မြန်မာနိ်ုင်ငံ၏ရေရှည်ပြောင်းလဲမှုအတွက် စစ်တပ်ပြု ပြင်ပြောင်းလဲရေးသည် အရေးပါ

(12 Jan 2014 ရက်စွဲပါ Huffington Post မှ Hungo Swire ရေးသားသော Military Reform is crucial for lasting change in Burma ကို ဘာသာပြန်ဆိုသည်)

(Hungo Swire သည် နိုင်ငံခြားရေးရုံးဝန်ကြီး ဖြစ်ပါသည်)

ဗြိတိန်နိုင်ငံသည် မြန်မာနိုင်ငံမှ ဒီမိုကရေစီနှင့် လူ့အခွင့်အရေးကို အားအကောင်းဆုံး ထောက်ခံအားပေးသူများတွင် တစ်ဦးအပါအဝင် ဖြစ်ပါသည်။ ထို အချက်သည် ကျွန်ုပ်တို့ နိုင်ငံမှ မြန်မာနိုင်ငံနှင့် ကိုယ်ရေးကိုယ်တာ အချိတ်အဆက်ရှိသူများ၊ ရာစုနှစ် တစ်ဝက်ခန့် အာဏာရှင်၏ ဖိနှိပ်မှုခံရသော မြန်မာပြည်သူများ၏ ခံစားရသည့် ဇာတ်ကြောင်းများကြောင့် စာနာမှုရှိ လာသူများကို စွမ်းအားများပေးပါသည်။

သို့သော် လွန်ခဲ့သည့် သုံးနှစ်မှစ၍ မြန်မာနိုင်ငံတွင် ရေရာမှုမရှိသေးသော်လည်း ကြိုဆိုရမည့် ပြုပြင်ပြောင်းလဲ ရေးများ စတင်လာခဲ့ပါသည်။ ထောင်ပေါင်းများစွာသော နိုင်ငံရေးအကျဉ်းသားများ လွှတ်ပေးခဲ့ပါသည်။ လူထု ရပိုင်ခွင့်အချို့၊ နိုင်ငံရေးအရ ပိုင်ဆိုင်ခွင့်အချို့ပြန်လည်ရရှိလာပါသည်။ အပစ်အခတ်ရပ်စဲရေး သဘောတူညီမှုများ ရှိလာပါသည်။ ကျွန်ပ်တို့သည် လေးနက်၍ သမိုင်းကြောင်းအရ အချိတ်အဆက်များကို အသုံးပြု၍ တိုင်းရင်းသား အုပ်စုများနှင့် ငြိမ်းချမ်းရေး ဆွေးနွေးခြင်း၊ ဒေါ်အောင်ဆန်းစုကြည်နှင့် အစိုးရတွေ့ဆုံ ဆွေးနွေးခြင်း၊ သန္ဒေ တည်စလွှတ်တော်စနစ် အခြေကျစေရန် တို့တွင်အားပေးမှုများ ပြုလုပ်ခဲ့ပါသည်။

ဤတိုးတက်မှုများကို ကျွန်ုပ်တို့ များစွာကြိုဆိုခဲ့သော်လည်း လုပ်ဆောင်ရန် များစွာရှိနေပါသေးသည်။ ဒီမိုကရေစီသို့ အရှိန်အဟုန်ဆက်လက် ထိန်းသိမ်းထားရန်နှင့် လူ့အခွင့်အရေး စိုးရိမ်ရမှုများကို ကိုင်တွယ်ဖြေရှင်းရန် တော့လိုပါသည်။ ထိုကိစ္စရပ်များကို ကျွန်ုပ်တို့ ပါဝင်ဦးစီးဦးဆောင်လုပ်ခဲ့သော နိုဝင်ဘာလက ကုလသမဂ္ဂ၏ ဆုံးဖြတ်ချက်က အသိအမှတ်ပြုခဲ့ ပြီး မြန်မာပြည်သူများကလည်း ဝင်ရောက်လုပ်ကိုင်ကြဖို့ အရေးကြီးပါသည်။

