ယနေ့ အကြိုက်ဆုံးသုံးသပ်ချက်

တိုင်းပြည်ရဲ့ အာဏာခွဲဝေရေး ကိစ္စ ဖြစ်တဲ့ လွှတ်တော်ထဲက စစ်သား ၂၅ %၊ ကာကွယ်ရေး ဦးစီးချုပ်ရဲ့ လုပ်ပိုင်ခွင့် အာဏာ၊ နိုင်ငံတော်ကာကွယ်ရေးနှင့် လုံခြုံရေး ကောင်စီတို့ရဲ့ အာဏာ .. စတဲ့ အချိုး မမျှ အာဏာ ခွဲယူထားတာကို ပြောတာများနေတော့ ... ဒီတခါမှာ အာဏာခွဲဝေရေး မဟုတ်ဘဲ "ပုဂ္ဂလိက ပစ္စည်း ပိုင်ဆိုင်ခွင့်" ကိစ္စ ပြောချင်ပါတယ်။

၂၀၀၈ အခြေခံဥပဒေရဲ့ အပိုဒ် (၃၇ က) မှာ...... "နိုင်ငံတော်သည် နိုင်ငံတော်ရှိ မြေအား လုံး၊ မြေပေါ် မြေအောက်၊ ရေပေါ် ရေအောက်နှင့် လေထုအတွင်းရှိ သယံဇာတ ပစ္စည်းအားလုံး၏ ပင်ရင်းပိုင်ရှင် ဖြစ်သည်။" လို့ ရေးထားတယ်။

ဒီစကားစုရဲ့ ဆိုလိုရင်းကို သေချာ စဉ်းစားကြည့်ချင်ပါတယ်။

ဒီစကားစုအရ .. အစိုးရက အချိန်မရွေး အိမ်ခြံမြေသိမ်း၊ လယ်သိမ်း၊ ယာသိမ်း ဆိုတဲ့ သိမ်းချင်ရာ သိမ်း ဥပဒေကို ဖြစ်ပေါ်လာဖို့ အစပြုလိုက်တာ ဖြစ်ပါတယ်။ ဒီစကားစုအရပဲ ဖက်ဒရယ်ပုံစံ သွားဖို့ထက် ဗဟိုထိန်းချုပ်စနစ်ကို ဖြစ်ပေါ်လာဖို့ အခြေပြုလိုက်တာ ဖြစ်နေပါတယ်။

မြန်မာ့ သမိုင်းကို ပြန်ကြည့်ပါ။ ကိုလိုနီ မဖြစ်ခင် မြန်မာဘုရင်နဲ့ တိုင်းရင်းသားတွေရဲ့ ဘုရင်တွေ ၊ စော်ဘွားတွေဟာ သူ့နယ်မြေ သူပိုင်ပြီး .. မြန်မာဘုရင်နဲ့ အကျိုးတူ ပူးပေါင်းနေကြတာ ပဲ ဖြစ် တယ်။ မြန်မာဘုရင်တွေက "မြေအားလုံး၊ မြေပေါ် မြေအောက်၊ ရေပေါ် ရေအောက်နှင့် လေထုအတွင်းရှိ သယံဇာတ ပစ္စည်းအားလုံး၏ ပင်ရင်းပိုင်ရှင်" မဟုတ်ခဲ့ပါဘူး။

နောက်တော့ အင်္ဂလိပ်က သိမ်းတယ်။ အင်္ဂလိပ်ကို စစ်ရှုံးလို့ နယ်မြေတွေ ဆုံးရှုံးသွားတယ်။ အင်္ဂလိပ်ဆီက လွတ်လပ်ရေး တောင်းတယ်။ လွတ်လပ်ရေး ရတယ်။ အင်္ဂလိပ်က သူတို့ မသိမ်းခင် ကာလမှာ ရှိခဲ့တဲ့အတိုင်း နယ်မြေတွေကို ပြန်ပေးသွားတယ်။

အဲဒီမှာတင် ပြဿနာ တတ်တော့တာပဲ။ အင်္ဂလိပ်က ပြန်လည်း ပေးလိုက်ရော ... "နိုင်ငံတော် သည် နိုင်ငံတော်ရှိ မြေအားလုံး၊ မြေပေါ် မြေအောက်၊ ရေပေါ် ရေအောက်နှင့် လေထုအတွင်းရှိ သယံဇာတ ပစ္စည်းအားလုံး၏ ပင်ရင်းပိုင်ရှင် ဖြစ်သည်။" ဆိုတဲ့ အယူဝါဒ ဖြစ်သွားရော။

