၂၀၁၅ အလွန် အကျပ်အတည်းများ

တစ်ကယ်တော့ ၂၀၁၅ အလွန်မှာ ကြုံတွေ့နိုင်တဲ့ သန်းခြောက်ဆယ်ရဲ့ အကျပ်အတည်းဟာ အဲဒီ အချိန်ကျမှ ရုတ်တရက်ပေါ်လာနိုင်တဲ့ ပြသနာများမဟုတ်ဘဲပြီးခဲ့တဲ့ နှစ်ပေါင်း ခြောက်ဆယ် မြန်မာ နိုင်ငံရေးသမိုင်းမှာ လုံးဝ အခြေခံပါတယ်။

ပါလီမန်ခေတ် မြန်မာ့နိုင်ငံရေးပြသနာများနဲ့ အထူးသဖြင့် နှစ်၅၀ အမှောင်ခေတ်ရဲ့ဆိုးကျိုးများကြောင့် ဒီမိုကရေစီ သို့ အကူးအပြောင်းမှာ ရင်ဆိုင်ဖြေရှင်းရမယ့် အခက်အခဲများသာဖြစ်ပါတယ်။တပ်မတော်ရဲ့ အခန်းကဏ္ဍဟာ အဲဒီအကျပ်အတည်းများကို ပြေလည်အောင်ဖြေရှင်းဖို့နဲ့ဒီမိုကရက်တိုက်ဇေးရှင်း ဆက်လက် တည်တံ့ နိုင်ဖို့အတွက် လွန်စွာအရေးပါနေတာ တွေ့ရပါတယ်။

လစ်ဘရယ်လိုက်ဇေးရှင်းကာလလို့ပြောနိုင်တဲ့ အခု ရွေးကောက်ခံအစိုးရသစ် ပထမ ငါးနှစ် သက်တမ်း ဟာပြသနာတွေ၊ စိန်ခေါ်မှုတွေ များစွာကြုံတွေ့နေရသော်ငြား ၂၀၁၅အလွန် ဒုတိယမြောက် အစိုးရသစ်ကို နိုင်ငံသစ်တည်ဆောက်ရေး လက်ဆင့်ကမ်းပေးနိုင်ဖို့က တော်တော်ကြီး သေချာနေပြီလို့ ဆိုနိုင် ပါတယ်။လက်ရှိအစိုးရက လမ်းကြောင်းပြောင်းသွားနိုင်လောက်တဲ့ စိန်ခေါ်မှု တွေကို ကျော်လွှား နိုင်ခဲ့ပါ တယ်။ ကျန်သေးတဲ့နှစ်နှစ်ကာလမှာ နောက်ထပ် အခက်အခဲတွေ ပေါ်လာဖို့ ရှိနေသေးပေမယ့် ရွေးကောက်ပွဲနီးလာတာနဲ့အမျှ အားလုံးရဲ့အာရုံစိုက်မှုနဲ့ မျှော်လင့်ချက်များဟာ ၂၀၁၅ ဆီကိုပဲ ရောက်သွား တော့မှာဖြစ်တာကြောင့် အခုကြုံတွေ့ပြီးရသလောက် ခက်ခက်ခဲခဲဖြေရှင်းဖို့ လိုမယ် မဟုတ်တေ့ာပါဘူး။ ဒီတော့ အပြောင်းအလဲကို စတင်ခဲ့တဲ့ ပထမဆုံးသော အစိုးရသက်တမ်းဟာ ချောချောမွေ့မွေ့နဲ့အဆုံးသတ်နိုင်တော့မယ်လို့ ယျေဘူယျ ကောက် ချက်ကိုဆွဲနိုင်ပါတယ်။