ဤတွင် အရေးကြီးလှသော အစိတ်အပိုင်းတစ်ခုမှာ စစ်တပ်ပြုပြင်ပြောင်းလဲရေး ဖြစ်ပါသည်။ မြန်မာစစ်တပ် သည်တိုင်းပြည်ကို နှစ်ပေါင်းငါးဆယ်နီးပါး အုပ်ချုပ်လာခဲ့ပြီး ယခုထိလည်း အာဏာအများစု ၎င်းထံတွင် ရှိနေပါ သည်။ ယခုအခါ စစ်တပ်၏ လူ့အခွင့်အရေးမှတ်တမ်းများနှင့် ပတ်သက်၍ တရားဝင်ရှိနေပြီး၊ စိုးရိမ်မှုများရှိနေ ချိန်တွင် ပိုမို၍ ကျယ်ပြန့်သော တိုးတက်မှုများအတွက် ၎င်းတို့၏ အခန်းကဏ္ဍမှာ အရေးပါနေဆဲ ဖြစ်ပါသည်။ လက်ရှိ အခြေခံဥပဒေ ပြင်ဆင်ရေးအတွက် ငြင်းခံနေမှုများကို ညွှန်ပြရမည် ဖြစ်ပါသည်။ လွှတ်တော်တွင် စစ်တပ်၏ အရွေးချယ်ခံမဟုတ်သော ၂၅% သည် အခြေခံဥပဒေ ပြင်ဆင်မှုမှန်သမျှကို ဗီတိုသုံးပိုင်ခွင့် ရှိနေပါ သည်။ ၎င်းတို့၏ ထောက်ခံမှုမရှိပဲ နိုင်ငံသားအိမ်ထောင်ဖက် သို့မဟုတ် ကလေးရှိသူ သမ္မတဖြစ်ရန် ပိတ်ပင် ထားမှုကို ပြင်ဆင်နိုင်မည် မဟုတ်၍ ဒေါ်အောင်ဆန်းစုကြည်သည် ၂၀၁၅ ရွေးကောက်ပွဲ အပြီးတွင် သမ္မတဖြစ် လာနိုင်မည် မဟုတ်ပေ။

ထို့ကြောင့် ကျွန်ုပ်တို့ ဖက်မှ ပြင်းပြင်းထန်ထန် ယုံကြည်သည်မှာ မြန်မာစစ်တပ်ကို အသွင်ကူးပြောင်းရေး ကာလတွင် ၎င်း၏ အပိုင်းကိုသာပါဝင်ကပြနိုင်ရေးကို အားပေးရန်မိမိတို့ဖက်မှစ၍ လုပ်ဆောင်ရန် လိုအပ်ပါသည်။ စစ်တပ်အနေဖြင့် နိုင်ငံရေးမှ နောက်ဆုတ်ရန်၊ သင့်လျော်သော အရပ်သားထိန်းချုပ်မှုကို လက်ခံရန်နှင့် နိုင်ငံတကာလူ့အခွင့် အရေးနှင့် လူသားချင်းစာနာသော ဥပဒေများကို လိုက်နာရန် ဖြစ်ပါသည်။

