ကျေးလက်ဒေသတွင် တပ်ဆင်ထားသော ကြိုးဖုန်းများအဆင်မပြေ ကြိုးမဲ့ဖုန်းများ အစားထိုး အသုံးပြုနေကြပြီး

စစ်ကိုင်းတိုင်းဒေသကြီး၊ကောလင်း မြို့နယ်၊ ကျေးလက်ဒေသတွင် လွန်ခဲ့ သော (၇)နှစ်ကပင် နိုင်ငံတော်၏မူဝါဖြင့် လူနေ မှုအဆင့်မြင့်ရေးအတွက် မိမိတို့ဝတ်ဆင် ထားသော ရွှေ၊စုဆောင်းထားသော စပါး များကို ထုတ်ရောင်းပြီး ကြိုးဖုန်းတစ်လုံး ၅ သိန်းအကုန်ခံ၍ တပ်ဆင်ခဲ့ကြသည်။

““ကြိုးဖုန်းတပ်ဆင်ခြင်းဖြင့် စီးပွား ရေးဝန်ဆောင်မှု အားကောင်းသည်၊လူမှု ရေးအဆင်ပြေချောမွေ့သည်””ဟူသော အသိ အတွေကိုယ်စီဖြင့် ကောလင်းမြို့ နယ်၊ အရှေ့ခြမ်း ကျောက်ပြင်သာ၊ခံသာ၊ ကောလင်းအနောက်ခြမ်း ချောင်းနား၊ ဥက္ကံနယ်မြေများ၌တပ်ဆင်လာကြသည်။ ကျေးရွာတစ်ရွာတွင် ကြိုးဖုန်းအနည်းဆုံး တစ်လုံး၊နှစ်လုံးမှ အလုံး ၂၀ထိ ထားရှိ လာကြသည်။

နိုင်ငံတော်က ကျေးလက်နှင့်မြို့ပြ ဆက်သွယ်မှုအဆင်ပြေချောမွေ့ရေး၊ကုန် ပစ္စည်းစီးဆင်းမှု သွက်လက်မြန်ဆန်ရေး အတွက် ဆက်သွယ်ရေး စာတိုက်နှင့် ကြေးနန်းဝန်ကြီးဌာနက တပ်ဆင်ပေး သော ကြိုးဖုန်းများသည် အလုံးရေ ၁၂၀၀ ခန့်ရှိပြီဖြစ်သည်။

ကြိုးဖုန်းများသည် မူလတပ်ဆင်ပြီး စ ကာလတွင်သာ အဆင်ပြေသော်လည်း ယခုအခါ ဖုန်းဆက်သွယ်၍မရ။ ဖုန်းကြေး ၀န်ဆောင်ခပေးဆောင်မှုမရှိ၍ ဌာနက ဖြတ်တောက်ခြင်းဖြင့် သံသရာလည်လာ သည်။ကြိုးဖုန်းအသုံးပြုများက မိမိတို့ ဆက်သွယ်မှုအရ ဖုန်းအခွန်အခများကို တာဝန်ကျေရမည်ဖြစ်သကဲ့သို့ ဌာနဆိုင် ရာတာဝန်ရှိသူများကလည်း မိမိတို့ဌာန ပိုင်နယ်မြေအလိုက် လိုင်းများကို ပစ်မ ထာကြဖို့လိုသည်။ဆက်သွယ်မှုမရနိုင် သောဖုန်းကြိုးများကိုလည်း အချိန်နှင့်တ ပြေးညီ ချက်ချင်းဝန်ဆောင်မှုပေးဖို့လိုသည်။

ယခုအခါ ၅သိန်းတန်၊၂သိန်းတန် CDMA800 MHZ ဖုန်းများအသုံးပြုသူ များလာကြသည်။

သို့ရာတွင် နှစ်သိန်းတန်ဖုန်းများကို လမ်းဘေးဆိုင်၊ဆိုက်ကားသမား၊တက္ကစီ အဝေးပြေးကား ယာဉ်မောင်းများကအစ အသုံးပြုလာကြသည်။ဖုန်းရောင်းအား မြင့်မားရေး၊အများပြည်သူ ဖုန်းကိုင်နိုင် ရေးအတွက် လခစားဝန်ထမ်းများကို တစ်လ ငါးသောင်း၊လေးလဆိုင်းငံ့စနစ်ဖြင့်ရောင်း ချမှုကို ၀န်ဆောင်နေသည်။