ဒါပေမယ့် ဒုတ်ယမြောက် တာဝန်ယူရမယ့် အစိုးရနဲ့လွှတ်တော်များအတွက်ကတော့ အခု ပထမ ငါးနှစ် ကာလထက် ပိုမိုကြမ်းတမ်းခက်ခဲမှာဖြစ်ပါတယ်။ အဲဒီအခြေအနေကိုကြိုတင်တားဆီးဖို့ မဖြစ်နိုင် သလောက်ရှိသလို ကြိုတင်တွက်ဆပြီးအဖြေရှာထားလို့လည်းမရနိုင်တာကြောင့် နိုင်ငံတော်နဲ့လူထု အတွက် ၂၀၁၅ အလွန်ကာလဟာ များစွာ ရေးကြီးပါကြောင်းအထူးတလည်ဖော်ပြလိုရင်းဖြစ်ပါတယ်။

ဒုတိယမြောက် အစိုးရသက်တမ်းမှာ စိန်ခေါ်မှုတွေ ပိုကြီးမားဖို့ နဲ့ပြသနာတွေလည်းပိုဖြေရှင်းရခက်ခဲဖို့ အတွက် အဓိက အကြောင်းရင်းကြီးနှစ်ခုရှိပါတယ်။ ၁။NLDနဲ့တိုင်းရင်းသားပါတီများ( အပြတ်အသတ် ) landslideအနိုင်ရရှိနိုင်ခြင်း ၂။ ၂၀၁၅ အပေါ် လူထုမျှော်လင့်ချက်များအလွန်ကြီးမားခြင်းတို့ဖြစ်ပါတယ်။

လူထုဟာ လက်ရှိအချိန်အထိ အပြောင်းအလဲရဲ့အသီးအပွင့်ကို ထိထိရောက်ရောက် ခံစားနိုင်ခြင်း မရှိသေးပါဘူး။ လွတ်လပ်ခွင့် တချို့နဲ့ နိုင်ငံရဲ့စီးပွားရေး ဖွံ့ဖြိုးတိုးတက်မှု အနည်းငယ် ရရှိခဲ့ပေမယ့် အထူး သဖြင့် အခြေခံလူတန်းစားတွေအတွက် အသက်ရှူချောင်လောက်တဲ့ အနေအထားကို မရောက် သေးပါဘူး။ နောက်တစ်ခုက မူပြောင်း လူမပြောင်းအခြေအနေကို မျှော်လင့်ချက် ရှိလာတာက တစ်ကြောင်း၊ လက်ရှိသမ္မတရဲ့ ရိုးသားကြိုးစားမှုကို လက်ခံအသိအမှတ်ပြုတာကတစ်ကြောင်းကြောင့်သာ စိတ်ရှည်လက်ရှည်နဲ့ စောင့်နေကြတာဖြစ်ပြီး ၂၀၁၅ မှာ အတိုက်အခံတို့ကို ပုံအောဖို့လည်း ပြင်ဆင်ထား ကြတာဖြစ်ပါတယ်။တစ်နည်းအားဖြင့် မူပြောင်းတဲ့အပြင်လူပါပြောင်းဖို့ ရည်မှန်းထားကြတာဖြစ်ပါတယ်။ ဒီတော့ အတိုက်အခံပါတီကြီးနဲ့ တိုင်းရင်းသားပါတီများဟာသေချာပေါက် အနိုင်ရကြမှာဖြစ်ပြီး လူထုကလည်း အဲဒီအတိုက်အခံတို့အပေါ် မျှော်လင့်ချက်အလွန်အကျွံထားနေကြတာကြောင့်  ၂၀၁၅ အလွန်မှာ နိုင်ငံရေး၊စီးပွားရေး ပြသနာများကို ကြီးကြီးမားမား ရင်ဆိုင်ကြုံတွေ့ကြရဖို့က သေချာ သလောက် ရှိနေပါတယ်။( လုံးဝ အပြတ်အသတ်အနိုင်မယူသင့်ဘူးလို့ အခြေအနေတစ်ရပ်မှာ ဆရာ အောင်ထွဋ်ပြောခဲ့ဖူးတာကို ဒီနေရာမှာအမှတ်ရမိပါတယ်။ )