ဒေါ်အောင်ဆန်းစုကြည် ကလည်း ထိုနယ်ပယ်တွင် ဗြိတိန်နိုင်ငံ၏ အကူအညီကို တောင်းခံထားပါသည်။ ကျွန်ုပ်တို့ ကဲ့သို့ပင် သူမကလည်း စစ်တပ်သည် ပြုပြင်ပြောင်းလဲရေး လုပ်ငန်းစဉ်တွင် အဆုံးအဖြတ်ပြုနိုင်သော ကဏ္ဍတွင် ပါဝင်နေသည်ဟု ယုံကြည်ပါသည်။ စစ်တပ်ကို နိုင်ငံရေးနှင့် မဆိုင်သော လေးစားဖွယ်ကောင်းသော အင်စတီကျူးရှင်း အဖြစ်တစ်ဖြည်းဖြည်း မြင်လိုကြပါသည်။ သူမက ယုံကြည်သည်မှာ ကျွန်ုပ်တို့၏ သမိုင်းကြောင်းအရ ချိတ်ဆက်မှုများနှင့် ကမ္ဘာ့အဆင့် စစ်တပ်များ ရှိခြင်းကြောင်း အရေးပါသောကဏ္ဍမှ ပါဝင်နိုင်သည်ဖြစ်ရာ သူမ ကိုယ်တိုင်ကပင် စစ်သံမှူးတစ်ဦး ခန့်ထား ရေးကို တိုက်တွန်းခဲ့ပါသည်။ ကျွန်ုပ်တို့ကလည်း ဒေါ်အောင်ဆန်းစုကြည်အား ပြီးခဲ့သည့် အောက်တိုဘာလက ဆင်းဟတ်တော်ဝင် စစ်တပ် အကယ်ဒမီ သို့ ဖိတ်ကြား၍ ဗြိတိန်၏ အကောင်းဆုံး လေ့ကျင့်ပေးမှုများကို ပြသခဲ့ပါသည်။

အဆိုပါ အချက်များကို မှတ်သားထားခြင်းဖြင့် ကျွန်ုပ်တို့သည် မြန်မာနိုင်ငံတွင် အရပ်သားနှင့် စစ်တပ် များအား ဒီမိုကရေစီတွင် စစ်တပ်၏ အခန်းကဏ္ဍနှင့် ပတ်သက်၍ ပညာပေးသင်တန်း ယခုအပတ်တွင် စတင်နေပြီ ဖြစ်ပါသည်။ ယခု သင်တန်းသည် နှစ်ပေါင်းငါးဆယ်အတွင်း ဗြိတိန်က မြန်မာနိုင်ငံသို့ ပထမဆုံး အကြိမ်ပေး သော သင်တန်းဖြစ်ပါသည်။

ထိုကိစ္စနှင့် ပတ်သက်၍ ရှင်းပြပါရစေ။ ကျွန်ုပ်တို့သည် ယခုကဲ့သို့ ဆုံးဖြတ်ချက်မချမီ ကျွန်ုပ်တို့၏ သံတမန် များ သည် မြန်မာ့လူ့အဖွဲ့အစည်းအတွင်း တိုင်းရင်းသားအုပ်စုများ၊ ဒေါ်အောင်ဆန်းစုကြည် အပါအဝင် အမျိုးမျိုးသော ပြည်သူ များနှင့် တိုင်ပင်ခဲ့ပါသည်။

ယခု ကျွန်ုပ်တို့ ပေးသော သင်တန်းသည် စစ်မြေပြင်အတွက် လေ့ကျင့်ပေးခြင်း သို့မဟုတ် မည်သို့ တိုက်ခိုက်ရ မည် ဆိုသည်များ ပါဝင်မည် မဟုတ်ပေ။ ပို့ချမည့် အကြောင်းအရာများမှာ ပဋိပက္ခများ၏ မဟာ ဗျူဟာနှင့် နိုင်ငံရေးသွင်ပြင် လက္ခဏာများ၊ စစ်တပ်၏ လုပ်ဆောင်မှုများတွင် အရပ်သားကြီးကြပ်မှုနှင့် အင်အား အသုံးပြုမှု ထိန်းချုပ်ရေး စစ်တပ်ကို အရပ်သားထိန်းချုပ်မှု အောက်တွင် ထားရှိရေး၊ စစ်တပ်ပြုပြင် ပြောင်းလဲရေး၊ ခေါင်းဆောင်မှုနှင့် အုပ်ချုပ်မှု၊ တာဝန်ခံမှုနှင့် တရားဥပဒေ စိုးမိုးရေးများ ပါဝင်ပါသည်။

