မြန်မာနိုင်ငံ ရုပ်ရှင် အစည်းအရုံးမှ မြန်မာ့ရုပ်ရှင် ဇာတ်ကား များကို အရည်အသွေး ကောင်းအောင် ၊ အဆင့်မီအောင် ဆောင်ရွက်လျက် ရှိရာတွင် အာရှ ရုပ်ရှင် ပွဲတော်များ အထိ ပါ ပြသခွင့် ရရှိခဲ့သော ဇာတ်ကား များလည်း ရှိပြီ ဖြစ်သည်။
ယခုအခါ တရုပ်ရုပ်ရှင် ပညာရှင် အသင်းမှ ကြီးမှူး ကျင်းပ သော ၂၂ ကြိမ်မြောက် တရုတ်ရွှေကြက်ဖ ရာပန်း ရုပ်ရှင် ပွဲတော် ကို ၀ူဟန် တွင် စက်တင်ဘာလ ၂၄ ရက်မှ ၂၈ ရက် ထိ ကျင်းပမည် ဖြစ်ကြောင်း သိရသည်။
အဆိုပါ ရုပ်ရှင်ပွဲတော် တွင် ပြသရန် မြန်မာနိုင်ငံ မှ ရုပ်ရှင်ကား များစွာကို ရွေးချယ်ခဲ့ရာ Heart and Soul ရုပ်ရှင် ထုတ်လုပ်ရေး မှ ထုတ်လုပ် ထားပြီး ဒါရိုက်တာ ၀ိုင်း ရိုက်ကူးထားသည့် အာဒံရယ် ဧ၀ရယ် ဒဿရယ် အမည်ရှိ ရုပ်ရှင် ဇာတ်ကားကို ရွှေကြက်ဖ ရာပန်း ရုပ်ရှင်ပွဲတော် တွင် ပြသရန် ရွေးချယ် ထားကြောင်း သိရသည်။
အာဒံရယ် ဧ၀ရယ် ဒဿရယ် ရုပ်ရှင် ဇာတ်ကားတွင် ပြေတီဦး ၊ စိုင်းစိုင်းခမ်းလှိုင် နှင့် သက်မွန်မြင့် တို့ အဓိက သရုပ်ဆောင် ထားပြီး ၂၀၁၀ ပြည့်နှစ် အကယ်ဒမီ ပေးပွဲတွင်လည်း အမျိုးသား ဇာတ်ဆောင်ဆု ၊ အမျိုးသမီး ဇာတ်ဆောင်ဆု ၊ ရုပ်ရှင် ထုတ်လုပ်ရေး ဆုများ ဆွတ်ခူး ခဲ့သည့် ဇာတ်ကား တစ်ကားလည်း ဖြစ်ကြောင်း သိရှိရသည်။
Credit : http://themyawadydaily.blogspot.com/2013/09/blog-post_9087.html
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။