ပလေယာသစ် ၊ ဂိမ်းသစ် ၊ သီအိုရီသစ်

ပလေယာသစ် ဆိုတာက တပ်မတော်ကာကွယ်ရေးဦးစီးချုပ်သစ်ကို ဆိုလိုပါတယ်။ ပလေယာဟောင်း ဖြစ်တဲ့သူကတော့ အခြေခံဥပဒေ ရေးဆွဲခဲ့သူ လက်ရှိအစိုးရသစ်ကို ပါဝါလွှဲပြောင်းပေးခဲ့သူ ဦးစီးချုပ် အဟောင်းဖြစ်ပါတယ်။ ဦးသန်းရွှေဟာ နှစ်နှစ်ဆယ်ကာလမြန်မာနိုင်ငံ သမိုင်းကို သယ်ဆောင်ခဲ့သူဖြစ်ပြီး လက်ရှိနိုင်ငံရေးအခြေအနေကိုရရှိဖို့ စိန်ခေါ်မှုတွေအများအပြားကို ကျော်လွှားပြီး အရ တည်ဆောက်ခဲ့ သူဖြစ်ပါတယ်။

ဦးသန်းရွှေရဲ့ အုပ်ချုပ်မှုဟာ အငြင်းပွားစရာများ အမြောက်အများရှိခဲ့ပေမယ့် လက်ရှိ နိုင်ငံရေး ဂိမ်းသစ်ကို သူနဲ့ သူ့ရဲ့ တိုင်ပင်ဖော်များနဲ့အတူ နှစ်နှစ်ဆယ်အချိန်ယူပြီးအကျအန ဖန်တီးပေးခဲ့ နိုင်ခြင်း ဖြစ်ပါတယ်။အရင် အုပ်ချုပ်ရေးဟောင်း (ဂိမ်းဟောင်း )မှာစီးပွားရေးအရ မအောင်မြင်မှုများ ရှိခဲ့သော် လည်းနိုင်ငံရေးအရ တော့ ရှုံးနိမ့်တယ်လို့ ပြောဖို့ ခက်တဲ့ အနေ အထားဖြစ်ပါတယ်။ ၂၀၀၈ ဖွဲ့စည်းပုံကို စိန်ခေါ်မှုတွေကြား ထဲ က အရပြဌာန်းနိုင်ခဲ့သလို ၂၀၁၀ ရွေးကောက်ပွဲနဲ့လည်း ကမ္ဘာကို ကိုင်လှုပ်ခဲ့ ပါတယ်။ လက်ရှိ နိုင်ငံတကာထောက်ခံမှုများနဲ့ လက်ရှိ အရွေ့တို့ က ဦးသန်းရွှေမအောင်မြင်ဘူးလို့ ကောက်ချက်ချရခက်အောင် ကောင်းစွာ ဟန့်တားပေးနိုင်တဲ့ အဓိက အကြောင်းတရားတွေထဲက တစ်ချို့ပါ။ ဒီတော့ နိုင်ငံရေးအရဂိမ်းတစ်ခုကို အပိုင်အနိုင်ကစားနိုင်ခဲ့ပြီး အတိုက်အခံတို့ကိုလည်း တွန်းဖယ်ပစ်မယ်လို့ ထင်ရပေမယ့် နောက်ဆုံး space တစ်ခုပေးပြီး လက်ကမ်းကြိုဆိုကာ လှလှပပ ရွှေ့ယူနိုင် ခဲ့ ပါတယ်။နှစ်နှစ်ဆယ်ကာလလုံးလုံး အားလုံးရဲ့ ဆန့်ကျင်ခံရမှုကို တစ်ခန်းရပ်စေခဲ့ပါတယ်။

