/*FB*/
/*FB*/
ကြွရောက်လာသူအပေါင်း ကိုယ်စိတ်နှစ်ဖြာ ကျမ်းမာချမ်းသာကြပါစေ

Tuesday, December 23, 2014

.

ပြည်သူတွေကို ခြောက်လှန့်နေသလား....မင်းဒင်



ယခုတစ်လော မြန်မာနိုင်ငံရေးနဲ့ပတ်သက်လို့ အပြု သဘောနှင့်ရေးမည့်အစား အပျက်သဘော နဲ့ ရေးနေ တဲ့ဂျာနယ်တွကပေါ မှပေါ။ မောင်သုတ လည်း ကောင်းနိုးရာရာဂျာနယ်တွေ ရွေးဖတ်နေရ ပါတယ်။ နိုဝင်ဘာလ ၈ ရက်နေ့Messenger ဂျာနယ်မှာ စာရေးဆရာ မင်းဒင် က ““ မုန်တိုင်း ထန် တော့ မည့်မြန်မာပြည် ”” ဆိုပြီး ကြောက်မက်ဖွယ်ကောင်း သည့် ခေါင်းစဉ် တပ်ထားတဲ့ဆောင်းပါးကို ဖတ်လိုက်ရပါတယ်။

မင်းဒင်က ဘာတွေရေးထားသလဲဆိုတော့ ““လက်ရှိအခြေအနေအတိုင်းဆိုလျှင် ဒီမိုကရေစီ သနေ်္ဓ တည်စ မြန်မာပြည်ရှေ့ရေးသည် အလွန်တရာရင်လေးဖွယ်ကောင်းလှသည်တဲ့။ ပြီးတော့ ဆက်ရေး ထားတာက အာဏာလက်ကိုင်ရှိနေသူများအဖို့ ယခုအခြေအနေတိုင်းသာဆင်ခြင်တုံတရားမဲ့ ဆောင်ရွက် မှုများဖြင့် ရှေ့ခရီးဆက်နေကြပါမူ မကြာသောကာလများအတွင်း တိုင်းပြည်ကို ကောင်းစား စေ လိုသော ပြည်သူလူထုကြီးအင်အားကို မလွဲမသွေရင်ဆိုင်ကြရပေလိမ့်မည်။ ယင်းအခြေအနေသည် တိုင်းပြည်နှင့်လူထုအတွက် မုန်တိုင်းဖြစ်သကဲ့သို့ အုပ်စိုးသူတို့အတွက်လည်း လောင်မီးမိုးကြိုးကျသည့် အခြေအနေတစ်ရပ်ဖြစ်လာနိုင်ပါသည် ””ဟုဆိုပြီး ၎င်းင်း၏အဖျက်သဘောဆောင်သည့်အမြင်ဖြင့်ရေးထား တာကိုဖတ်ရပါတယ်။

ဖွဲ့စည်းပုံအခြေခံဥပဒေနှင့်အညီ ရွေးချယ်တင်မြှောက်ခံထားရတဲ့ လက်ရှိအစိုးရအဖွဲ့ဟာ နိုင်ငံတော် တစ်ဝန်း စတင်တာဝန်ထမ်းဆောင်ခဲ့တဲ့ ၂၀၁၁ ခုနှစ်ကတည်းက နိုင်ငံရေးပြုပြင်ပြောင်းလဲမှု၊ ငြိမ်းချမ်းရေး တည်ဆောက်မှုလုပ်ငန်းများကို အရှိန်အဟုန်ဖြင့်ဆောင်ရွက်လျက်ရှိတာကို မင်းဒင်လေ့လာ မထားလေရော့ သလား၊ ဒါမှမဟုတ် သိလျက်နဲ့မုန်လာဥလုပ်နေတာလား။ ပုဂ်္ဂိုလ်ရေးအခြေခံတဲ့ ဆွေးနွေးပွဲ မလုပ်တာ ကိုလည်း မင်းဒင်က ဝေဖန်ထားသေးတယ်။ နိုင်ငံရေးဆွေးနွေးတယ်ဆိုတှာုInstitutions ပေါင်းစုံ ပါဝင်မှသာ ပကတိအခြေအနေကို ဆွေးနွေးဖော်ထုတ်နိုင်မှာပါ။ ပုဂ်္ဂိုလ်ရေးကို အခြေခံပြီးဆွေးနွေးလို့ရှိရင် ပုဂ်္ဂိုလ်ရေးခံစားချက်နှင့် အမြင်သဘောထားများသာရရှိနိုင်တာကို မင်းဒင် တွေးမှတွေးမိရဲ့လားမသိဘူး။

