြိုတင်မဲ လက်မှတ်များမှ လွဲပြီး လှည်းကူးမြို့နယ် တစ်မြို့နယ်လုံး၏ မဲလက်မှတ်များတွင် မဲရုံမှူးလက်မှတ်သာပါရှိပြီး ကော်မရှင်လက်မှတ်မပါရှိသဖြင့် မဲပေးသူများအကြား မိမိတို့၏ အသည်းကြားမှ မဲပြားများ ပယ်မဲဖြစ်သွားမည်ကို စိုးရိမ်ပူပန်မှုများ ရှိနေကြကြောင်း သတင်းများ ထွက်ပေါ်လာပြီး၊ ယင်းကို မြို့နယ်ကော်မရှင်က ထိုသို့မဖြစ်ပေါ်စေရန် တာဝန်ယူကြောင်းနှင့် ရပ်ကျေး မဲရုံမှူးများကလည်း ထိုသို့ဖြစ်ပေါ်မှုကို ကော်မရှင်သို့ အသိပေအကြောင်းကြားထားကြောင်း သိရသည်။

သို့ရာတွင် ယင်းသတင်းထွက်ပေါ်လာပြီး မကြာမီ မဲလက်မှတ်များပေါ်တွင် ကော်မရှင်၏ လက်မှတ်ကို အသားတံဆိပ်ဖြင့် ခပ်နှိပ်ပေးထားကြောင်း ဖြေရှင်းချက် ထွက်ပေါ်လာသည်ဟု သိရသည်။

တစ်ဖန် လှည်းကူးမှာပင် လေးနှစ်သားအရွယ် မောင်ဟိန်းထက်အောင် ဆိုသူ ကလေးလေး မဲစာရင်းတွင် ပါဝင်နေသဖြင့် ကလေးမိခင်ဖြစ်သူပါ NLD အောင်နိုင်ရေးရုံးသို့ ရောက်ရှိလာကြောင်း၊ ထိုနည်းတူ ဒေါ်အုန်းကြွယ်ဆိုသူ အမျိုးသမီးသည် သေစာရင်းထဲပါနေသော်လည်း မဲစာရင်းတွင် ပါရှိနေကြောင်း သို့ဖြစ်သည့်အတွက် ကော်မရှင်ရုံးသို့ သွားရောက်ဖြေရှင်းနေကြောင်း သိရသည်။ အလားတူပင်မဲစာရင်းတွင် ပါဝင်နေသော်လည်း မဲမပေးရသူ ၃၀မှ ၄၀ခန့်အထိ ရှိနေကြောင်း သိရသည်။

လှည်းကူး၊ သီတာအေးရပ်ကွက် မဲရုံတွင် ဇနီးဖြစ်သူ ကြံ့ခိုင်ရေးပါတီဝင်က မဲရုံတာဝန်ကျပြီး၊ ခင်ပွန်းဖြစ်သူက ကော်မရှင်အဖွဲ့ဝင် ဖြစ်နေသဖြင့် ယင်းရပ်ကွက်မှ မဲပေးသူများအကြား စိတ်ကသိကအောက်ဖြစ်မှုများ ခံစားကြရကြောင်း သိရသည်။

ကော့မှူးမြို့နယ်၊ သရက်တောကျေးရွာတွင်လည်း လူ၂၀ခန့် မဲမပေးရလိုက်ဘဲ ဖြစ်နေခဲ့ပြီး၊ သမင်ခြံကျေးရွာတွင် မဲရုံတာဝန်ကျသူများက ကြိုတင်မဲစာရင်း ထုတ်ပြန်ပေးခြင်း မရှိကြောင်းသိရသည်။

ထိုကဲ့သို့ပင် မဲစာရွက်များပေါ်မှ NLD ပါတီ၏ မဲပေးခြစ်ရမည့် ဧရိယာတွင် ဖယောင်းများ ကပ်ထားပြီး ဘောလ်ပင်ဖြင့် မဲပေးအမှန်ခြစ်ပါက အရာမထင်စေရန်နှင့် ဖယောင်းသုတ်ထားသည့်အတွက် ဘောလ်ပင်ဖြင့် ခြစ်ပါက တစ်ကြိမ်ခြစ် မထင် နှစ်ကြိမ်ခြစ်မထင်ဖြစ်ကာ အစွန်းအထင်း ဖြစ်ပါက ပယ်မဲဖြစ်စေရန် ရည်ရွယ်လုပ်ဆောင်ထားမှုများ ရှိနေသည်ဟု ကော့မှူး၊ မင်္ဂလာတောင်ညွန့်မဲဆန္ဒနယ်မြေများတွင် ထွက်ပေါ်ခဲ့ကြောင်း သိရသည်။

မိတ္ထီလာတွင်မူ တပ်နယ်မြေများမှ တပ်မတော်သားများအား တပ်ရင်းမှူးက ကြံ့ခိုင်ရေးကိုသာ မဲပေးရမည်ဟု ဖိအားပေးစေခိုင်းသဖြင့် အင်န်အယ်လ်ဒီကိုယ်စားလှယ် ဦးဝင်းတင်(မိတ္ထီလာ) လိုက်လံဖြေရှင်းပေးခဲ့ရကြောင်း သိရသည်။ သုံးခွမြို့နယ်အတွင်းရှိ မဲဆန္ဒနယ်များမှ မဲရုံကိုယ်စားလှယ်များကမူ မီဒီယာသမားများကို နွေးနွေးထွေးထွေးဆက်ဆံပြီး၊ မဲရုံအတွင်း ဓာတ်ပုံရိုက်ခွင့်၊ ၀င်ရောက်လေ့လာခွင့်များပြုခဲ့ကြောင်း သတင်းသမားများက မှတ်ချက်ပြုကြသည်ကို တွေ့ရသည်။

ယင်းအပြင် သုံးခွ၊ တာဆုံကျေးရွာရှိ မဲရုံများတွင် မဲပေးသူများကို အသံချဲ့စက်ဖြင့် မဲလာရောက်ပေးနိုင်ပါပြီဆိုသည့်အကြောင်း ကြေညာပေးခဲ့ကြကြောင်း သိရသည်။

Yangon Media Group

ကော့မှူးမြို့ နောင်လုံကျေး၇ွာ ရေကျော်ကျေးရွာအုပ်စု တွင်နေ့လည်၁၂နာရီကျော်တွင်မဲပေး သူများအပြီးပေးပြီးသွားသဖြင့် မဲရုံပိတ်ကာမဲရေသောအခါတွင် အန်အယ်ဒီ 217မဲ၊ပြည်ခိုင်ဖြိုး 37မဲ၊ပယ်မဲ 2 မဲ၊ညီညွတ်ရေးပါတီ ဦးတင်ရီ ရမဲမရှိဟုအဖြေထွက်ကြောင်းနောက်ဆုံးရသတင်းများအရသိရပါသည်။ ယင်းအရေအတွက်အရထိုမဲရုံတွင်အန်အယ်ဒီပါတီသည် မဲ84.76% ဖြစ်သည်ဟု ဆိုပါသည်။ကော့မှုးမြို့နယ်တွင်မဲပေးခွင့်ရှိသူ 87719ဦးမဲရုံပေါင်း129ရုံကျေးရွာအုပ်စု 62စုတို့ဖြစ်ကြောင်းသိရသည်။

Yangon Media Group

မူရင်းလင့်က ဒီမှာပါ။