အခုပလေယာသစ်( တပ်ချုပ်သစ် )ဟာ အခြေခံဥပဒေအရ သမ္မတက ခန့်အပ်တဲ့သူမဟုတ်သေးဘဲ ပလေယာအဟောင်းက အသွင်ကူးပြောင်းရေး ကာလမှာ စိတ်တိုင်းကျ ပခုံးပြောင်းပေးခဲ့သူဖြစ်ပါတယ်။ ပလေယာ အဟောင်း စိတ်တိုင်းကျတဲ့အရည်အသွေးများနဲ့ပြည့်စုံသူ( selected person )ဆိုတာ ယုံမှားသံသယဖြစ်ဖို့မလိုပါဘူး။ ဒီပလေယာသစ်က ဂိမ်းသစ်ကို သပ်သက်ရပ်ရပ် ကစားနိုင်တယ်ဆိုတာကို အတိုက်အခံ တို့ သတိပြုသင့်ပါတယ်။ ဒီမိုကရေစီအတွက် ဖြေလျှော့ (liberalize )ပေးထား တဲ့ အခုကာလမှာ စနစ်သစ်နဲ့ လိုက်လျောညီထွေ တပ်ကို reform လုပ်နေ သူအဖြစ် မြင်ဖို့လိုပါတယ်။ လာလတံ့သော ဒီမိုကရေစီ ခေတ်မှာ တပ်ဟာ လိုက်လျောညီထွေဖြစ်ဖို့ မဖြစ်မနေလိုအပ်တာကို တပ်ချုပ်( ပလေယာသစ် ) က ကောင်းစွာသဘောပေါက်ပါတယ်။ ဘယ်တုန်းကမှ မရခဲ့တဲ့ လူထုရဲ့ အမြင်ကြည်လင်လာမှုကိုလည်း တစ်စတစ်စ တိုးတက်ရရှိအောင် စွမ်းဆောင်နိုင်သူဖြစ်ပါတယ်။ လူထုနဲ့ တစ်သားထဲဖြစ်ရေးဟာ တပ်ရဲ့ မဟာဗျူဟာဖြစ်ပါတယ်။ လူထုနဲ့တစ်သားထဲဖြစ်အောင် အားထုတ် နေခြင်းက ဒီမိုကရေစီကို တပ်က အမှန်တစ်ကယ်ယုံကြည်ချက်ရှိကြောင်းပြဆိုပါတယ်။ (ဒီမိုကရေစီကိုယုံကြည်ရင်တပ်က နိုင်ငံရေးက အခုချက်ချင်း ဖယ်ပေး ပါလားလို့ငြင်းလိုတဲ့သူများ ဒီဆောင်းပါးကိုဆက်မဖတ်သင့်ပါ။ )

ဂိမ်းသစ်ဆိုတာကတော့ လက်ရှိအခြေခံဥပဒေပေါ်အခြေခံတဲ့ ကြားဖြတ် ရွေးကောက်ပွဲေ နာက်ပိုင်း နိုင်ငံရေးပါ။ ပြင်ဖို့ သစ်ဖို့ ငြင်းခုန်ခြင်း၊ လူထု ဆန္ဒတောင်းခံခြင်း၊ သမ္မတလောင်းများပေါ်ထွက်လာခြင်း ၊ လွှတ်တော် များနဲ့ အုပ်ချုပ်ရေး အားပြိုင်မှုများ စတဲ့ အရွေ့များက ဂိမ်းကို အသက်ဝင်စေ ပါတယ်။ ဒီမိုကရေစီ သဘောထင်ဟပ်သော အတိုက်အခံ တို့ရဲ့ ကြိုးပမ်း မှုတွေကို တပ်က လိုက်လျောနေတာက အရင် ဂိမ်းဟောင်း မဟုတ်တော့ ဘူးဆိုတာပြဆိုပါတယ်။ ဘယ်လိုပဲဖြစ်ဖြစ် တပ်အနေနဲ့ အဓိကအတိုက် အခံနဲ့ နားလည်မှု များစွာမရနိုင်သေးသော်ငြား လူထုနဲ့ တပ်စည်းလုံးဖို့ကို