၂၀၁၅ အလွန်မှာ ဘယ်ပါတီကပဲ အစိုးရဖွဲ့သည်ဖြစ်စေ၊ အဲဒီအိစိုးရဟာလူထုရဲ့မျှော်လင့်ချက်တွေကို အပြည့်အဝ ဖြည့်ဆည်းပေးနိုင်ဖို့အခြေအနေတွေကအခုချိန်ထိ မရရှိသေးပါဘူး။ NLD ဟာ သေချာပေါက် လွှတ်တော်များကို အတိုင်းအတာကြီးကြီးမားမား လွှမ်းနိုင်မှာဖြစ်ပြီး အစိုးရဖွဲ့ခွင့်လည်းရဖို့ ရှိနေပါတယ်။ ဒေါ်စုသာ လွှတ်တော်အကြီးအကဲ၊ ဒါမှမဟုတ် အစိုးရအကြီးအကဲဖြစ်လာခဲ့ရင် သေချာပေါက် အကျပ်အတည်းများကိုကြီးကြီးမားမားရင်ဆိုင်ရမှာပါ။(လွှတ်တော်အကြီးအကဲဖြစ်နိုင်ခြေကများနေပါတယ်။ အခြားသောအတိုက်အခံနိုင်ငံရေးသမားတစ်ယောက်ကလည်းသမ္မတဖြစ်လာနိုင်ချေရှိပါတယ်။ ၅၉( စ ) ကြောင့်ပါ။ )

၁။ လူထုရဲ့ လွတ်လပ်ခွင့်နဲ့ လူမှုဘဝမြင့်မားလိုမှု မျှော်လင့်ချက်များ ၂။တိုင်းရင်းသားတို့ရဲ့ တန်းတူ ညီမျှရေးအပါအဝင် ဖွံ့ဖြိုးတိုးတက်ရေးဆိုင်ရာမျှော်လင့်ချက်များ ဟာ ဒေါ်စု ခေါင်းပေါ်ကျမယ့် ဝန်ထုတ် ဝန်ပိုးများဖြစ်လာပါလိမ့်မယ်။ အတိုက်အခံခေါင်းဆောင်ဆီကနေလိုလားချက်တွေ လိုအပ်ချက်တွေကို သေချာပေါက် ရမယ်လို့လိုတာထက်ပိုပြီးမျှော်လင့်နေကြပါတယ်။ ဒေါ်စုအနေနဲ့က အဲဒီမျှော်လင့်ချက် တွေကို ငြင်းဆိုဖို့ခက်ခဲမှာဖြစ်သလို အပြည့်အဝရရှိအောင်ဖြည့်ဆည်းပေးနိုင်ဖို့ ကလည်း လွယ်ကူလှမယ် မဟုတ်ပါဘူး။

တိုင်းပြည်ကို ဦးဆောင်ဦးရွက်ပြုပြီး ဒီမိုကရေစီ ပီပြင်အောင်နဲ့စီးပွားရေးအရ လူတန်းစေ့အောင် ဒုတိယ မြောက်သက်တမ်း ငါးနှစ်အတွင်းဖြည့်ဆည်းပေးဖို့ အကောင်အထည်ဖော်ပေးဖို့ဆိုရင် ဒေါ်စု တစ်ယောက်ထဲနဲ့ဘယ်လိုမှမဖြစ်နိုင်ပါဘူး။ နိုင်ငံတော်ကို စီမံခန့်ခွဲတဲ့အလုပ်ဟာ Team Work ဖြစ်တယ်ဆိုတာ အထူးပြောဖို့လိုမယ်မထင်ပါဘူး။ ဒေါ်စုမှာ Team ကောင်းကောင်းတစ်ခု လိုအပ် နေပါတယ်။ လောလောဆယ်မှာလည်း နှစ်နှစ်အတွင်း ဖြည့်ဆည်းထားဖို့ ဘယ်လိုမှ မဖြစ်နိုင်တာ တွေ့ရပါတယ်။ နိုင်ငံတော်ကို ထိပ်ဆုံးကနေ အောက်ခြေအထိတာဝန်ယူခွင့်ရတဲ့အခါ ဒေါ်စုလည်း ခက်ခဲနိုင်တာဖြစ်သလို လူထုလည်းကျပ်တည်းနိုင်ပါတယ်။

