ပြည်ထောင်စုနှင့်တိုင်း၊ ပြည်နယ်လွှတ်တော် ကိုယ်စားလှယ်များ ဒေသဖွံ့ဖြိုးရေးလုပ်ငန်း ဆောင်ရွက်နိုင် ရန် သုံးစွဲခွင့်ပြုထားသည့် အသုံးစရိတ်များ နှင့်သက်ဆိုင်သည့် လုပ်ငန်းအစီအစဉ်များကို ဖွံ့ဖြိုးရေးလုပ် ငန်းကော်မတီသို့ တရားဝင် တင်ပြပြီးသူ လေးဦးခန့်သာရှိသေးသည်ဟု ပြည်ထောင်စု လွှတ်တော်၊ ပြည် သူ့ငွေစာရင်းပူးပေါင်း ကော်မတီ ဒုတိယဥက္ကဋ္ဌ ဦးသူရိန်ဇော်က ဒီဇင်ဘာ၂ ရက်တွင် မဇိ်္ဈမကို ပြောသည်။
“အများစုကတော့ သက်ဆိုင်ရာမဲဆန္ဒနယ်တွေ မှာ ဘာတွေလုပ်မယ်ဆိုတာ စိစစ်ပြုစုနေတုန်းလို့ ပြော လို့ ရပါတယ်” ဟု ၎င်းက ဆိုသည်။
စုစုပေါင်း ကျပ် ၃ ဒသမ ၃ဘီလီယံရှိ အဆိုပါ အသုံးစရိတ်များကို သုံးစွဲနိုင်ရန် “ဖွံ့ဖြိုးရေးရန်ပုံငွေ ထိန်း သိမ်းခြင်းနှင့် သုံးစွဲခြင်းဆိုင်ရာ လုပ်ထုံးလုပ်နည်းများ” ကို ပြည်ထောင်စုလွှတ်တော်က နိုဝင်ဘာ ၁၅ ရက် တွင် ထုတ်ပြန်ပေးလိုက်ခြင်းဖြစ်သည်။ တစ်နိုင်ငံလုံးရှိ မြို့နယ် ၃၃၀ကျော်သည် ဒေသဖွံ့ဖြိုးရေးလုပ်ငန်း များအတွက် တစ်မြို့နယ်လျှင် ကျပ်သိန်း တစ်ထောင်စီအသုံးပြုနိုင်မည် ဖြစ်သည်။
လွှတ်တော်ကိုယ်စားလှယ်အများစုတို့ကမူ လာမည့် ရက်သတ္တပတ်အတွင်း လုပ်ငန်းအစီအစဉ်များ တင် ပြနိုင်ရန် ကြိုးပမ်းနေသည်ဟု ဆိုကြသည်။ “ခန့်မှန်းခြေစာရင်းရဖို့ ဆုံးဖြတ်ပြီးပါပြီ။ နောက် တစ်ပတ်ဆို ဖွံ့ဖြိုးရေးကော်မတီကို တင်မယ်။ လုပ်ငန်းပေါင်း ၂၅ ခုကျော် ရှိမယ် မှန်းတယ်” ဟု မလှိုင်မဲ ဆန္ဒနယ် ပြည်သူ့လွှတ်တော်ကိုယ်စားလှယ် ဦးအေးမောက်က ပြောသည်။
ထုတ်ပြန်ထားသော လုပ်ထုံးလုပ်နည်းများအရ လုပ်ငန်းစီမံကိန်းတစ်ခုလျှင် ကျပ်သိန်း ၅၀ အတွင်း သာ သုံးစွဲနိုင်ပြီး စုစုပေါင်းကျပ်သိန်းတစ်ထောင် ထက်မပိုသော ပမာဏကို မြို့နယ် တစ်ခုစီအတွက် သုံးစွဲနိုင် မည်ဖြစ်သည်။ ယင်းကို ပြည်ထောင်စုအစိုး ရ၏ လုပ်ငန်းစီမံကိန်းများတွင် မပါဝင်သော ကဏ္ဍများ အတွက်သာ သုံးစွဲရမည် ဖြစ်သည်။
“ကျွန်တော်တို့လို မြို့နယ်နည်းပေမယ့် နယ်မြေ ကျယ်ပြန့်ပြီး သွားရလာရလည်းခက်၊ စီးပွားရေးလည်း မကောင်း၊ ဘတ်ဂျက်ခွဲတမ်းလည်း ရထားတာနည်းတဲ့ ပြည်နယ်တွေအတွက်တော့ သာတူညီမျှရှိဖို့ထက် ပိုပြီးစဉ်းစားသင့်တယ်ထင်တယ်” ဟု ရခိုင်ပြည်နယ် မဲဆန္ဒနယ်အမှတ်-၁၊ အမျိုးသားလွှတ်တော် ကိုယ် စားလှယ် ဒေါက်တာအေးမောင်က ဆိုသည်။
ရရှိလာသည့် လုပ်ငန်းအစီအစဉ်များကို လွှတ်တော်ကိုယ်စားလှယ်များမှတစ်ဆင့် ပြည်ထောင်စု လွှတ် တော် ဖွံ့ဖြိုးရေးလုပ်ငန်းကော်မတီသို့ လုပ်ငန်းအစီအစဉ် အတည်ပြုချက် ရယူဆောင်ရွက်ရန် လိုအပ်ခြင်း ဖြစ်သည်။
ယင်းကော်မတီ၏ စိစစ်ခွင့်ပြုချက်ရရှိပါမှ သက်ဆိုင်ရာမြို့နယ် မြန်မာ့စီးပွားရေးဘဏ်များသို့ စုစုပေါင်း အသုံးစရိတ်ပမာဏကို လွှဲပြောင်းပေးမည်ဟု လုပ်ထုံးလုပ်နည်းများက ဆိုသည်။ ဖွံ့ဖြိုးရေး လုပ်ငန်း ကော်မတီသို့ တင်ပြပြီးသည့် လုပ်ငန်းအစီအစဉ်များကို ပြည်သူ့ငွေစာရင်း ပူးပေါင်းကော်မတီ၊ စီမံကိန်း များနှင့် ဘဏ္ဍာရေး ဖွံ့ဖြိုးတိုးတက်မှု ပူးပေါင်းကော်မတီတို့က မှတ်တမ်းတင် ထားရှိမည်ဖြစ်ပြီး ပြည် ထောင်စုစာရင်းစစ်ချုပ်ရုံး၏ စစ်ဆေးမှုခံယူနိုင်ရေး ဆောင်ရွက်မည်ဖြစ်သည်။
မဇ္ဈိမ
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။