အမျိုးသားဒီမိုကရေစီအဖွဲ့ချုပ် NLD ကျန်းမာရေး ကွန်ရက်အနေဖြင့် ရခိုင်ပြည်နယ်ရှိ ဒုက္ခသည် စခန်းများတွင် ရောက်နေသည့် မိသားစုများကို ကျန်းမာရေး စောင့်ရှောက်မှုများအတွက် အထူးကု ဆရာဝန်ကြီးများ အပါအ၀င် ဆရာဝန်စုစုပေါင်း လေးဆယ်ဝန်းကျင်ဖြင့် သွားရောက်ကုသ
ပေးနိုင် ရန် စီစဉ်ဆောင်ရွက်ထားပြီးဟု ကွန်ရက်ဥက္ကဋ္ဌ ဒေါက်တာတင်မျိုးဝင်း က မဇ္ဈိမကိုပြောသည်။
“နှစ်လအတွင်းတော့ မဆောင်ရွက်နိုင်သေးဘူး။ ကျွန်တော်တို့ဘက်က အဆင်သင့်ဖြစ်နေပြီ။ ပြည်နယ် အစိုးရနဲ့ ရခိုင်မှာရှိတဲ့ NLD အဖွဲ့တွေဆွေးနွေးနေတယ်”ဟု ဒေါက်တာတင်မျိုးဝင်းက ဆက်ပြောသည်။
ပြည်နယ်အစိုးရနှင့် ရခိုင် NLD အဖွဲ့ ညှိနှိုင်းဆောင်ရွက်မှုများ ပြီးဆုံးသည့် အချိန် သွားရောက်ကုပေးမည် ဖြစ်ပြီး ရခိုင်ဒုက္ခသည်စခန်းများတွင် သွားရောက်ကုသမည် ဖြစ်သလို ဘင်္ဂါလီဒုက္ခသည်စခန်းတွင်လည်း ကုသပေးရန်စီစဉ်ထားသည်။ သက်ဆိုင်ရာ ပြည်နယ်အစိုးရ၏ ခွင့်ပြုချက်ပေါ်မှာလည်း မူတည်နိုင်ပြီး သွားရောက်ကုသခွင့်လည်းရရှိမည်ဟု ယုံကြည်သည်ဟု ၎င်းကဆိုသည်။
အထူးကုဆရာဝန်ကြီး ၁၅ ယောက်မှ ၂၀ ယောက်အထိပါဝင်မည်ဖြစ်ပြီး အထွေထွေရောဂါကု ဆရာဝန် ၁၅ ယောက်ကနေ ၂၀ အထိ သွားရောက်ကု သမှုများပေးနိုင်ရန် ဆောင်ရွက်သွားမည် ဖြစ်သည်။ လိုအပ် သည့်ဆေးဝါး များကို သယ်ဆောင်သွားမည့်အပြင် အထူးကု ဆရာဝန်ကြီး များညွှန်ကြား သည့် ဆေးဝါးများ အတွက်လည်း တာဝန်ယူဆောင်ရွက် သွားမည်ဟုဆိုသည်။
“ခွဲစိတ်ဖို့ လိုအပ်တာမျိုးတွေရှိခဲ့ရင်လည်း ခွဲစိတ်ပေးသွားမည်” ဟု ဒေါက်တာ တင်မျိုးဝင်းကဆိုသည်။ ရခိုင်ပြည်နယ်ရှိ ဒုက်္ခသည်စခန်းများတွင်ကျန်းမာရေးစောင့်ရှောက်မှုနှင့် ပတ်သက်ပြီး လက်ရှိအချိန်တွင်
ပြည်နယ်အစိုးရ အနေဖြင့် မြန်မာနိုင်ငံကျန်းမာရေးဝန်ကြီး ဌာနနှင့် ပူးပေါင်းဆောင်ရွက်လျက်ရှိသည် ဟု ပြည်နယ်အစိုးရပြန်ကြားရေး တာဝန်ခံ ဦးလှသိန်းက ပြောသည်။
“ကျန်းမာရေးစောင့်ရှောက်မှုပေးချင်တဲ့ ပြည်တွင်းပြည်ပအဖွဲ့စည်းတွေအနေနဲ့ ကျန်းမာရေးဝန်ကြီးဌာနနဲ့ MOU ထိုးရမယ်။ ချမှတ်ထားတဲ့ စည်းမျဉ်း စည်းကမ်းေ တွကို လိုက်နာရမယ်။
နောက်ပြီးရင် ပြည်နယ်ကျန်းမာရေး ၀န်ကြီးဌာနနဲ့ ပူးပေါင်းပြီး ကျန်းမာရေးလိုအပ်ချက်တွေကို တင်ပြရမယ်။ လာပြီး ကျန်းမာရေးစောင့် ရှောက်မှုပေးတဲ့ ဆရာဝန်တွေဟာပြည်တွင်းမှာ ဆေးကုသခွင့် ရှိမရှိကိုလည်း ပြည်နယ်အစိုးရအနေနဲ့ စစ်ဆေးမှုတွေ ပြုလုပ်ပါတယ်” ဟု ဦးလှသိန်းက ဆက်ပြောသည်။
ရခိုင်ပြည်နယ်အစိုးရအနေဖြင့် ဒုက္ခသည်စခန်းများတွင် ကျန်းမာရေးကိစ္စ များကို အပတ်စဉ်အင်္ဂါနေ့တိုင်း ဆွေးနွေးဆောင်ရွက်လျက်ရှိပြီး ကလေးငယ် များ ကျန်းမာရေးလိုအပ်ချက်များကို ယူနီဆက်ဖ် နဲ့ အစိုးရ အဖွဲ့အစည်း များတိုင်ပင်ကာစောင့်ရှောက် မှုပေးလျက်ရှိနေသည်။
လက်ရှိ ရခိုင်ပြည်နယ်တွင် ပဋိပက္ခများနှင့်ပတ်သက်ပြီး အကူအညီပေးရန် ၀င်ရောက်လာသောNGO, INGO အဖွဲ့ ပေါင်း ၃၀ ကျော်ခန့်ရှိသည်ဟုပြည်နယ်အစိုးရက ဆိုသည်။ လက်ရှိဒုက်္ခသည် စခန်းများတွင် ဘင်္ဂါလီ ဒုက္ခသည် ၈၀၀၀၀ကျော်နှင့် ရခိုင်တိုင်းရင်းသား ဒုက္ခသည် သုံးသောင်းကျော်ရှိ သည်။
ရခိုင်ပြည်နယ်ရှိ ဒုက္ခသည်စခန်းများ တွင် ကျန်းမာရေးစောင့်ရှောက် မှုပေးသော နိုင်ငံတကာ အဖွဲ့အစည်း တစ်ခုဖြစ်သည့် နယ်စည်းမထား ဆရာဝန်များအဖွဲ့ကိုအစိုးရမှ ရခိုင်ပြည်နယ်အတွင်း ကျန်းမာရေးစောင့်
ရှောက်မှုများ ရပ်နားရန်အတွက် ၂၀၁၄ ခုနှစ်မတ်လ ၂ ရက်တွင် ထုတ်ပြန်ခဲ့သည်။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။