၂၀၁၂ခုနှစ် ဇန်န၀ါရီလမှ စတင် အ သုံးပြုလာကြသော ၅သိန်းတန် CDMA ဖုန်းများနေရာတွင် ၂သိန်းတန် GSM ဖုန်းများအစားထိုးဝင်ရောက်လာကြပါပြီ။

၂၀၁၂ခုနှစ်မှစပြီး မြန်မာ့ဆက်သွယ် ရေးလုပ်ငန်းမှ ပြင်ပကုမ္ပဏီများနှင့်အကျိုး တူပူးပေါင်းဆောင်ရွက်ပြီး တန်ဖိုးနည်းမို ဘိုင်းဖုန်းများကို ကျယ်ကျယ်ပြန့်ပြန့် ရောင်းချနေကြပါသည်။(၂၆.၃.၂၀၁၂) နေ့မှ စတင်၍ FORTUNE ကုမ္ပဏီက တာဝန်ယူ၍ တစ်ပြည်လုံးသို့ ဖြန့်ချိနေ ပြီး။ကောလင်းမြို့တွင် WCDMA ဖုန်း သုံးစွဲ၍ရသော်လည်း FORTUNE မှ WCDMA ဖုန်းရောင်းချခြင်းမရှိ၍ ပြင်ပ အီလက်ထရောနစ်ဆိုင်များနှင့် မန္တလေး၊ မုံရွာ၊ရွှေဘိုတို့မှ အမြတ်ပေးဝယ်ယူနေကြ ရသည်။

တန်ဖိုးနည်း မိုဘိုင်းဖုန်းများ၏ အ ကျိုးဆက်ကြောင့် ခရီးသည်များ ခရီး သွားရင်း ကား၊ရထားစီးရင်း ဖုန်းပြောဆို ခွင့်ရကြပါသည်။စစ်ကိုင်းတိုင်းဒေသကြီး မှာ နန့်စီးအောင်မှ နဘား၊မဲဇာမှ ကင်း၊ ကောလင်းမှ ကျွန်းလှ၊ကန့်ဘလူမှ ခင်ဦး၊ ရွှေဘိုမှရွာထောင်လမ်းခရီးတစ်လျှောက် ကချင်ပြည်နယ် ပင်းဘောမှ ဆားမှော် လမ်းခရီးတစ်လျှောက် GSM ဖုန်းလိုင်း များဆက်သွယ်မှုအခက်အခဲတွေ့ရသည်။

မြန်မာ့ဆက်သွယ်ရေးဝန်ကြီးဌာနမှ တန်ဖိုနည်းတယ်လီဖုန်းများအား နှစ်အ လိုက် ဒေသအလိုက် ဈေးနှုန်းလျော့ချ ခြင်းနည်းဖြင့်လည်းကောင်း၊ချုပ်ကိုင်မှု တစ်ပတ်လျော့ချသောနည်းဖြင့်လည်း ကောင်း လူတိုင်း တယ်လီဖုန်းသုံးစွဲမှုနှုန်း အပြည့်အ၀ရရှိရေးအတွက်လည်းကောင်း၊ တံခါးဖွင့်စီးပွားရေးမျက်နှာစာဝယ် သွက် လက်ထက်မြက်ဖို့လိုနေပါပြီ။သတ်မှတ် ထားချက် ပြည့်မီကျော်လွန်အောင် ဆောင်ရွက်ဖို့လိုပါပြီ။

နိုင်ငံဝန်ထမ်းများကို ကျပ်နှစ်သိန်း တန် GSM ဖုန်း၊ကျပ်နှစ်သိန်းခွဲတန် CDMA မိုဘိုင်းဖုန်းများကို မူလဈေး အတိုင်း အရစ်ကျစနစ်၊တစ်လကျပ်ငါး သောင်းပေးသွင်းခွင့်ရသဖြင့် ၀န်ထမ်း အ လွှာဆယ်ပုံတစ်ပုံခန့်ဖုန်းကိုင်ခွင့်ရကြပါပြီ။

ဒီမိုကရေစီခေတ်ဝယ် ၀န်ထမ်းများ အတွက် ပြည်တော်သာသော လုပ်ရပ် တစ်ခုဖြစ်၍ လှိုက်လှဲစွာ ကြိုဆိုနေကြပါပြီ။

Myanmar Express