အခု စီမံခန့်ခွဲမှု ညံ့ဖျင်းလို့ လက်ရှိအစိုးရရဲ့ Team က မကောင်းလို့တိုင်းပြည်ကြုံတွေ့နေရတဲ့ ပြသနာ နဲ့၂၀၁၅ အလွန်မှာ ပေါ်ပေါက်လာမယ့် အခက်အခဲတွေက လုံးဝခြားနားမှာဖြစ်ပါတယ်။ လူထုရဲ့ မျှော်လင့် ချက်များမတူညီခြင်းကြောင့်ဖြစ်ပါတယ်။

ဒီမိုကရေစီကိုလည်း ဒေါ်စုက စံနှုန်းပြည့်သာစဉ်းစားတာဖြစ်လေတော့၂၀၁၅အလွန်မှာ အထူးသဖြင့် တိုင်းရင်းသားတို့က ဒေါ်စုဆီကနေစံနှုန်းပြည့်ဒီမိုကရေစီကို သေချာပေါက်တောင်းဆိုကြမှာဖြစ်ပါတယ်။ အသိပညာရေချိန်ပြသနာ၊ နှစ်ပေါင်းခြောက်ဆယ်က ပျက်စီးယိုယွင်းလာတဲ့စီးပွားရေး၊ လူမှုရေး အခြေအနေများ၊ ဖွံ့ဖြိုးတိုးတက်ရေးကိုချက်ချင်းတွန်းတင်လို့မရနိုင်တဲ့အခြေအနေ စတာတွေက ၂၀၁၅ အလွန်မှာတာဝန်ယူမယ့်အစိုးရနဲ့ လွှတ်တော်တို့ကို ဘေးကျပ်နံကျပ်ဖြစ်စေမှာဖြစ်ပါတယ်။ တစ်ဖက်မှာ တပ်မတော်နဲ့ အတိုက်အခံတို့ ရင်ကြားစေ့ရေး တည်ဆောက်နေတဲ့ကိစ္စကလည်း ခရီး မရောက် နိုင်သေးလေတော့ တပ်မတော်နဲ့ လုံးလုံးပတ်သက်မှုမရှိတဲ့ ပါတီကဖွဲ့မယ့် အစိုးရသစ်နဲ့ တပ်အကြား ဆက်ဆံရေးဟာ တော်တော်သတိထားရမယ့်အနေအထားကို ရောက်လာတော့မှာဖြစ်ပါတယ်။ နောက် အစိုးရသစ်အနေနဲ့နိုင်ငံရေး စီးပွားရေးဆိုင်ရာစိန်ခေါ်မှုတွေကိုအခုလက်ရှိအစိုးရထက် ပိုပြီးခဲရာခဲဆစ် ရင်ဆိုင်ဖြေရှင်းရမှာလည်းဖြစ်ပါတယ်။

ပါလီမန်စနစ်မဟုတ်လေတော့ ညွန့်ပေါင်းအစိုးရဖွဲ့ဖို့ဆိုတာ ဥပဒေအရမဖြစ်နိုင်ပါဘူး။ သမ္မတဖြစ်သူက ကက်ဘိနက်ဖွဲ့ရမှာပါ။ ကက်ဘိနက်ကိုတခြားပါတီများက ပုဂ္ဂိုလ်များခန့်အပ်ဖွဲ့စည်းလို့ရပါတယ်။ ဒါပေမယ့်  ဒါညွန့်ပေါင်းအစိုရမဟုတ်ပါ။ ပါလီမန်စနစ်မဟုတ်တာကြောင့်ဖြစ်ပါတယ်။ သမ္မတနဲ့ ဒုသမ္မတ တွေဟာလည်း မတူညီတဲ့ပါတီများနဲ့ တပ်မတော်က အမည်စာရင်းတင်တဲ့ပုဂ္ဂိုလ်တို့ ဖြစ်လာဖို့ရှိပြီး ဒါလည်း ညွန့်ပေါင်းမဟုတ်ဘဲ အခြေခံဥပဒေအရ သာဖြစ်ပါတယ်။ ၂၀၁၅ အလွန် အကျပ်အတည်းများ လျော့ပါးသင့်သလောက်လျော့ပါးဖို့အတွက် လောလောဆယ်လုပ်သင့်တဲ့ အချက်တွေရှိပါတယ်။ ပြောရရင် ၂၀၁၅ မတိုင်ခင်မှာ များများစားစား မျှော်လင့်လို့မရနိုင်တဲ့ အခြေခံဥပဒေ ပြင်ဆင်ရေး ထက်တောင်မှ အရေးပါတဲ့ အချက်ဖြစ်ပါတယ်။အတိုက်အခံတို့အနေနဲ့ဒီအချက်တွေကို စိတ်ဝင်စားဖို့ သိပ်များများမမျှော်လင့်ပေမယ့် ဖော်ပြသင့်လို့ဖော်ပြလိုက်ပါတယ်။

