ရွှေဝါရောင်တော်လှန်းရေးတွင် ထောင်ကျခဲ့သော NLD ပါတီဝင်များ ဘေးရောက်၍ ချောင်ထိုးခံရ ဟု ဆို

အင်အားအကြီးမားဆုံး အတိုက်အခံ NLD ပါတီ အတွင်း သဘောထားကွဲလွဲမှု များ တဖြည်းဖြည်း ကြီးမားလာနိုင်သည့် အန္တရာယ်များ တွေ့မြင်နေရ ကြောင်း ပါတီထိပ်ပိုင်း တာဝန်ရှိသူတစ်ဦးက ပြောကြား လိုက်သည်။

ငြိမ်းချမ်းရေးနိုဗဲဆုရှင် လူထုခေါင်းဆောင် ဒေါ် အောင်ဆန်းစုကြည် ဥက္ကဌတာဝန် ရယူပြီး နောက်ပိုင်း ၂၀၁၂ ခုနှစ် ကြားဖြတ်ရွေးကောက်ပွဲတွင် ရာနှုန်းပြည့်နီးပါး အနိုင်ရရှိခဲ့သည့် NLD ပါတီတွင် ဘာသာရေးသဘောထားကွဲလွဲမှုများ အတွင်းကြိတ်ဖြစ်ပွားလျက် ရှိခဲ့ရာမှ ယခုအခါ အက်ကြောင်း ထင်သည့်အဆင့်သို့ ရောက်ရှိလာနေကြောင်း NLD ရုံးချုပ်အတွင်းပိုင်းနှင့် နီးစပ်သော အသိုင်းအ၀ိုင်းက ပြောဆိုသည်။

NLD ထိပ်ပိုင်းတွင် အနစ်နာခံကာ နိုင်ငံရေးလုပ်ဆောင်ခဲ့သော လူဟောင်းကြီးများနှင့် နောက်ပိုင်းတွင် အကြောင်းအမျိုးဖြင့် ရောက်ရှိလာခဲ့သော နောက်ပိုင်းမင်းသားများ ဟူ၍ နှစ်ပိုင်းကွဲလျက် ရှိကြောင်း သိရှိရသည်။ NLD တွင် အလေးပေးခြင်း မခံရဘဲ နေရာပျောက်ဆုံးလျက်ရှိသော အဖွဲ့မှာ ပညာ အရည်အချင်း၊ ငွေကြေး၊ ဥပဒေရေးရာကျွမ်းကျင်မှု တို့တွင် အားနည်းချက်များ ရှိနေခြင်းကြောင့် ဖြစ်ကြောင်း လည်း သိရသည်။

" ရွှေဝါရောင် တော်လှန်ရေး စစချင်း ၂၅ စက်တင်ဘာ ညမှာ ဖမ်းခံရတဲ့ ၃၂ယောက်ထဲမှာ NLD ၃၁ ယောက် နဲ့ ကျွန်တော်ပါ။ သံဃာတော်တွေကို နေ့စဉ် ဆွမ်းကပ်၊ လမ်းတလျောက် လုံခြုံရေးယူပေးခဲ့တဲ့ အပြင် မူးမော် လဲသွားတဲ့ သံဃာတွေကို ဆေးလိုက်ကုပေး ခဲ့တာ အားလုံး NLD တွေပါပဲ" ဟာသသရုပ်ဆောင် ဇာဂနာ(ခေါ်)ဦးသူရက မကြာသေးခင်က ထုတ်ဖော်ပြောကြားခဲ့သည်။

ယင်းသို့ ဇာဂနာ၏ ရည်ညွှန်းစကားတွင် ပါဝင်ခဲ့သော အနစ်နာခံ၊ ထောင်ကျတန်းကျခံခဲ့ကြရသော NLD ပါတီဝင်များမှာ ယခုအခါ ဘေးသို့ ရောက်နေသည်မှာ စိတ်မကောင်းဖွယ်ရာ ဖြစ်ကြောင်း၊ ပါတီ ဥက္ကဌနှင့် ပါတီထိပ်ပိုင်းခေါင်းဆောင်များတွင် ယခင်ကတည်းက သတ္တိရှိရှိ စစ်အစိုးရကို ဆန့်ကျင်ခဲ့ကြသူများ ယခုအခါ နေရာပျောက်ဆုံးနေပြီ ဖြစ်ကြောင်း ရွှေဝါရောင်တော်လှန်ရေးတွင် ဦးဆောင်မှုကြောင့် နှစ်ရှည်ထောင်ဒဏ်ကျခံခဲ့ရပြီး လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်လာခဲ့သော NLD ပါတီဝင် တစ်ဦးက ပြောဆိုသည်။

