အစိုးရ၀န်ကြီးဌာနများ၏ နှစ်အဆက်ဆက် ကြွေးကျန်ကျပ်သန်း ငါးသိန်းကျော်ကို မတ်လတွင် အပြီးစာရင်းရှင်းရမည်

အစိုးရဌာန အဖွဲ့အစည်းအချို့၏ နှစ်အဆက်ဆက် နိုင်ငံတော်သို့ပေးသွင်းရန် ကျန်ငွေ ကျပ်သန်း ၅၄၅, ၃၃၇ ဒသမ ၅၁၂ ကို ၂၀၁၄ ခုနှစ်၊ မတ်လ ၁၅ ရက်အပြီး ရှင်းလင်းဆောင်ရွက်နိုင်ရန် ဒုတိယသမ္မတ ဦးဉဏ်ထွန်း ခေါင်းဆောင်သည့် ကြွေးကျန်များ စာရင်းရှင်းလင်းရေးအဖွဲ့ဖြင့် ကြပ်မတ်ဆောင်ရွက်လျက် ရှိသည်ဟု ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက ဇန်န၀ါရီ ၂၈ ရက်တွင် လွှတ်တော်သို့ တင်သွင်းသည့် အစီရင်ခံစာတွင် ပါရှိသည်။

ယင်းတို့ကို ပုဂ္ဂလိကထံမှရရန် အကြွေးများကို တောင်းခံ၍မရပါက ဥပဒေအရ တောင်းခံရန်၊ ရရန်၊ ပေးရန် ကိုက်ညီနေသည့် အကြွေးများကို Paper Transaction နည်းဖြင့် ရှင်းလင်းဆောင်ရွက်ရန်၊ ရရန် ပေး ရန် မကိုက်ညီသည့်ဌာနများ၏ အကြွေးများ၊ ပုဂ္ဂလိကမှတောင်းခံရန် မဖြစ်နိုင်ကြောင်း ခိုင်လုံသော ကြွေး မြီများကို နိုင်ငံပိုင်ပစ္စည်း ဆုံးရှုံးမှုစာရင်း (ရရန် အကြွေးစာရင်း)မှ ပယ်ဖျက်နိုင်အတွက် ဘဏ္ဍာရေးစည်း မျဉ်းများနှင့်အညီ ဆောင်ရွက်ရန်၊ နိုင်ငံတော်က တာဝန်ခံရှင်းလင်း ပေးခဲ့သည့် Zero Setting နည်းဖြင့် ဆောင်ရွက်ရန် စီစဉ်ထားခြင်းဖြစ်သည်။

ဝန်ကြီးဌာန ၂၁ ခုနှင့် နေပြည်တော် စည်ပင်သာယာရေး ကော်မတီတို့က ပေးသွင်းရန် ကျန်ရှိနေခြင်း ဖြစ်သည်။ ပြည်သူ့ ငွေစာရင်းကော်မတီက အဆိုပါ အစီရင်ခံစာတွင် ပြည်ထောင်စု စာရင်းစစ်ချုပ်ရုံး၏ ၂၀၁၂-၂၀၁၃ ဘဏ္ဍာရေးနှစ် ဒုတိယခြောက်လပတ်အရ၊ အသုံး စာရင်းစစ်ဆေး တွေ့ရှိချက်များအပေါ် အခြေခံသုံးသပ်ထားခြင်း ဖြစ်သည်။ အစိုးရ၏ ကြွေးကျန် ရှင်းလင်းရေး ဆောင်ရွက်မှုကိုကော်မတီက ကြိုဆိုကြောင်းလည်း ဖော်ပြထားသည်။

သို့သော် ပြည်ထောင်စုစာရင်းစစ်ချုပ်ရုံးအနေဖြင့် တွေ့ရှိချက်နှင့် ဆောင်ရွက်ချက်များကိုသာ ဖော်ပြ ထားပြီး တွေ့ရှိချက်များအပေါ် စာရင်းစစ်ပညာရှင်များ၏ သုံးသပ်အကြံပြုချက်များ မပါဝင်သည်ကိုမူ ကော်မတီက ထောက်ပြမှတ်ချက်ပြုထားသည်။ ထို့ပြင် ဌာနအဖွဲ့အစည်းများ၏ ငွေစာရင်းဆိုင်ရာ လိုက် နာမှုအရည်အသွေးများ မြင့်မားလာရန်နှင့် တိုးတက်မှု ရှိ၊ မရှိ သုံးသပ်နိုင်ရေး ဆောင်ရွက် သင့်သည်ဟု လည်း ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

ပြည်ထောင်စုလွှတ်တော်သို့ ပေးပို့သည့် ပြည်ထောင်စုစာရင်း စစ်ချုပ်ရုံး၏ စစ်ဆေးချက်များတွင် တိုင်း၊ ပြည်နယ်များနှင့်ပတ်သက်၍ မပါဝင်ဘဲ သက်ဆိုင်ရာ လွှတ်တော်များ အရေးယူဆောင်ရွက်ရန် စီစဉ် ထားခြင်း ဖြစ်သည်။ ၂၀၁၂-၂၀၁၃ ဘဏ္ဍာရေးနှစ်တွင် တိုင်း၊ ပြည်နယ် ၁၄ခု သို့ တစ်ခုလျှင် ကျပ်သန်း ၁,၀၀၀ နှုန်း ထောက်ပံ့၍ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး လုပ်ငန်းဆိုင်ရာ ရန် ပုံငွေသုံးစွဲမှု အခြေအနေများကိုမူ သက်ဆိုင်ရာ တိုင်း၊ ပြည်နယ် စာရင်းစစ် ချုပ်ရုံးများမှ စစ်ဆေးတွေ့ရှိ ချက်တွင် ဖော်ပြထားသည်။

မဇ္ဈိမ သတင်းဌာန