နိုင်ငံတော်က လုပ်ချင်တာ လုပ်ပိုင်ခွင့် အပြည့်ရသွားတယ်။

အဲဒီ အတွေးအခေါ် အယူအဆအရပဲ .. နိုင်ငံသူ နိုင်ငံသား အားလုံးရဲ့ "ပုဂ္ဂလိက ပစ္စည်း ပိုင်ဆိုင်ခွင့်" တွေ ငြင်းပယ်ခံရဖို့ ဖြစ်လာတော့တာပဲ။

အမှန်က နိုင်ငံတော်ဆိုတာ ... စီမံခန့်ခွဲသူသာ ဖြစ်ပြီး ... မြေရှင် ပဒေသရာဇ်တွေလို မြေယာတွေ အကုန် လုံး ပိုင်ဆိုင်တာ မဟုတ်ပါဘူး။ နိုင်ငံတော်ဟာ ပုဂ္ဂလိကတွေရဲ့ ပိုင်ဆိုင်မှုတွေကို "အာမခံပေးပြီး" .. အာဏာခွဲဝေမှုကို စီမံခန့်ခွဲရသူ ဖြစ်ပါတယ်။

လက်တလော ဥပမာ တစ်ခုကို ကြည့်ရင် သိသာနိုင်ပါတယ်။ မကြာသေးခင်က ... တောင်တရုတ် ပင်လယ်ထဲမှာ တရုတ်နဲ့ အငြင်းပွားနေတဲ့ ကျွန်းတွေကို ဂျပန်လူမျိုး ပုဂ္ဂလိက ပိုင်ရှင်လက်ထဲကနေ ဂျပန် အစိုးရက .. ပြန်ဝယ်လိုက်လို့ တရုတ်၊ ဂျပန် ကြားမှာ ကျွန်းပိုင်ဆိုင်ခွင့် အငြင်းပွားမှု ပြဿနာ ပိုမိုတင်းလာ ခဲ့တာ အားလုံးသိကြပါတယ်။

အဲဒီ ဖြစ်စဉ်ကို ကြည့်ပါ။ ဂျပန်တွေအတွက် "နိုင်ငံတော်သည် နိုင်ငံတော်ရှိ မြေအား လုံး၊ မြေပေါ် မြေအောက်၊ ရေပေါ် ရေအောက်နှင့် လေထုအတွင်းရှိ သယံဇာတ ပစ္စည်းအားလုံး၏ ပင်ရင်းပိုင်ရှင် ဖြစ်သည်။" ဆိုတာ မဟုတ်ဘူးဆိုတာ ထင်ရှားပါတယ်။ ပုဂ္ဂလိက ပိုင်ရှင်ဆီက အစိုးရ ဝယ်ယူရတာ ဖြစ်ပါတယ်။

မြန်မာနိုင်ငံမှာက နိုင်ငံတော်က အကုန်ပိုင်တယ် ဆိုပြီး လယ်မြေတွေကို လုပ်ချင်ရာ လုပ်ခွင့် ရသွားပါတယ်။ သိမ်းခံရရင် လျှော်ကြေးဆိုတာကလည်း .. သနားလို့ ပေးတာလောက်ပဲ ရမှာ ဖြစ်ပြီး မကြေနပ်လို့ တရားစွဲရင် .. တပြားမှ မရဘဲ တရားရုံစရိတ်၊ ရှေ့နေစရိတ် ကုန်ပြီး ... လယ်တွေကတော့ ဆုံးမှာပါပဲ။

ဒါကြောင့် ... ၂၀၀၈ အခြေခံ ဥပဒေထဲက အပိုဒ် ၃၇ (က) ဟာ "ပုဂ္ဂလိက ပစ္စည်း ပိုင်ဆိုင်ခွင့်" ကို ငြင်းပယ်ထားပြီး ... အခု ဖြစ်နေတဲ့ တိုင်းရင်းသား ပြဿနာတွေ အားလုံးလောက်နီးနီးရဲ့ အခြေခံ အယူအဆ ဖြစ်နေတာကြောင့် တနိုင်ငံလုံး အနှံ့ ပြည်သူတွေပါ ပါဝင်ပြီး ဒီ အယူအဆကို ကျယ်ကျယ် ပြန့်ပြန့် ... သေချာ ပြန်လည် ဆွေးနွေးဖို့ လိုအပ်နေပါကြောင်း ....

http://www.ex-absdf.net/2013/02/blog-post_21.html#more