ပိုအာရုံစိုက်ထားခြင်းကနို င်ငံတော်ရှေ့ရေး၊ဒီမိုကရေစီဖြစ်ထွန်းရေးအတွက် အလွန်ကောင်းမွန်တဲ့ အလားအလာများဖြစ်ပါတယ်။ ဒီတော့ အတိုက်အခံ တို့ဟာ ဂိမ်းသစ်ကို ပလေယာဟောင်းများနဲ့ဘယ်လို ပိုင်ပိုင်နိုင်နိုင် ဆက်ကစား ကြမလဲ ဆိုတာကိုသေသေချာချာလေ့လာသုံးသပ်သင့်ပြီဖြစ် ပါတယ် ။ ကြားဖြတ်ရွေးကောက်ပွဲရဲ့ ဟိုဘက်မှာ ကျန်ခဲ့တဲ့ ဂိမ်းဟောင်း ( revolution ) ကာလတုန်းက နည်းလမ်းတွေအတိုင်း ဆက်မသုံး သင့်ဘူး ထင်ပါတယ်။ ပလေယာသစ် ပေါ်လာခြင်းက အတိုက်အခံနဲ့ တပ် နားလည်မှုတည်ဆောက်နိုင်ရေး အထောက်အပံ့တစ်ခုဖြစ်ပါတယ်။ အားလုံးကို အသစ်က ပြန်စနိုင်ပါတယ်။ vision အသစ် လိုအပ်ပါ တယ်။

ဂိမ်းသစ်မှာ အင်အားမျှခြေလည်းပြောင်းသွားတယ်ဆိုတာ သတိပြုသင့် ပါတယ်။ လူထုထောက်ခံမှုက မသိမသာေ ရွ့လျားပြောင်းလဲနေပါတယ်။ ဆိုလိုတာက ပြည်နယ်တွေက အတိုက်အခံကိုထောက်ခံတဲ့ ပုံစံ ပြောင်းနေ ပါတယ်။ လူထုထောက်ခဲမှုက ပြန့်ကျဲထွက်နေပါတယ်။ တစ်ဦးတစ်ဖွဲ့ ထဲကိုထောက်ခံ နေတဲ့ပုံစံမဟုတ်တော့ပါဘူး။ တပ်ကိုထောက်ခံသူ၊ အစိုးရသစ်ကို ထောက်ခံသူ များပင် တိုးပွားလာ နေပါတယ်။ အထူးသဖြင့် က တိုင်းရင်းသားတို့အပေါ်ထောက်ခံမှု တိုးပွားလာခြင်းပါပဲ။ ဒါလည်း ပြသနာတစ်ခု မဟုတ်ဘဲ သီအိုရီအတိုင်း ဖြစ်ပေါ်တိုးတက်ပြောင်းလဲမှု အဖြစ်ရှုမြင်နိုင်ရင် စိတ်ပူစရာမရှိပါဘူး။ ဒီမိုကရေစီကိုဦးတည်တဲ့ ကောင်းမွန်ပြီးသဘာဝကျသော ရွေ့လျားမှုများသာ ဖြစ်ပါတယ်။ ဒါပေမယ့် လက်ရှိဂိမ်းသစ်က အဓိက အတိုက်အခံပါတီကြီးအနေနဲ့ tactic အသစ်တွေ ကို အပြင်းအထန်ရှာဖွေသင့်ပြီဆိုတာကို သတိပေးတဲ့ အရွေ့ဆိုတာ သတိပြုစေလိုပါတယ်။ မသိမသာ ရွေ့လျားပြောင်းလဲမှုဖြစ်တဲ့အတွက် အတိုက်အခံတို့အနေနဲ့ ပေါ့ပေါ့ဆဆ သဘောထားနေတာမျိုး ( သတိမမူမိတာမျိုး)လည်းရှိနိုင်ပြီး ဒီလိုသာအမှန်ဖြစ်နေရင် လက်တွေ့ မှာ အောင်မြင်အောင် ဆက်လုပ်နိုင် ဖို့ အခက်အခဲတွေကြုံရနိုင်ပါတယ်။