၁။ ဒေါ်စုအနေနဲ့ အနည်းဆုံးအတင့်အနေနဲ့ လွှတ်တော်များကို လွှမ်းမိုးနိုင်တော့မယ့် အများဆုံး အစိုးရဖွဲ့နိုင်တော့မယ်ပါတီရဲ့ ခေါင်းဆောင်တစ်ယောက်အနေနဲ့ ရွေးကောက်ပွဲ မတိုင်ခင် နှစ်နှစ်တာ ကာလမှာ ပြည်တွင်းက နိုင်ငံရေးကိစ္စများနဲ့ စီးပွားဖွံ့ဖြိုးတိုးတက်ရေးကိစ္စများကို နိုင်ငံတကာမှာ သွားရောက် လုပ်ကိုင်နေတဲ့ကိစ္စများထက် အများကြီးပိုပြီး အလေးအနက် ထားသင့် အာရုံစိုက်သင့်တဲ့ အချိန်ကို ရောက်နေပြီဖြစ်ပါတယ်။ 

၂၀၁၅ အလွန်မှာ သေချာပေါက်အနိုင်ရမယ့်ပါတီဟာ အခြေအနေအရပ်ရပ်ကို အကောင်းဆုံးအနေအထား ရနေဖို့ လုပ်နိုင်သလောက် အစွမ်းကုန် ဆောင်ရွက်ထားသင့်ပါတယ်။

၂။အပစ်အခတ်ရပ်စဲရေးနဲ့ငြိမ်းချမ်းရေးကိစ္စများဟာလည်း ၂၀၁၅ အလွန်ကာလအတွက်အထူးအရေးပါတဲ့ အတွက် စစ်မှန်တဲ့သဘောဆန္ဒနဲ့ နိုင်ငံရေးနယ်ပယ်မှာ ကျင်လည်နေကြသူအားလုံးက အခုထက် အားသွန်ခွန်စိုက် ပါဝင်ကြိုးပမ်းမယ်ဆိုရင်၂၀၁၅ အလွန်မှာ နိုင်ငံတည်ဆောက်ရေးလမ်းကြောင်းက ချော်ထွက်မသွားဖို့အများကြီးအထောက်အကူရစေမှာဖြစ်ပါတယ်။ 

၃။အပစ်အခတ်ရပ်စဲရေး လက်မှတ်ရေးထိုးရန်ကိစ္စကို အခြေခံပြီး အားလုံးပါဝင်တဲ့ နိုင်ငံရေး ဆွေးနွေး ပွဲတစ်ခုကို ကျင်းပနိုင်ဖို့အားလုံးကကြိုးပမ်းသင့်ပါတယ်။ အဲဒီနိုင်ငံရေးဆွေးနွေးပွဲမှာ အခြေခံ ဥပဒေ ပြင်ဆင်ရေးကိစ္စပါဝင်ရမှာဖြစ်ပေမယ့်  အဓိကဖြစ်သင့်တာက ၂၀၁၅အလွန် နိုင်ငံတော်တည် ငြိမ်ရေး ဖြစ်ပါတယ်။ အစိုးရဖွဲ့စည်းရေးကို လက်ရှိအာဏာရပါတီ၊ အတိုက်အခံပါတီကြီး၊ တိုင်းရင်းသား ပါတီများအပါအဝင် ပါတီအားလုံးကညှိနှိုင်းဆွေးနွေးသင့်ပါတယ်။

အထူးသဖြင့် အာဏာရပါတီကြီးနဲ့ အတိုက်အခံပါတီတို့ အစိုးရဖွဲ့စည်းရေးယေဘူယျသဘောတူညီမှု ( consensus ) တစ်စုံတစ်ရာ ရယူထားနိုင်ရင် အခုဒီဆောင်းပါးမှာအဓိက ပြောချင်တဲ့  ၂၀၁၅ အလွန် အကျပ်အတည်းများဆိုတာ ရှိလာတော့မှာမဟုတ်တာ သေချာပါတယ်။ ( ဒါပေမယ့် အနိုင်ရဖို့ သေချာ သလောက် ရှိနေတဲ့ အတိုက်အခံပါတီကြီးအနေနဲ့လည်း ဒီလို consencus မျိုးကို စိတ်ဝင်စား လာနိုင်ဖို့အခွင့်အလမ်းဟာလည်း အလွန်တရာနည်းပါးလှတာကြောင့်  ၂၀၁၅အလွန်မှာ ဒီမိုကရေစီ တည်ဆောက်ရေးလုပ်ငန်းစဉ်ကြီးကို ခြိမ်းခြောက်မယ့် စိန်ခေါ်မှုတွေကို ရှောင်လွှဲနိုင်ဖို့ရာလည်း မျှော်လင့် ချက် နည်းပါးလှပါတယ်။

၅။ ၂၀၁၅အလွန်လွှတ်တော်များမှာ အနိုင်ရအတိုက်အခံအမတ်များနဲ့ တပ်မတော်သား လွှတ်တော်အမတ်များ အကောင်းဆုံးလုပ်ဖော်ကိုင်ဖက်တွေဖြစ်ဖို့ ဘယ်လိုလုပ်ကိုင်ဆောင်ရွက်ရင် အကောင်းဆုံးဖြစ်မယ်ဆိုတာ အခုကတည်းက ကြိုတင်ပြင်ဆင်သင့်ပါပြီ။ တပ်မတော်သား ကိုယ်စား လှယ်များကို ၂၀၁၅ ဒုတိယလွှတ်တော်သက်တမ်း ကာလအတွင်းမှာ လွှတ်တော်ထဲက ဖယ်ရှားရေး ကိစ္စကိုလောလောဆယ်မစဉ်းစားသေးဘဲ အလုပ်အတူတူလုပ်ဖို့ ကြိုတင် ပြင်ဆင်ခြင်းကနှစ်ဦးနှစ်ဖက် အကျိုးများနိုင်ပါလိမ့်မယ်။

၂၀၁၅ အလွန်မှာ အတိုက်အခံတို့က ( ၅၉ (စ ) ကိုမပြင်ဆင်နိုင်ဘဲ ) အနိုင်ရတဲ့အခါ သမ္မတလောင်း အဖြစ် လက်ရှိသမ္မတကို အနိုင်ရအတိုက်အခံပါတီက nominate လုပ်ဖို့ များပြောခဲ့ရင် အားလုံးကဝိုင်းပြီး လှောင်ပြောင်ကြမှာဖြစ်ပါတယ်။ ဒါပေမယ့်ဒီမိုကရက်တိုက်ဇေးရှင်းဟာ လမ်းကြောင်းပေါ်မှာပဲ တည်တည် ငြိမ်ငြိမ်ဆက်ရှိနေဖို့ဆိုရင် ဒီအချက်ဟာ option တွေထဲက စဉ်းစားသင့်တဲ့ တစ်ချက်ဖြစ်တယ်လို့ ယူဆပါတယ်။ ဦးနှောက်အလုပ်ပေးဖို့အလွန်ကောင်းတဲ့ Option မို့ဘယ်သူမှရွေးမယ့် နည်းလမ်း မဟုတ်ပေမယ့် ဖော်ပြလိုက်ပါတယ်။ အတိုက်အခံတို့ဘက်မှာ လက်ရှိအနေအထားအရ ဒေါ်စုကလွဲရင် သမ္မတလောင်းအဖြစ် အမည်စာရင်းတင်ဖို့ထင်းကနဲလင်းကနဲ မြင်သာတဲ့ပုဂ္ဂိုလ် တစ်ယောက်တစ်လေမျှ မမြင်မိသေးကြောင်းဖော်ပြလိုပါတယ်။ 