ပို့ချမှုသည် အထူးသဖြင့် ဒီမိုကရေစီသို့ ခက်ခဲစွာ အသွင်ကူးပြောင်းရသော တိုင်းပြည်များအတွက် စီမံရေးဆွဲ ထားခြင်းဖြစ်ပြီး စစ်တပ်က နိုင်ငံနှင့်လူမျိုးအတွက် မည်သို့ အကောင်းဆုံး တာဝန်ထမ်းဆောင် မည် ဆိုသည်ကို စဉ်းစားထား ပါသည်။ နုနယ်သော ဒီမိုကရေစီနှင့် မရေရာသော တိုင်းပြည်များမှ သင်တန်းသားများ ရာပေါင်းများစွာသည် ဤပို့ချမှုမှ များစွာ အကျိုးဖြစ်ထွန်းခဲ့ကြပြီး ဖြစ်ပါသည်။

ကျွန်ုပ်တို့၏ မြန်မာစစ်တပ်နှင့် အလုပ်လုပ်ကိုင်မှုများသည် ဘယ်သောအခါမျှ သတ်မှတ်ချက်များ မထားရှိပဲ လုပ်ကိုင်လိမ့်မည် မဟုတ်ပေ။ သတိနှင့် ရှေ့ဆက်သွားမည် ဖြစ်ပါသည်။ အီးယူ၏ လက်နက်မရောင်း ဝယ်ရန် ကန့်သတ်ချက်မှာ ရှိနေဆဲ ဖြစ်ပါသည်။ မြန်မာစစ်တပ်သည် ပြုပြင်ပြောင်းလဲရေးအတွက် ၎င်းတို့၏ စစ်မှန်သော သံဓိဌာန် များကို ပြသရမည် ဖြစ်ပါသည်။ ကျွန်ုပ်တို့သည် ကလေးစစ်သား အသုံးပြုမှု၊ ပဋိပက္ခနယ်မြေများတွင် လိင်အကြမ်းဖက်မှု အဆုံး အကြမ်းဖက်မှုများ ရပ်ဆိုင်းရေး အပါအဝင် ကိစ္စရပ် များကို ၎င်းတို့နှင့် ဆွေးနွေးသွား မည်ဖြစ်ပါသည်။ အကြမ်းဖက်မှု များ ရပ်ဆိုင်းရေးမှာ နိုင်ငံခြား ဝန်ကြီးဌာန၏ ကမ္ဘာလုံးဆိုင်ရာ အကောင်းဆုံး လုပ်ဆောင်မှုဖြင့် ဤပြဿနာကို ကိုင်တွယ် ဆောင်ရွက် မည် ဖြစ်ပါသည်။ ကျွန်ုပ်တို့သည် ယခုလကုန်ပိုင်းတွင် မြန်မာနိုင်ငံသို့ ဒုတိယအကြိမ် တရားဝင်ခရီးတွင် ဤကိစ္စများကို ဖော်ထုတ်တင်ပြသွားမည် ဖြစ်ပါသည်။

ကျွန်ုပ်တို့သည် မြန်မာနိုင်ငံ၏ ရေရှည်အပြောင်းအလဲအတွက် ထောက်ခံကူညီရန် ကတိပြုထားပြီး ဖြစ်ပါသည်။ စစ်တပ်နှင့် ဆက်ဆံရေးသည် သေးငယ်သော အစိတ်အပိုင်းဖြစ်သော်လည်း တန်ဖိုးအမှန် များကို ပို့ချရန် ကျွန်ုပ်တို့၏ ကြိုးပမ်းမှုအတွက် အရေးပါသော အပိုင်းဖြစ်ပါသည်။ အဆိုပါ တန်ဖိုးအမှန် များတွင် လူ့အခွင့်အရေး၏ အုတ်မြစ်များ၊ ဒီမိုကရေစီနှင့် တည်ငြိမ်မှု အဓွန့်ရှည်ရေးတို့ ပါဝင်ပြီး၊ ထိုသို့သော တန်ဖိုး ရှိသော အစိုးရများ မြန်မာလူထုနှင့် ထိုက်တန်နေပြီ ဖြစ်ပါသည်။