မင်းဒင်တို့ ကော်လံစားသမားတွေက နိုင်ငံနှင့်ပြည်သူ့အကျိုးကိုမငဲ့ကွက်ဘဲ မိမိရဲ့ကျဉ်းမြောင်းတဲ့ အမြင်နဲ့ ဝေဖန်အပြစ်တင်ပြီး ““ ဖွ ”” ဖို့လောက်ပဲရေးတတ်သလား။ ပြည်သူတွေ ထိတ်လန့်ကြောက် ရွံ့ အောင်၊ဝေေ၀၀ါးဝါးဖြစ်အောင် ဆောင်းပါးခေါင်းစဉ်တွေတတ်ပြီး ဂျာနယ်ရောင်းကောင်းအောင် လုပ်နေတာကလွဲလို့ တိုင်းပြည်နဲ့လူမျိုးအကျိုးပြုမယ့် စာကောင်းပေကောင်းလေးတွေ မရေးတတ်တော့ ဘူးလား။

ခင်ဗျားပြောသလို ““ မုန်တိုင်းထန်တော့မည့် မြန်မာပြည် ”” ဆိုတဲ့ခေါင်းစဉ်ကို ခွဲခြမ်းစိတ်ဖြာ ကြည့် ရအောင်။ ကျွန်တော်တို့နိုင်ငံဟာ ဆီးရီးယား၊ အီရတ်၊ ယူကရိန်းနှင့် အရှေ့အလယ်ပိုင်းဒေသတွေလို ကျီးလန့်စာစားဖြစ်နေပြီလား။ ခင်ဗျား ပြည်တွင်းပြည်ပဗဟုသုတလေ့လာထားလျှင်သိမှာပါ။ လက်ရှိ ကျွန်တော်တို့အစိုးရဟာ အမျိုးသားစည်းလုံးညီညွတ်ရေးအပြင် ၂၀၁၅ ခုနှစ် ရွေးကောက်ပွဲမှာအားလုံး ပါဝင်နိုင်ရေး ဘယ်လိုကြိုးပမ်းနေသလဲဆိုတာ မင်းဒင်မသိရော့လေသလား။

ခင်ဗျားတို့စာနယ်ဇင်း သမားတွေကို ဘယ်လောက်အထိဖြေလျှော့ပေးနေသလဲဆိုရင် မြန်မာနိုင်ငံမှာ အာဆီယံနိုင်ငံတွေ အကြားမှာ စာနယ်ဇင်းလွတ်လပ်ခွင့်တိုးတက်လာနေပြီဆိုတာ လက်ရှိငြင်းလို့မရတဲ့အမှန်တရားပဲ။ ခေတ်မီ တိုးတက်နေတဲ့စင်ကာပူမှာတောင် မီဒီယာလွတ်လပ်ခွင့်ဟာ မြန်မာနိုင်ငံထက် အများကြီးနိမ့်နေတယ် ဆိုတာကိုရော ခင်ဗျားသိရဲ့လား။ ခင်းဗျားတို့ပုဂ်္ဂိုလ်ရေးခံစားချက်ကိုရှေ့တန်းတင်လျက် ကိုယ့်ဆောင်းပါး ကိုလူဖတ်အောင်ရည်ရွယ်ပြီး ““ မုန်တိုင်းထန်တော့မည့် မြန်မာပြည် ”” လို့ခေါင်းစဉ်တတ်ထားတာကတော့ လက်တွေ့အခြေအနေနှင့် အံချော်နေပြီ။ ““ ပြည်သူတွေကို ခြောက်လှန့်နေသလား””လို့ပဲ မေးလိုက် ချင်တယ်.. မောင်မင်းဒင်ရယ်....။

မောင်သုတ

Credit : Here

No comments:

Post a Comment

မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။