ကျောထောက်နောက်ခံ အင်အားမျှခြေများ အပြောင်းအလဲကို စဉ်းစားမယ်ဆိုရင် နိုင်ငံတကာ ထောက်ခံမှု ကလည်းအရေးပါလှပါတယ်။ ကြားဖြတ်ရွေးကောက်ပွဲမတိုင်ခင်ကာလနဲ့ လက်ရှိကာလ တို့အကြား နိုင်ငံတကာအသိုင်းအဝိုင်းရဲ့ ပါဝင်ပတ်သက်မှုပုံစံ ( ထောက်ပံ့ကူညီမှုပုံစံ) အကြီးအကျယ်ခြားနားသွားပါပြီ။ အစိုးရဘက်ကို ပဲ လုံးဝထောက်ခံ လိုက်ပြီလို့ပြောရင် မမှန်ဘူးဆိုပေမယ့် အတိုက်အခံကိုချည်း သက်သက် ပဲ ထောက်ခံမှု ကူညီပုံစံလည်းမဟုတ်တော့ပါဘူး။ဒါ့အပြင် လူထုထောက်ခံမှုလိုပဲ ပြန့်ကျဲထွက်လာ နေတာဖြစ်ပြီး အစိုးရ၊ အတိုက်အခံနဲ့ လူနည်းစု လူမျိုးစုများအကြားေ ထာက်ခံမှုကို မျှခြေရှိအောင် ဂရုတစိုက်ဆောင်ရွက်နေ ပါတယ်။ တဖြည်းဖြည်းနဲ့လည်း အစိုးရအပေါ် ထောက်ခံမှုပိုမိုပေးမယ့် အနေအထားသစ်ကိုေ ရာက်လာနေတယ်လို့လည်း ခန့်မှန်းတွက်ချက်လို့ ရပါတယ်။ ဒါကလည်း သဘာဝ အတိုင်းဖြစ်ပျက်ခဲ့ခြင်းပါ။ ၂၀၁၀ မတိုင်ခင် အထိ အတိုက်အခံ အင်အားစုများကို ပုံအောထောက်ခံခဲ့ ပံ့ပိုးကူညီ ခဲ့ပေမယ့်နို င်ငံတကာအနေနဲ့ လေလွင့်ဆုံးရှုံးမှုများကိုသာ ကြုံတွေ့ခဲ့ရ ပါတယ်။ နိုင်ငံတကာ ဖိအားသုံးပြီး တပ်ဘက်ကပလေယာအဟောင်းရဲ့ ရည်မှန်းချက်ကို ဖြိုဖျက်နိုင်မယ်၊ အတိုက်အခံတို့ လိုချင်တဲ့ပုံစံကို တည်ဆောက်နိုင်မယ်လို့ ပြည်တွင်းကရော ပြည်ပကပါ ယုံကြည်ခဲ့ကြတာပါ။

နိုင်ငံတကာအနေနဲ့ အချိန်ကာလများ ၊ ငွေကြေးဆိုင်ရာအထောက်အပံ့များ အကြီအကျယ်ဆုံးရှုံး ခဲ့ပါတယ်။ အဆိုးဆုံးက ( အကြီးမားဆုံး ဆုံးရှုံးမှုက မဟာဗျူဟာ ကျဆုံးခြင်း ( failure of strategy ) ဖြစ်ပါတယ်။ အဲဒီ ဆုံးရှုံးမှု နောက်ဆက်တွဲကြောင့် တရုပ်တို့ လက်ဦးမှု( initiative ) ကိုပိုင်ဆိုင်သွားစေ ခဲ့ပါတယ်။ဝိုင်းပိတ်ဖို့ကြိုးစားခံနေရတဲ့ မြန်မာကို မဟာမိတ်အဖြစ် တရုပ်က ရရှိသွားစေခဲ့ပါတယ်။ ဒီတော့ အဲဒီကာလရဲ့ သင်္ခန်းစာအမြောက်အများ ကိုသူတို့ အရယူခဲ့ပါတယ်။ လက်တွေ့အလုပ်ဖြစ်ရေး နည်းလမ်းကို သူတို့ ရွေးပါတယ်။ မဟာဗျူဟာ အပြောင်းအလဲကို အကြီးအကျယ်လုပ်လိုက် ပါတယ်။ ဂိမ်းသစ်ကို လက်ခံလိုက်တဲ့ နိုင်ငံတကာဟာ ပလေယာသစ်ကို အတိုက်အခံပလေယာဟောင်းများနဲ့ တန်းတူ ယုံကြည်မှု ထားလိုက်ပါပြီ။

ပလေယာအားလုံးကို မျှမျှတတ အားပေးကူညီရင်းနိုင်ငံတကာဟာ လည်း အပြောင်းအလဲကို ခိုင်မာဖို့အတွက် လက်တွေ့ကျတဲ့အနေအထား ကို ပို အာရုံစိုက်လာနေပါတယ်။ ဒီတော့ အတိုက်အခံတို့ အနေနဲ့ ငါတို့ ဘက်မှာ လူထုနဲ့နို င်ငံတကာထောက်ခံမှုအပြည့်အဝရှိတယ်ဆိုတဲ့ အယူအဆကိုကိုင်ပြီး ဂိမ်းဟောင်းအတိုင်းဆက်သွားနေလို့မဖြစ်နိုင်တော့ ပါဘူး။

ဒီထက်ပိုအရေးပါပြီး အတိုက်အခံတို့ေ သချာပေါက်ထည့်သွင်းစဉ်းစား သင့်တဲ့အချက်ကတော့ အင်အားမျှခြေကို အခုအတိုင်းဆက်ထိန်း မထားနိုင်ရင် တစ်ဖက်စောင်းနင်းအနေအထားအထိပြောင်းလဲ သွားနိုင်တယ် ဆိုတာပါ။ လူထုထောက်ခံမှုအင်အားရောနိုင်ငံတကာအထောက်အပံ့ရော ဟာ တန်းတူ အရေးပါ ပါတယ်။ နောက်ရွေ့လျားပြောင်းလဲနေဆဲဖြစ်ပါတယ်။ လူထုဟာမျက်လုံးစုံမှိတ် ထောက်ခံတဲ့ သဘောထားကနေ ပြောင်းလဲရွှေ့ လျားနေပါတယ်။ တိုင်းရင်းသားတို့ဟာ သက်ဆိုင်ရာတိုင်းရင်းသား အဖွဲ့အစည်း များဆီေ ထာက်ခံမှုကို ပြောင်းပေးဖို့ အဆင်သင့်ဖြစ်လာနေကြ ပါပြီ။ သက်ဆိုင်ရာ တိုင်းရင်းသားခေါင်းဆောင်များပါတီများကလည်း လူထုထောက်ခံမှုကို ရအောင် နည်းလမ်းတကျ ကြိုးပမ်း အားထုတ်နေကြ ပါတယ်။လူနည်းစု လူမျိုးစုအခွင့်အရေးကို ဦးစားပေးစဉ်းစားလေ့ ရှိတဲ့ နိုင်ငံတကာ က အစိုးရကို ပုံအောထောက်ပံ့တာမျိုး မဖြစ်နိုင်ပေမယ့် တိုင်းရင်းသားတို့ကို ပိုပြီး အာရုံစိုက်ကူညီတာ မျိုးဖြစ်လာနိုင်ပါတယ်။ (တိုင်းရင်းသားပါတီများပေါင်းစည်းပြီးတော့ တစ်နိုင်ငံလုံးအတိုင်းအတာနဲ့ ရွေးကောက်ပွဲဝင်မယ့်အစီအစဉ်သစ်ဟာ အတိုက်အခံပါတီကြီးနဲ့ အာဏာရပါတီတို့အတွက်( ၂၀၁၅ မှာ မဟုတ်ရင်တောင် ၂၀၂၀မှာ) ကြီးမားတဲ့စိန်ခေါ်မှုဖြစ်လာနိုင်ရုံမက နိုင်ငံတကာကိုလည်း စိတ်လှုပ်ရှားမှု ဖြစ်ပေါ်စေနိုင်မှာ အသေအချာပါ။ ဒါဟာ ဒီမိုကရေစီအတွက် စဉ်းစားရင် အားတက်စရာဖြစ်ပါတယ်။

နောက်နိုင်ငံတကာအသိုင်းအဝိုင်းတစ်ခုလုံးကလည်း ပလေယာအားလုံးကို မျက်လုံးဒေါက်ထောက် ကြည့်နေပါတယ်။ အမှန်တရားဘက်ကလိုက်မယ်လို့ ပြောလို့ရပေမယ့်အကျိုးစီးပွားနဲ့ ချိန်ထိုးမှာဖြစ်ပါတယ်။ global economic and political strategy က ဒီနေရာမှာ အရေးပါလာနေတယ်ဆိုတာ သတိပြုပါ။ အိုင်ဒီယော်လော်ဂျီခေတ်ကုန်လုလုဖြစ်နေပြီး ပထဝီနိုင်ငံရေး ဟာ ခေတ်သစ်ကမ္ဘာ့ ပါဝါချိန်ခွင်လျှာညှိတဲ့ကိစ္စမှာ ဒီမိုကရေစီ စစ်စစ်အမြန်ပေါ် ထွန်းရေးထက် ပိုပြီး ဦးစားပေးစဉ်းစားခြင်းခံနေရပါပြီ။ မြန်မာနိုင်ငံဟာ အာရှနဲ့ တောင်အာရှရဲ့ ဗဟိုဖြစ်တယ်၊ လူဦးရေအများဆုံးနိုင်ငံကြီးနှစ်ခုနဲ့ အာဆီယံတို့ရဲ့ အရေးပါတဲ့ဆုံချက်ဖြစ်တယ်။ အမေရိကားကို ပါဝါချင်း လိုက်ယှဉ်ရုံမက ကျော်တက်ဖို့ ကြိုးစားနေတဲ့ တရုပ်နိုင်ငံနဲ့ နယ်နိမိတ် အရှည်ကြီး ထိစပ်နေရုံမက ခိုင်မာတဲ့ဆက်ဆံရေးလည်းဆိုတဲ့အချက်တွေကို နိုင်ငံတကာအသိုင်းအဝိုင်းတစ်ခုလုံးက မဖြစ်မနေ အလေးအနက်ထားနေ ရပါပြီ။ ဒီတော့ ဒီမိုကရေစီမြန်မြန်လုပ်ပါ မလုပ်ရင်ခင်ဗျားတို့ကို ပိတ်မယ် ဆိုတာမျိုး ဘယ်နိုင်ငံကမှ လက်တွေ့မှာထိထိရောက်ရောက် လုပ်မယ့်အနေအထား မရှိတော့ပါဘူး။ နိုင်ငံတကာအနေဟာ အစိုးရနဲ့ စီးပွားရေးအရ ခိုင်မာစွာ စည်းနှောင်ထားမှုကို ပိုပြီးထက်သန် လာနေ တာဖြစ်ပါတယ်။ ဒါကို အတိုက်အခံ( ပလေယာဟောင်းတို့) အသိအမှတ် မပြုရင်တောင်မှ ပလေယာ သစ်ကကောင်းကောင်းနားလည် သဘော ပေါက်ထားပါတယ်။ ဒီတော့ လက်ရှိအခြေအနေကနေ ရှေ့ကိုတိုးဖို့ နှေးကောင်းနှေးနေနိုင်ပေမယ့် ဆုတ်ယုတ်သွားအောင်တော့ ပလေယာသစ်က ဘယ်တော့မှလုပ်မယ်မဟုတ်ပါဘူး။ ဒီလိုထိန်းထားနိုင်ရင်ပဲ ပလေယာသစ်ရဲ့ အန္တိမရည်မှန်းချက် ( တာဝန် ) ဖြစ်တဲ့တည်ငြိမ်စွာ တိုးတက်ဖွံ့ဖြိုးရင်း ဒီမိုကရေစီသို့ ရွေ့လျားရေး ကိုပိုင်နိုင်စွာ အကောင်အထည် ဖော်နိုင်တော့မှာဖြစ်ပါတယ်။

အခြေခံဥပဒေဟာ ပလေယာသစ် အောင်မြငအောင်ဆောင်ရွက်နိုင်ဖို့ကို အာမခံချက်ပေးထားပါတယ်။ ဆိုလိုတာက တိုင်းပြည်ဖွံ့ဖြိုးတိုးတက်ရေး၊ ငြိမ်းချမ်းရေးနဲ့အမျိုးသားပြန်လည်စည်းလုံးညီညွတ်ရေးအတွက် ကြိုးစားရင် ဒီမိုကရေစီအရောက် ရွေ့ယူသွားမယ်လို့ ရည်မှန်းသူ ပလေယာအားလုံး အောင်ပွဲဆင် ပါလိမ့်မယ်။ အခုချက်ခြင်းဒီမိုကရေစီပေး ( အခြေခံဥပဒေကိုဒီမိုကရေစီနဲ့ကိုက်ညီအောင် အခု ချက်ချင်းပြင်) ဆိုတဲ့ နည်းလမ်းကို ဆုပ်ကိုင်ထားသူ ဘယ်ပလေယာမဆိုေ အာင်မြင်မှု နဲ့လွဲပါလိမ့်မယ်။ ကြားဖြတ်ရွေးကောက်ပွဲနောက်ပိုင်းမှာ တပ်ဘက်က အခြေအနေ တောင့်တင်းခိုင်မာနေပြီး အတိုက်အခံ တို့ဘက်က နည်းဗျူဟာအပြောင်းအလဲမလုပ်နိုင်သေးတာကြောင့် ထောက်ခံမှု မျှချေ အပြောင်းအလဲ ကြောင့် ခက်ခဲလာနေတာတွေ့ရပါတယ်။အတိုက်အခံတို့ အဓိက အာရုံစိုက်သင့်တာကတော့ အပြောင်းအလဲရဲ့ အရှိန်အဟုန်ကို လက်တွေ့ ကျကျထိန်းညှိရန်ကြိုးပမ်းဖို့ပါ။ တပ်က သတ်မှတ်ထား တဲ့ အရှိန်နှုန်းထားကိုပဲ လက်ခံလိုက်ဖို့မဟုတ်ပါဘူး။ ယုံကြည်မှုကို တည်ဆောက်နိုင်အောင်ကြိုးပမ်းပြီး အရှိန်အဟုန်ကို ပလေယာအားလုံး စိတ်တိုင်းကျ ထိန်းညှိနိုင်ဖို့ဖြစ်ပါတယ်။ေ သချာတာကတော့ ဘယ်ပလေယာမဆို လူထုနဲ့နိုင်ငံတကာရဲ့ ထောက်ခံမှုဆိုတဲ့ အထောက် အပံ့ အင်အားက ရွေ့လျား ပြောင်းလဲနေတာနဲ့အညီ လိုက်ပါ ရွေ့လျားနိုင်ပါမှ အောင်ပွဲခံနိုင်မှာဖြစ်ပြီး ဂိမ်းဟောင်းအတိုင်းဆက် တွန်းနေကြရင် တဖြည်းဖြည်း ဂိမ်းရဲ့ပြင်ပကိုရောက်သွားနိုင်တယ် ဆိုတာပါပဲ။ ဒီမိုကရေစီလိုလားသူတိုင်း အောင်ပွဲခံသင့်တာဖြစ်လေတော့ အားလုံးဟာပကတိအခြေအနေနဲ့လိုက်လျောညီထွေ လိုက်ပါဆောင် ရွက်နိုင်ကြစေလိုရန် ရည်ရွယ်ရင်း ဖြစ်ပါတယ်။

သီအိုရီသစ် ဆိုတာကတော့ ဖြစ်ပေါ်လာလတံ့သော ဒီမိုကရေစီ တည်ဆောက်ရေး မြန်မာ့မော်ဒယ်သစ် ( New model of Myanmar democratization ) ဖြစ်ပါတယ်။ သမ္မတအိုဘားမားက မြန်မာနိုင်ငံ သမိုင်းဝင်ခရီးကို အသုံးပြုပြီးအနောက်ကမ္ဘာရဲ့ မဟာဗျူဟာ အပြောင်း အလဲကိုအချက်ပြရင်း ပလေယာ သစ်နဲ့ဂိမ်းသစ်ကို အသိအမှတ်ပြုခဲ့ ပါတယ်။ မြန်မာနိုင်ငံ မင်္ဂလာပါ ဆိုတဲ့နှုတ်ခွန်းဆက်စကားနဲ့ ဧရာဝတီ ဆိုတဲ့ စကားလုံးတို့ကို ပီပီသသ ကြိုးစားရွတ်ဆိုရင်း အနောက်နဲ့ မြန်မာ ဆက်ဆံရေးသမိုင်းသစ် ဖွင့်ခဲ့ပါတယ်။ လက်ရှိရွေ့လျားမှုများ ခရီးတစ်ခု ပေါက်ရင် ဒီမိုကရေစီများအတော်အသင့်ဖြစ်ထွန်းလေ မလားဆိုတဲ့ ရင်ခုန်မှုနဲ့နိုင်ငံရေးဆရာတို့နဲ့ ကူညီပံ့ပိုးသူများက ဂိမ်းသစ်နဲ့ ပလေယာ အားလုံးကို စောင့်ကြည့်ရင်း ထိန်းကျောင်းရင်း ကူညီရင်း ဝိုင်းတွန်း နေကြပါပြီ။အခုပလေယာအားလုံးရဲ့ ဂိမ်းသစ် ဟာ မြန်မာတို့ တွက်ချက်နေတဲ့သမိုင်းမှာမရှိခဲ့ဖူးတဲ့ခေတ်သစ်ဒီမိုကရေစီ တည်ဆောက်ရေးပုစ္ဆာသစ်ပါပဲ။

အာဏာရှင်လို့ သတ်မှတ်ထားတဲ့ ပလေယာဟောင်းက အများစု ထင်မှတ်မထားတဲ့ အာဏာလွှဲပြောင်း ပေးမှုနဲ့ စတင်လိုက်တဲ့ ဂိမ်းသစ်ဟာ နိုင်ငံရေး အပြောင်းအလဲမော်ဒယ်သစ် သီအိုရီတစ်ခု ထွက်ပေါ် လာရေး အခြေခံအကြောင်းတရားတစ်ခုဖြစ်ခဲ့ပါတယ်။ ဒီပုစ္ဆာရဲ့ အဖြေကိုရတဲ့နေ့ ဟာ နိုင်ငံရေးအရ reform သီအိုရီသစ်ကိုဖော်ထုတ် မှတ်တမ်းတင်နိုင် တဲ့ နေ့ ပဲဆိုတာ အသေအချာပါ။ ။

ပိုက်တင်