"ရှင်းရှင်းပဲ ပြောမယ်ဗျာ။ ဇာဂနာ ပြောတဲ့ အဲဒီ NLD ၃၁ ယောက် အခု ဘယ်နေရာမှာလဲ။ လွှတ်တော် အမတ်တွေ ဖြစ်နေပြီလား။ မဖြစ်ပါဘူး။ ဒုံရင်းက ဒုံရင်းပါပဲ။ ကျွန်တော်တို့ မပြောချင်လို့ မပြောရက်လို့သာ ကြည့်နေတာ၊ ရေငုံနှုတ်ပိတ်နေတာပါ။ မိတ္ထီလာအရေးအခင်းမှာ ဘင်္ဂလီတွေကို သိန်း နှစ်ထောင် လှူတာ ဘယ်သူ့ပိုက်ဆံလဲ။ ဘယ်သူ့ ဆုံးဖြတ်ချက်နဲ့လဲ။ CEC လို ထိပ်ပိုင်းမှာ လူမျိုးခြားတွေ တဖြည်းဖြည်းနဲ့ ကုလားအုပ်ခေါင်းတိုးသလို ကြီးထွားလာနေတာ ဘယ်သူ့ ဆုံးဖြတ်ချက်ကြောင့်လဲ။ ဦးအုန်းကြိုင်က ကျန်းမာရေးအရ ထားတော့။ ဦးဥာဏ်ဝင်းဆိုရင် ဥပဒေသမား၊ ရှေ့နေ။ သူက ဘာဖြစ်လို့ နေရာပျောက် နေသလဲ။ နောက်လာတဲ့ လူမျိုးခြားတွေက နေရာ ရတယ်။ နိုင်ငံရေးအတွေ့အကြုံ ဘာတစ်ခုမှ မရှိတဲ့ သူတွေကို စင်တင်ပေးတယ်။ အခု လွှတ်တော်ထဲမှာ NLD ကဘယ်အမတ်ကဖြင့် တော်လိုက်တာ ဆိုတဲ့ ချီးကျူးစကား ကြားဖူးပါသလား။ ဒီမှာ ကျွန်တော် ပြောမယ်။ ကြံ့ဖွတ်ကို မျက်နှာချိုသွေးဖို့ သက်သက် ရွေးကောက်ပွဲဝင်ခဲ့တာမှ မဟုတ်ဘဲ" ဟု ၄င်းက ပြောသည်။

NLD ၏ ပါတီတွင်း စည်းလုံးညီညွတ်မှုမှာ တဖြည်းဖြည်းချင်း ယိုယွင်းလာနေသည်မှာ စိတ်ပူစရာ ဖြစ်ကြောင်း၊ ဦးဝင်းတင်နှင့် ဦးတင်ဦးကဲ့သို့သော နာယကကြီးများမှာလည်း ချောင်ထိုးခံလာရပြီ ဖြစ်ကြောင်း ရန်ကုန်တိုင်းဒေသကြီး NLD စည်းရုံးရေးမှူးတစ်ဦးက ပြောသည်။