ဒါဟာ အတိုက်အခံတွေ ဒေါ်စုကလွဲရင် ဘယ်သူမှအရည်အသွေးမမီဘူးလို့ ပြောလိုခြင်းမဟုတ်ဘဲ အရည်အသွေးအပြင် သြဇာလွှမ်းမိုးနိုင်မှု လူထု၊ ချစ်ခင်လေးစားမှု အစရှိသော အသွင်ကူးပြောင်းရေး ကာလအတွက် အခြားအရေးပါတဲ့အချက်များကို ထည့်သွင်းစဉ်းစားရန် လိုအပ်တယ်လို့ ယူဆ သောကြောင့်သာဖြစ်ပါတယ်။ (လက်ရှိအာဏာရပါတီဘက်မှာလည်း ဦးသိန်းစိန်ကလွဲရင် လူထု တလေး တစားလက်ခံလောက်တဲ့ပုဂ္ဂိုလ် မရှိသလောက်ရှားပါတယ်။ သူရဦးရွှေမန်းလည်း ပါတီကျောထောက် နောက်ခံနဲ့ဆိုရင် ပါတီကိုယ်နှိုက်က နိုင်ဖို့အခွင့်အလမ်းနည်းနေတာကြောင့်မျှော်လင့်ချက် နည်းလွန်း ပါတယ်။ )

ဒါပေမယ့် ဆောင်းပါးအစပိုင်းမှာ ပြောခဲ့သလိုပါပဲ။ တပ်မတော်ရဲ့နိုင်ငံရေးအခန်းကဏ္ဍက ၂၀၁၅ အလွန်ကာလအတွက် အရေးပါနေတာတွေ့ရပါတယ်။ ဒီနေရာမှာလည်း၂၅ ရာခိုင်နှုန်းကို အလျင် အမြန်ဖယ်ရှားရေးကို လုပ်မယ်ဆိုရင် အလေးအနက်ထည့်သွင်းစဉ်းစားသင့်တဲ့ အချက်ဖြစ်ပါတယ်။ လက်ရှိဒီမိုကရေစီနဲ့ မကိုက်ညီသေးတဲ့ အခြေခံဥပဒေသည်လည်းကောင်း၊ အခြေခံဥပဒေအရ တပ်မတော်ရဲ့ ကဏ္ဍသည်လည်းကောင်း ဒီမိုကရေစီချောချောမောမော ပေါ်ထွန်းရေးအတွက် တစ်စိတ် တစ်ပိုင်းအရေးပါနေတဲ့အပြင် အခြေခံဥပဒေနဲ့  တပ်မတော်ကပဲ သန်းခြောက်ဆယ်သောလူထု ရင်ဆိုင် ကြရမယ့်အခက်အခဲများကို ကျော်လွှားနိုင်ဖို့၊ အတိုက်အခံတို့ကပါ အားပြုသင့်တဲ့ အနေအထား ဖြစ်လာ နိုင်ရုံမကဘဲ ဒီမိုကရေစီခိုင်မာစွာပေါ်ထွန်း တည်တံ့နိုင်ရေးအတွက် တစ်နည်းတစ်လမ်း အာမ ခံချက်ဖြစ်နေပါကြောင်း( လက်မခံနိုင်သူ အများအပြားရှိမှန်းသိလျက်နဲ့ပဲ ) အားလုံးကို လေးစားစွာ တင်ပြ လိုက်ရပါတယ်။ ။

ပိုက်တင် —

the Voice daily သတင်းစာ ဆောင်းပါး