"အဘဦးဝင်းတင်ရော၊ ဦးတင်ဦးရော စိတ်မကောင်းစရာ ကောင်းတယ်။ ချောင်ထိုးထားတာဗျ။ အခု ဦးအောင်ရွှေ အိပ်ယာထဲလဲနေတာ ကြာပြီ။ NLD ထဲကို နောက်မှ ရောက်လာတဲ့ လူကြီးအသစ်တွေ ဘာလုပ် ပေးခဲ့သလဲ။ ဘယ်လို ဂါရ၀ ထားကြသလဲ။ အဘ ဦးဝင်းတင် ဆိုရင် အမုန်းခံပြီး တောက်လျှောက် ပြောနေ ခဲ့တာ။ အခု သူလည်း ရေငုံနှုတ်ပိတ်။ အဓိကကတော့ဗျာ ပါတီရဲ့ ဆုံးဖြတ်ချက်ဆိုတာ CEC မှာ ချရ တာ။ ဟိုတစ်နေ့ကပဲ နေပြည်တော်က ဦးဝင်းမြင့်က ဖုန်းဆက်ပြီးး ဘာလုပ်ဘာလုပ်ဆိုပြီး ပြောတာမျိုး ရှိတယ်။ ရန်ကုန်က လူတွေက အသုံးမကျလို့ ဘေးပို့ထားတာလား မေးစရာ ရှိတယ်။ ပြီးတော့ ဦးကိုနီ ကိစ္စ။ ပုဂ္ဂိုလ်ရေး အရ ကျွန်တော် မပြောလိုဘူး။ ပါတီရဲ့ Image ကို ထိခိုက်နိုင်လို့ စဉ်းစားကြဖို့ ဦးဝင်းတင်နဲ့ ဦးဥာဏ်ဝင်း က ပြောတယ်။ ဒီတော့ ဦးဥာဏ်ဝင်းက မနာလိုလို့ ပြောတာလို့ ထင်တယ်။ ၀င်း-၀င်းဂိုဏ်း ဆိုတာ အမှန်တော့ နှစ်ရှည်လများ ကိုယ်ကျိုးစွန့်ပြီး အနစ်နာခံလာခဲ့တဲ့သူတွေ ချည်းပဲ။ အဘ ဦးဝင်းတင် ပြောတာ ရှင်းရှင်းလေး။ ဦးကိုနီတစ်ယောက်တည်းနဲ့ NLD ပါတီ ဘယ်ဟာကို ရွေးမလဲ။ ဒါပဲ ။ သူပြောတာ ပြတ်တယ်။ နားမလည်စရာလည်း မရှိဘူး။ ပြီးတော့ မိတ္ထီလာမှာ အလှူငွေ သိန်းနှစ်ထောင်ကိစ္စ မပေးသင့်ဘူး ဆိုတာကို ဦးဝင်းတင်ကြေ့ပာတယ်။ ဒါပေမယ့် ဂရုမစိုက်ဘူး။ ပေးတာပဲ။ ဒါမျိုးတွေပေါ့ဗျာ" ဟု အဆိုပါ စည်းရုံးရေးမှူးက ပြောသည်။

NLD ပါတီအတွင်း၌ နေပြည်တော်ရှိ လွှတ်တော်အမတ်ဖြစ်သူများက ရန်ကုန် ရုံးချုပ်မှ လူကြီးများကို ဘာမှမသ်ပါဘူး ဟူ၍ သဘောထားနေကြပြီး ရန်ကုန် NLD ရုံးချုပ်ကလည်း နေပြည်တော်အဖွဲ့ကို ကိုယ်ကျိုးရှာအခွင့်အရေးသမားများ ဟု သတ်မှတ်ထားကြောင်း၊ ဤပုံစံအတိုင်းသာ ဆက်လက်ကြာရှည် ဖြစ်ပေါ်နေပါက NLD ပါတီအနေဖြင့် မထွေးနိုင် မအံနိုင်အနေအထားသို့ ရောက်လာတော့မည် ဖြစ် ကြောင်း၊ ၈၈ အရေးအခင်း၊ ဒီပဲယင်းအရေးအခင်း၊ ရွှေဝါရောင်တော်လှန်ရေးကာလများတွင် အနစ်နာခံ ဆောင်ရွက် ခဲ့ကြသော လူဟောင်းများ ဘေးရောက်ပြီး လူသစ်များ နေရာရမှုများ မြင့်တက်လာခြင်းကြောင့် အချိန်မရွေး ပေါက်ကွဲနိုင်သည့် မိုင်းဗုံးတစ်လုံးသဖွယ် ဖြစ်လာနေကြောင်း သိရှိရသည်။

ပြည်သူ့အာဏာ